مشتاق لك [ طلال الرشيـد ] ! [الأرشيف] - شبكة رهب الأدبية-ريما محمد السديري

مشاهدة النسخة كاملة : مشتاق لك [ طلال الرشيـد ] !

طلال بن عبدالعزيز

07-01-2010, 01:46PM

مساءكم / صباحكم

شعر وطهر

المرحوم الشاعر

طلال بن عبدالعزيز الرشيد :e:

(( الملتاع ))

http://up.rabe7.com/get-6-2010-sgqq13x4.gif

احساسي غريب

http://up.rabe7.com/get-6-2010-u3s9btcl.gif
الـلـيله احـسـاسي غـريـب..
عـاشـق
وانــا مـالي حـبيب
حـبيت ... كـل الـناس لاموني
حـبيت ... كـل احبابي باعوني
،
قـلـت احـب الـحب احـسن
قـلـت احـب الـحب اضـمن
لا احــــن ..
ولا اتــــوه
ولا بـعـد فــي يـوم احـزن
رضـيـت بـاقداري ونـصيبي
صــرت مـحـبوب الـحبايب..
وصــار كـل عـاشق حـبيبي..
الــلــيـلـه غـــيـــر
شـــعــوري غـــيــر!!
اشـــواقـــي غـــيــر!!
حــتـى الاغــانـي غـيـر..
صدري سما .. واحساسي ... طير
بـــس طـيـفك مـاتـركني
ظــل سـاكـن تـحت جـفني
كــــــان وافي
كــان يـذكر .. وانـت جـافي!
انــــــت ويـــنــك؟؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى

،

العوواذل
http://up.rabe7.com/get-6-2010-zjinsxsu.gif
حبيبتي كل العواذل تشابه
قلب ظلام وجه يشبه للأصحاب
ولا ما غدى لك صاحب ينحكى به
لا تسمعي أن كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي صوابه؟
والشوك ينبت بين جفنين وأهداب
تعبت امني .. الأسئلة بالاجابة
وانطر شروق الشمس والشمس بغياب!!
وتعبت أناظر والمعنى عذابه
أنك بعيده والملا دونك حجاب
اجمع كلام وما أعرف الإجابه
وعندي شعور صدق والوقت كذاب
كل النجوم اللي امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلب ظلام .. ولابس ثوب الأصحاب

طلال بن عبدالعزيز

07-01-2010, 01:52PM

اخر الحب

[/URL]http://up.rabe7.com/get-6-2010-zdjudum4.gif
كنت احسب اني عرفت الحب قبل اعرفك
وعـشقت قبل اعشقك واشتقت قبل التقيك
وكنت احسب اني لقيت احباب قبل اوصلك!!
واثـري توهمت في غيرك وانا كنت ابيك (http://up.rabe7.com/)
تـعال نـعطش وتـشربني وانـا اشربك!
تـعال قـبل الـوعد اجلس معي نحتريك..
تـعال شـفني وانـا اسـتناك كم اشبهك؟
يطري علي الف راي و راي واحتار فيك
اجـي مـكان الـوعد والا اسـبقه انطرك
والا آخـذ الـموعد الـلي يحتريك واجيك
يـا آخـر الـحب ذقـت الحب في اولك..
ويـا اول الشوق اقصى الشوق ماينتهيك
عـلمتني كـيف اعرفك
...... لين صرت اجهلك
ضـيعتني فـي مـتاهاتك وكنت ارتجيك
حـبـيب الاحـلام يـابعدك ويـامقربك!!
حـرام يـكفي تـبعثرني وانـا احـتويك
ان شـفتك بـحلم صـدقته وانـا اتوهمك
- (http://up.rabe7.com/)وان شـفتك بـعلم كـذبته الـين انتشيك..
اخـاف اغمض عيوني وان رمشت افقدك!!
واخـاف افـتح وتـصبح حلم ولا التقيك

