مرثية الشاعر عبدالعزيز عسكر (بسموه)

[عقاب]

/













/














مبدا كلامي باذكر الرب في الحال= رب السما باق ولا هوب زايل
اللي حكم بالكون وقرر لنا آجال= ولا هو على موت المخاليق عايل
سمعت قول قيل ومن عرض ما قال= قال السديري مات وهذي هوايل
قال ان ابو زيد تردت به الحال= ومن بعدها صار القدر فيه مايل
لا و الله اللي حط بالقبر رجال= حليم حلال الامور الجلايل
فارس شجاع و للثقيلات حمال= وفعله على بعض الرجاجيل طايل
بيته مشرع للمستير مدهال = عز الرفيق اليا اشتكى من علايل
اليا فعل فعله على كل الافعال = ويعرف يصرفها دقاق و جلايل
دايم علىناره معاميل و ادلال = وله مجلس مدهل روس القبايل
ومن بعد موته صيبت الأرض بامحال= موته عليتنا صعب الحب هايل
امضى ولكنه من العز مقد نال= مراتب عليا ولا هي قلايل
امضى وخلف من مصاليبه اشبال= و الكل منهم للمقاديم نايل
لو ينفدي نفداه ونرخص له المال= ويفداه ما نملك جداد و سمايل
لكن هي الدنيا لها اقفاي و اقبال= ولا حد سلم منها ولا العمر طايل
و اطلب من المولى ينزاله منزال= في جنة الفردوس زبن النزايل
قلته و انا ماني بكاذب و دجال= من شي في قلبي و لا هوب زايل
حنا هل العليا بحزات الاذهال = بسكان نجد من سلالات وايل
وصلاة ربي عد ما هل همال = على النبي عداد وبل الهمايل