اهلا بك .. اسمح لي ان ارحب بسموك

[مهند بن سمران]

كل سنه وانتم طيبين

اسأل الله لي ولكم ان يبلغنا الشهر الكريم ويغفر لنا

ماهي الا ايام ونبلغ الشهر ومن منا لا يعرف هذا الضيف .. لن اتحدث عن مكانته في قلوبنا كمسلمين
لانني اثق ان الكلام لا يوفيه حقه فهو محفوظ في صدورنا

ولكن ما يدعو للقلق لما لم يعد لرمضان ماكان سابقا

شهر نستقله بالطاعات والاستغفار

لما تتسابق القنوات لاستقبال المشاهدين هل هو العائد المادي ام ماذا

مسلسلات وفوازير ومسابقات وناس من تصبح وهي تطبخ وتعجن وتلف سمبوسه وكله على الخرطي
وكان رمضان هو شهر الطبخ العالمي لدى المسلمين

انا عن نفسي اصلي الفجر واسمتها نومه ولا اقعد الا صلاه الظهر اصلي وارجع اعطيها خامس للعصر اصلي ثم امد السفره واحتري متى الامام يتنحنح اصلا ما يمديه يحرك المكرفون الا انا بوسط صحن الثريد :d

هل ما نقوم به طبيعي لشهر اوله رحمه واوسطه مغفره واخره عتق من النار ؟

صحيح ان الشياطين تصفد لكن ماذا عن شياطين القنوات خصوصا الشيطونه حليمه بولند :r0o0t (99):


كيف تستعدون لهذا الشهر وهل هناك روتين معين تمشون عليه :whistling:


للمراقبين والاداره الحق بنسف الموضوع من جذوره او نقله للقسم المناسب له :r0o0t (87): << اليوم رايق

[خلف العاطفي]

ههههههههههههه
مهند يارايق
شيل الميكرفون حق اللمؤذن
وارفق لين يأذن
ههههههههه


الله يعطيك العافيه
على الموضوع
ويوفقنا لما يحب ويرضى
والله مقصرين وزين ياللي ينام ويصحى للصلاه بوقتها
كثير مايصحى الابعد المغرب نسأل الله الهدايه لقلوبنا وللجميع
اما الروتين فانا اتوقع ان وقت رمضان والاستراحات وبالذات الطائره
من بعد الساعه 11هو اللي يفرض نفسه علينا
صارت روتين اجباري
ونسال الله ان يوفقنا لطاعه ومرضاته برمضان وسائر شهور السنه

[ريف النشاما]

موضوع يستحق بكل معانيه

لي عوده مهند بس اخلص من موضوع ثاني راجعلك

كل الود

[مهند بن سمران]

مهند يارايق
شيل الميكرفون حق اللمؤذن
وارفق لين يأذن
ههههههههه


والله يا خلف عندنا مؤذن بحارتنا مو مضبوط

يفطر اول ويدق بالتميره والقشطه ولا نعنش سحب المكرفون وتنحنح يعني طق المدفع :d




والله مقصرين وزين ياللي ينام ويصحى للصلاه بوقتها
كثير مايصحى الابعد المغرب نسأل الله الهدايه لقلوبنا وللجميع
اما الروتين فانا اتوقع ان وقت رمضان والاستراحات وبالذات الطائره
من بعد الساعه 11هو اللي يفرض نفسه علينا

صادق اصلا حنا مالنا غير الاستراحات يعني وين نولي :d

اشوى حنا بالشرقيه عندنا كم فندق يسوون خيام رمضانيه جوها حلو شيشه وقهوه وشاي يعني لا بغيت تغير جو عن وجيه اهل الاستراحه فيه مجال تنحاش عنهم

والطايره ماعنها لكن ان الله حطك قدام واحد يده مرزبه وكبسته ما ترحم :d

[مهند بن سمران]

موضوع يستحق بكل معانيه

لي عوده مهند بس اخلص من موضوع ثاني راجعلك

كل الود


لحظه تعال

مو على كيفك تروح ترد وانا صديقك تخليني :d

تعال اقول لك :whistling:

[عبير الروح]

اولا الله يبلغك رمضان
بصحه وسلامه باذن الله
ثانيا
ماشاء الله عليك تصلي الصلاه في وقتها افضل من غيرك مايقوم الا قبل اذان المغرب بدقيقه
الله يرحم حال هذي الفئه

وعن نفسي
نفس الروتين
اكيد يتخلله طبخ وصلاة تراويح وختم قران وزياااااره لكل الي يعرقون فيني ابارك لهم الشهر :)
الله يتقبل انشاء الله

مهند وجميع المتواجدين
كل عام وانتم بخير

[مهند بن سمران]

ثانيا
ماشاء الله عليك تصلي الصلاه في وقتها افضل من غيرك مايقوم الا قبل اذان المغرب بدقيقه
الله يرحم حال هذي الفئه

وعن نفسي
نفس الروتين
اكيد يتخلله طبخ وصلاة تراويح وختم قران وزياااااره لكل الي يعرقون فيني ابارك لهم الشهر :)
الله يتقبل انشاء الله



مو طواعه مني عندي لي شايب قبل يروح المسجد يدوس على صابري لين اقوم :d

عبير شنو اكثر طبخه تعرفين تضبطينها برمضان << يحس ان الخدامه تسوي كل شي من الى :r:

[عبير الروح]

مو طواعه مني عندي لي شايب قبل يروح المسجد يدوس على صابري لين اقوم :d

عبير شنو اكثر طبخه تعرفين تضبطينها برمضان << يحس ان الخدامه تسوي كل شي من الى :r:

الله يخليلك شايبك يارب هم الخير والبركه:thumb:

اما الطبخ قوم تعاونو ماذلو
يعني انا اعلم الشغاله وهي تنفذ:d

[مهند بن سمران]

اما الطبخ قوم تعاونو ماذلو
يعني انا اعلم الشغاله وهي تنفذ


يعني افهم من كلامك انك من بعد صلاه الظهر وانتي مخمره بالمطبخ وتحوفين القدور :d


ها السنه بالذات ودي نشوف طبخ العضوات وبالاخص تقطيع البصل وغسيل المواعين عقب الفطور


<< ايه هين

[مغضور العود]

مغضور العود: يالله حيه ,, هلا برمضان أقلط

رمضان: هلابك يالغالي .

مغضور: علومك وأخبارك؟؟

رمضان: والله ماني بالحيل,, تعبان ومريض.

مغضور: سلامتك وش فيك؟؟

رمضان: والله شف الناس وش تسوي لما أجيهم,, يتلهون عني ومايهتمون فيني وأنا جيبلهم الخير كله.

مغضور: ,,,,,,, لاتعليق :whistling: .

أعتقد وصلت الرسالة.

[مهند بن سمران]

رمضان: والله شف الناس وش تسوي لما أجيهم,, يتلهون عني ومايهتمون فيني وأنا جيبلهم الخير كله.

مغضور: ,,,,,,, لاتعليق :whistling: .

أعتقد وصلت الرسالة.


وصلت يا مغضور

هو صادق

في الاونه الاخيره النفوس تغيرت ما تشوف ربك ما يبارك لنا بشي :d


بس ابي انشدك

رمضانكم ها السنه بتصومونه معنا ولا بتأجلونه لفبراير :d

[مغضور العود]

وصلت يا مغضور

هو صادق

في الاونه الاخيره النفوس تغيرت ما تشوف ربك ما يبارك لنا بشي :d


بس ابي انشدك

رمضانكم ها السنه بتصومونه معنا ولا بتأجلونه لفبراير :d


الله يصلح الجميع

والله بالنسبة لرمضاننا هقوتي بنقلبه كبسات الظهاري الله يستر. :d

وبالنسبة للمعدة ,,,أبشرك صبيت الميدة وحطيت القواعد ,,على أول رمضان خالصين التشطيب :r0o0t (29):