،
اليوم ذكرى فراقك
http://up.rabe7.com/get-6-2010-tyk0kxmt.gif

الـيوم ذكرى الفراق ومرت اول سنه
الـيوم لـي عام متغرب وحيد وحزين
الـيوم انا ضيف جرحي جيت باطمنه
انـي جمعت الدموع وجبت امانة امين
مـا يجرح الصادق الا غدر من يامنه
لا جت من احباب قلبك
لا تلوم السنين
مـليت مـن هالاماني دام مهي ممكنه
لاهـي تـحقق ولا ياسي بوجهي يبين
لـوين انا وانت مثل الشمس والازمنه
مـع كـل صبح يجددني لشمسك حنين (http://up.rabe7.com/)
لا قـلت احـبك احـبك كـنها دندنه
او كـنها وردة مـابين اصـابع جنين
يـا اجـمل الناس لك بين الملا هيمنه
كـثير غـيرك ولكن مين مثلك ووين؟
يـا عـاذلي خـذ عيوني يمكن تثمنه
تـشوف عيبه
وانا اشوفه ملاك حسين
امس افترقنا وانا احسب مرت اول سنه
يـا طـولها لـيلة الفرقا سنه للحزين[URL="http://up.rabe7.com/"]

طلال بن عبدالعزيز

07-01-2010, 01:56PM

اموت من فرقاك
[/URL]

http://up.rabe7.com/get-6-2010-z1jbsim9.gif

أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته
... .. .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك (http://up.rabe7.com/)
أحـب فـيك ..
احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك..
يـاللي عـطيت الـناس بيدك عنانك..
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي ..
و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقاني ..
مـكانك..
مكانك

،

بعض احوال
http://up.rabe7.com/get-6-2010-3v1y1qrz.gif

أنـا مـقدر أكون .. اني حبيب في بعض أحوال
أنـا كـلي أجـي ..
و الا أروح بعزتي .. كلي
تـخيرت الـفراق و مـادريت إن الفراق وصال
أقـول انـي نـسيتك بس مدري كيف تاصل لي
خـذاني لـك سؤال في عيونك و الجواب محال
خـذاني مـنك دمـع فـي عيوني مارضى ذلي!!
رحـلت انت و تركت بداخلي طيفك و صبر طال
غـدت ذكـراك شمس ما تغيب و صورتك ظلي
حـكيت و مـالقيت مـن الـحكي الا الندم موّال
سكت و مت بالحسره
و لا ادري و شهو احسن لي؟
أحـبك كـل مـافيني يـحبك يـا خـلي الـبال[URL="http://up.rabe7.com/"] (http://up.rabe7.com/)
تـخيلتك دواي و صرت جرحي الصعب يا خلّي
تـعبت أرحـل مع وجيه البشر بانساك بالترحال
و لا ادري وش يـجيبك في وجيه الناس واهلّي

طلال بن عبدالعزيز

07-01-2010, 02:00PM

تسوى عيوني

مـاقلت احـبك ولا قـد قلت ماحبك
احـب مـالي عـيوني وانت تسواها!!
لو تدري اش كثر تعني لي تعرف انك
اخـر امـل فـي حياتي
............... واول مناها
يـاكثر احـس ان بك مني وبي منك
روح قـسمها عـلى شخصين مولاها
لا تقول وش تحب فيني
اعشقك كلك
مـن لـيل شعرك لكلك واخر اقصاها
سـميتني نـصفك الـثاني وياشحك
انـا بـسميك كـلي وانـت مـعناها!!
تـعبت اوديـك لـه يـاقلب ويردك
لا اخـذ حـلومي ولا خلاني انساها
كـل الـحمام استراح وناح في ظلك!!
والورد الاصفر سقته الروح من ماها
لـيتك بـعمري ثلاثة اشخاص ماملّك
واحـد معي دوم وواحد روحي يملاها..

