وجهة نظر

[سعود الشطيطي]

للتواصل













جعل زلات الصديق اللي على الشده صديق=تنـغـفر في سلم طـلقـين الـوجـيه وتــندمـح



لـو تـكابـرهـاا رفيقه مانسى حـق الـرفـيق=يـجـبـره أقـل حـاجـه للـعذر عـيـش ومـلـح



عـاد يـوم اِن الصـداقـه حـبلـها حـبلٍ وثيق=وش يعذرني من الشرهات يالوجه السمح



الله اكـبر يـارفيقــي وانـت خابرنـي طلــيق=ان سمـح وجــه الـلـيالي او لــعـله ماسمح



ماذخـرتـك غـير عـز وكـنك اخـوي الشقــيق=وقفتك وقـفت بـطل والآدمــي لـو مـاطـمـح..



ماتسرَه طيــحته لاطــاح في نـص الـطـريق=والليــالي لـو تــقدر كــان ماتـجــرح جــرح



انهض عزومك ووسع خاطرك لو ماتطيق=دورة الايــام تــبـري عـلـتـك يـالـمـنجـرح



ماتضيق الارض واِن ضاقت بعينك لاتضيق=والله انـه ضـيـقـتك بالــصـدر تــذبحني ذبــح



الــعـراقه مـاتليق اِلا على الرجل الـعـريق=وأنت من طيبك عيونك تشبح العلياء شبح



لو حداك اللي حداك وغرَك السلك الرقيق=عن مجاهيم الفعول تنوب للعفو الـوضــح



بس خلك شــامخٍ في وقـفــتك كـنك طـويـق=ماحصل فالوضع سلة سيف أو زرقة رمح



ولا انا لن عـودت من يـم زلات الـصديــق=انــجـبر باقـل حــاجـه للعــذر عــيش ومـلح



عاد يـوم ان الــصـداقـه حـبلهاا حبلٍ وثــيـق=وش يعذرنا من الشرهات يالـوجه الســمـح

[عقاب]

ياسلام ياسلام ياسعود

اعجبتني كثيرا وصح الله لسانك



تحياتي


.

[ريف النشاما]

وش يعذرنا من الشرهات يالوجه السمح
ماعاد بنعذرك الا بمثلها
صح لسانك يا سعود الشطيطي
مدد بلا عدد

اخوك ريف

[المسافر]

الله اكبر يارفيقي وانـت خابرنـي طليـق
ان سمح وجـه الليالـي او لعلـه ماسمـح
ماذخرتك غير عز وكنك اخـوي الشقيـق
وقفتك وقفت بطل والآدمي لـو ماطمـح..
ماتسرَه طيحته لاطاح في نـص الطريـق
والليالي لو تقـدر كـان ماتجـرح جـرح
انهض عزومك ووسع خاطرك لو ماتطيـق
دورة الايـام تبـري علتـك يالمنـجـرح
ماتضيق الارض واِن ضاقت بعينك لاتضيق
والله انه ضيقتك بالصـدر تذبحنـي ذبـح
العراقه ماتليق اِلا علـى الرجـل العريـق
وأنت من طيبك عيونك تشبح العلياء شبـح
لو حداك اللي حداك وغرَك السلك الرقيـق
عن مجاهيم الفعول تنوب للعفـو الوضـح

أسجل إعجابي بهذه النادرة

[ظل الياسمين]

وشمُ الحرفِ هُنا غارقٌ ب الجمآل زَاخرٌ ب الروعة .

ابدعت اخي الشاعر/ سعود الشطيطي

لك الامتنان ولحرفك دوام التجلي

لاهنت

[خلف العاطفي]

سعود الشطيطي

صح السانك


ابيات اكثر من رائعه

لاهنت

[سفير المعاني]

الغالي
الشاعر
سعود الشطيطي

الله يسعدك ويوفقك لما فيه الخير

واسعدني مروري لمتصفحك لمصافحة

قصيدتك الشامخه قصيده معبره بها

تصوير شعر انت شاعر متمكن ومبدع

صح لسانك وعلا شانك يالغالي

تقبل تحياتي

[جمرة العرب]

الشاعر سعود الشطيطي
صح لسـانك
اطلق العنان للقريحة .. واتحفنابالدرر .. فنحن دائماً نطمع بالمزيد ..
يرويني الشعر ولكن سُرعان ما أضمى !!

[خيّالـهآ]

الله عليك ياسعود
مبدع
صح السانك مدد بلاعدد
تحياتي,,

[عبدالعزيز الفهد]

صح السانك


ابيات اكثر من رائعه

[أنا]

سعود

اسعد الله اوقاتك

نص
به ..شموخ نفس وسماحة روح ..جزالة معنى ..ونقاء قلب ...وشاعريه عذبه ...

تحياتي ..ودمت بخير