~~((( جديد ,, معايده )))~~

[فهد الفريدي]

السلام عليكم ورحمة الله وبركاته ... وكل عام وانتم بخير وعساكم من عواده



للتواصل .. اتمنى ان تنال اعجابكم ...





ياحروف الشعـر ياعطـر القصيـد=يابـنـات الفـكـر شيـلـي واردفــي

هاتـي الجزلـه ترانـا بـيـوم عـيـد=واتركـي هـزل الكـلام وغطـرفـي

لبتسامـة طفـل فـي يـوم ٍ سعـيـد=اشرقت شمس الصباح بمعطفـي

للصغير اللي لبس ثوب(ن)جديـد=والكبـيـر الـلـي بـعـيـده يحـتـفـي

والسـعـاده فالـكـم عمر(ن)مـديـد=هـذي هـي غايـة منايـه وهـدفـي

لكـل مـن جانـا وجاكـم مـن بعيـد=والقريب اهديـه شوقـي واحرفـي

بالتهانـي والـفـرح شلـنـا نشـيـد=يـاحـمـامـه بالـتـهـانـي رفــرفــي

واكتـمـال العـيـد بالـغـالـي اكـيــد=فـي حضـوره زال همـي وكلـفـي

هيه.. ياللي غبت يالظبي الفريـد=هيـه.. ياسبـة جروحـي وصلفـي

ساري(ن)مفعـول حبـك بالـوريـد=جرحك اللي كنـت خابـر ماشفـي

يازمان الوصل ! يالماض ِ التليد=ياعيون الشوق في قلب(ن) وفي

لارسالة عيـد لـو عبـر البريـد !!=لاسـؤال منـك لـو هـو مايـفـي !!

كل عيـد وشـوق قلبـي لـك يزيـد=والمشاعـر لاجـل شوفـك ترزفـي

عاد عيدك ياعسـى عيـدك سعيـد=انت يا عيد الخفـوق ومسعفـي !



وسلامتكم .. ( فهد الفريدي)

[@ سيف @]

صح لسنك وعلا شانك

قصيده جزله المعنى والحرف

[بنت الذيب]

من عواااده

وعسى كل ماعاد يلقاك

صح لسانك واعتلى شانك

[رهب]

كل عام وانت بصحه وسلامه
جزله وجات بوقتها
صح لسانك اخوي ابدعت
تشرفت بالمرور هلا بك

[ليلي وايت]

فهد الفريدي
صح لسانك وسلمت لكل عيد..ياعساك من عوااده ...
ويارب يتم عليك فرحتة بالوصل
شكرا لك ودمت برعايه الله وستره
ليلي وايت

[سفير المعاني]

الغالي
الشاعر
فهد الفريدي

كل عام وانت بخير وعيدك مبارك

اسعدني ان اكون من ضمن المصافحين

لقصيدتك الغنيه بالمشاعر النبيله في هذا

العيد اوصلك الله لما تمناه وحققلك ذلك

وصح لسانك وعلا شانك مليون ولا يكفون


تقبل تحياتي

[فهد المطيري]

/



فهد ..







كل عام وانت بخير ومن العايدين






صح السانك ملاااااااايين وصح كلك





عذبة الاحساس تقبض الانفاس وتدوي بالخفوق رائعه جدآ يافهد






لله درك










تحاياي

















/

[فهد الفريدي]

صح لسنك وعلا شانك

قصيده جزله المعنى والحرف



الاخ العزيز / سيف




صح بدنك



لااااعدمتك طال عمرك



دمت بتوفيق الله

[عبير الروح]

جعلك من عايده ذا السنه وكل سنه
وصح لسااانك ولاهنت

..

تحياتي
عبير الروح

[فهد الفريدي]

الاخوات /


بنت الذيب


رهب



ليلي وايت



لااااااااااهنتم على الحضور الجميل



لاااااااعدمتكم

[فهد الفريدي]

الاخ القدير / فهد المطيري


حضورك وسام يالغالي لاااااااهنت



لاااااااعدمتك

[فهد الفريدي]

الاخت القديره المراقبه / عبير الروح


حضورك راقي



لاااااعدمتك


دمتي بحفظ المولى

[فهد الفريدي]

الغالي
الشاعر
فهد الفريدي

كل عام وانت بخير وعيدك مبارك

اسعدني ان اكون من ضمن المصافحين

لقصيدتك الغنيه بالمشاعر النبيله في هذا

العيد اوصلك الله لما تمناه وحققلك ذلك

وصح لسانك وعلا شانك مليون ولا يكفون


تقبل تحياتي





يعطيك العافيه على حضورك المميز


لاااعدمتك


دمت بخير