،
تنهديتين ونار
http://up.rabe7.com/get-6-2010-amgjwimi.gif

كــلّـمـنـي عـــنّــك
أبـعرف كـل شـيٍ عنّك منّك
قــلّـي وش أول جـروحـك
قلّي وش آخر أمل ترجيه روحك
إحــكـي عـــن طـبـعك
وعـــــن ربعك
عــن الـلـي يـهزّ دمـعك
قـلّـي وش مـعـنى الـحـياة
قـلّي بـأنفاسك متى قد قلت آه
إحــكّ لــي عــن الـحب
إحــكّ لــي .. إحـكّ لـي
إحــكّ لــي عـن الـشوق
طــر بــي فـوق ..فوووق
خـــذنـــي مـــنّــك
وإحـــكّ لــي .. عـنّـك
الــــــصــــــدق
إن الأمل من قبل أعرفك .. كذب
والـتـضـحـيه أوهــــام
وإنـي أنـا مـن قـبل أعرفك
كــنـت أعـــرف أنــام
كــان الـسهر مـو هـالسهر
لـعب .. و أغاني .. و إختصار
صـــار الـسـهر تـفـكير
صـــــار إنــتــظـار
صـــــار إحــتـظـار
صـار السهر .. تنهيدتين ونار
يـــا مـنـتـهى أمـــري
بـالهمس قـلّي مـرّه يا عمري
وطــر بـي فـوق .. فـوق
خـــذنـــي مـــنّــك
وإحـــكّ لــي .. عـنّـك!

طلال بن عبدالعزيز

07-01-2010, 02:05PM

حبيبتي
http://up.rabe7.com/get-6-2010-pfnbn0ss.gif

حبيبتي لا من غديتي لي ســراج اتـــبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه..
دامي من جروح الهموم الموجعه كلي صواب !!
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب
يابنت في خدك وهج سيل الشموس الساطعه
احـرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعــه
محروم انا وتخيلي محروم حتى من العذاب
يابنت لي قصه تطول بكلمتين موجعـــه..
هي باختصار اني انا اركض ويطردني السراب

،

حكوا فيها؟؟

http://up.rabe7.com/get-6-2010-a0rcse3s.gif
خذوا في طاري الحلوه وجابوا
مسيكينه بسيرتها تنابوا ..
واظن الصدق لشفاهم ابد ماهو قريب
بشر يامصعب رضاهم وانا مالي حسيب!
انا سايق عليك الله لاجل الله يا شامت
تخلي الشوك من يدك ولا تطرف عيون كحلت بالزين
لا نامت انا افداها اذا ودك
يا هل ترى انتي وين يا بنت الشفاة
انا ادور عليك بصورتك وينك
انا كني لمست رداك وايدينك
ما شفتك بكل الكلام
شفتك على سجادتك
كنك تصلين القيام
وليلك سرا بعبادتك
ما اصدقه والهرج ابد ماهو دليل
ما اصدقه يا عل يفداك الذليل!!
الله يستر خوافيها اللي حكوا فيها..

،

ياطاهره

http://up.rabe7.com/get-6-2010-fcskk8og.gif

يـابنت انـا مـاني كـذا وظنونك تكذب عليك

كـلي عـيوب وما قوت تخجلني ظنونك واتوب

اكذب عليك ودوم اخونك

والبس الابيض واجيك

واعـشق معك الفين وجه ويمتلي صدري قلوب

احـلى الـكلام اقـوله لـك لوقلته البارح لذيك

يـوقف عـلى شفاهي معك مراهق صب لعوب

اكـذب ولا ادري لـيه اكذب اعشقك ما ارتجيك

اخاف من صدق الحقيقه في الهروب من الهروب

والله احـبك واعـشقك واعرف زمان اني ابيك

ولـكنها هـذي الـحياة تـعلمت مـن الذنوب

الـعين عـجزت تـعتقك الـقلب عيا يشتريك

فـي السجن خيال وفي في الصدر رجال كذوب

هـذي الحقيقه ما يجي في الكون اطهر من يديك

وانـا الـذي انقظ وضوء الغيم والماء والهبوب

انـقل عـيوبي فـوق متني وانتي لعيبك شريك

وبـاكر تـبسملي وجـيه لـك يعبسها الشحوب

يـا طـاهرة حـنا كـذا والمظهر يكذب عليك

يـمكن يـجي يوم يجي نخجل من ظنوك ونتوب!!

طلال بن عبدالعزيز

07-01-2010, 02:19PM

عيون الحب

http://www.shobiklobik.com/forum/data/2007815145038_hajars_eyes1.jpg

عـيون الـحب لا يمكن تناظر

عـيوب الـخل لوهو عيب كله
تـماري فـيه وبـوصفه تكابر..
تـرى مـن فوق خلق الله محله..!
رفـيق الـليل في الشباك ناطر
واثـاري الـليل شـباك لـخله
حفظ احلى الكلام
......وصار شاعر
بـصبر يـنتظر والـصبر مله
حـبيب عـشت في دنياه عابر
حـسب قـوله ويا شعري فقله
انـا ضحيت له وارجي وصابر
واذا عـيـا اقـول الله يـحله
عـلى الـملتاع الا يا بعد باكر
يـبي الـسلوان والذكرى تظله
صحيح ان الهوى سحر المشاعر
يـراه الـصب عـز لـو يذله
عـيون الـحب في قلبي تناظر
تـشوف الـلي عيوني ما تدله..

،

عيون الصغار

وجهك غضب .. وجهك عروس
يـضوي مدى .. يحرق نفوس
تـشبه لـك الـشمس الشموس
و مــــا لـمـحـتـك!!
ســلام يــا أحـلى الأنـام
دربــي مـثل عـينك ظـلام
تـشبه لـك أسـراب الـحمام
و مــــا وصـلـتـك..!
يـا صـوتها الـرايح وجـاي
مـابـين أشـواقـي وشـقاي
تـشـبه لـك الـونّه ونـاي
و مــــا سـمـعـتك
حـبـيبتي والـبـوح نــار
إنـتـي أنـا بـكل إخـتصار
تـشبه لـك عـيون الـصغار
و مــــا عـشـقـتك!!
يـا مـهرتي الـبيضا الأصيل
تـلعب و انـا صـبٍّ نـحيل
تـشـبهك غـابـات الـنخيل
.. و مــــا سـكـنـتـك!
يــا غـاية الـحلم الـمحال
مـثلك أنـا حـلمي الـوصال
يـشبهك فـي الـشاعرخـيال
و مــــا كـتـبـتـك!!

،

سنا الفضه

http://up.rabe7.com/get-6-2010-q9rhylts.gif

جتني وشافتها عيون حايرات"

" ذا شعاع الشمس او هذا سناها

ضاعوا اللي جوا معاهامسيرات"

" واقبلت تمشي تقل محدٍ معاها

ياسنا الفضه وياجيد المهات"

" ياشذى نبت الخزامى في وطاها

قلت كن بوجنتك زهر النبات"

" قالت ان الرمش يجرح لي صفاها

تجرح الظلما عيون ناعسات"

" سلهمت وأغضت تغطرس في بهاها

حققوا بالشوف في لون الشفاة"

" هو خذا منها الشفق والاعطاها. (http://up.rabe7.com/)

ولو ظلام الليل يعطينا ثبات"

" فيه من لون الشعر والاكساها

كيف أباصف زين كاملة الصفات

" كيف أباصل في حروفي منتهاها

طلال بن عبدالعزيز

07-01-2010, 02:32PM

لاتلمس الجرح
[/URL]http://up.rabe7.com/get-6-2010-qsl11zpw.gif
لا تـلمس الجرح يا معود وصبح عزوم
الـبرد فتق ضلوعي وانت دوار صيت
ضيعت عمري اطاول في حزومي رجوم
وايست اباقول كل الشعر في شطر بيت..
لا الـوقت وقتي
ولا حلومي تطيع وتنوم
ولا الركايب وحادي العيس ترضيه ليت
ذهـايب الـذود راحت مع ذواهيب قوم
لا صـار لك الف قوماني فلك الف بيت
ترى اصعب الموت موت يذبحك كل يوم
واصعب حياتك تعيش وانت جواك ميت
اواه يـا طـول عمري لا حسبت الهموم
يـا كـني اكبر من الدنيا ولا قد شكيت
عـلمك دهـاني يا لاقي خير خل العلوم
اسرجت صفرا من همومي عليها iحديت
واطـلقت لـلبيد راحـلتي وفوق النجوم
راسي وانا كل راسي تيه فخر و هميت
واقـول لـلي يـبي كـرامتي لا تهوم
لا انـته ولا الـف مثلك يهدم اللي بنيت..

،

قالت قدر
(http://up.rabe7.com/)

http://up.rabe7.com/get-6-2010-m7l68k89.gif

قالت قـدر و أقـول يومـك تبينـي
غصبن على الدنيا
يدك فـي يدينـي ..!
لا تظلمين الوقت وش ذنـب الأيـام
لا تظلميـن الـحـظ لا تظلميـنـي
غديت مابين ارجـا فيـك واليـأس
هـذا يبـي منـي وهـذا يبيـنـي !
إن قلت شمت وخاطري طاب كذاب
وان قالت أبيك
ارخصت نفسي بعيني!!
خيرني أمري بين أصعـب خياريـن
موتي أنا أو موت الحسـاس فينـي
لكن زمانـي المـر علمنـي أنـي
أموت محني لجـل قلبـي جبينـي
والله ما تلقيـن حبـي مـع النـاس
روحي وهـا لأيـام بينـك وبينـي!

،

ماجته

http://up.rabe7.com/get-6-2010-44c9fq2q.gif
يـحـتريها مـوعد آمـال كـبار نـاجته
يحتريها حافظ بعض الكلام اللي يبلغ حاجته
يـتـأمل بـالـوجيه .. يـتحراها تـجيه
والـثـواني يـأس ..
يـرجي وتـرتجيه
لا تــــأمـــل بــالــوجـيـه
مــوعــدك .. لا مــــا تـجـيـه
ومـــــــــاجــــتــــه
الـنـاطر الـموعود .. اشـبهه بالعود
الـلي وقـفت يـوم عـلى مـتنه حمامه
راحـــت .. ونـاطـرهـا تــعـود
طـــويــل الــنـفـس لــيـلـه
ويــرجــي صــبــر حــيـلـه
ويــــــــــلـــــــــه
كـم تـأمل بـالوجيه .. وكم تحراها تجيه
ومـــــــــا جــــتــــه
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الـغيوم .. قـلب على الصحرا حنون
اصــدق ..
ومــا اصــدق تـجـيه
الــلـي عــلـى خـــده يـــده
والــلـي الامـــل بـاسـمه نــده
قــــم! ..
تــأمــل بـالـوجـيه
مــوعــدك .. يـمـكـن تـجـيـه
ومـــــــــا جــــتــــه

[URL="http://up.rabe7.com/"] (http://up.rabe7.com/)

طلال بن عبدالعزيز

07-01-2010, 02:36PM

لحن البدو

http://up.rabe7.com/get-6-2010-37tlsmw3.gif (http://up.rabe7.com/get-6-2010-37tlsmw3.gif)

حنـا ولا قـلـت حـنـا تحـنـى
كل الكلام بعطـر تاريـخ الاجـداد
المجـد هـم وهـام فينـا وغنـى
حتى علينا من على روس الاشهـاد
ياكبـر حـظ اللـي نخانـا وثنـا
نشد له فوق الفخر سـرج وشـداد
ان هلـل التاريـخ غطـرف وطنـا
وان سولفوا عنا رجاجيل وأجـواد
وان بان لك شمس ترى ذيـك حنـا
نشرق مدام الظلـم ظلمـا وحسـاد
يابنت يمـي كـان رمشـك تمنـى
أشق لك ثوب السماء جود وعنـاد
واشـد لـك زمـلٍ جفـن المعنـى
واسري بوجهك لاغشى وجهي سهاد
ياحلـو قـدك يـوم قـدك تثـنـى
ما أحدٍ تغنى فيك من خوف الالحـاد
حنـا البـدو يابنـت هـذا لحـنّـا
نحبك اكثـر لاغـدى حبـك جهـاد
وحنّا البـدو يابنـت لامـن نخنّـا
بناتنـا يثالـث العـيـد الاعـيـاد
وحنّا البدو يابنت وان قلـت حنّـا
فاح الكلام بعطـر تاريـخ الاجـداد..

،

بعد حيي

http://up.rabe7.com/get-6-2010-nle0dj2p.gif

اليوم يا بنت من زيي

الشمس واردت على ضيي

جيت انتخي بالوجيه البيض

يا عزوتي يا بعد حيي

الجادل اللي حلاها غير

ضيعت في شمسها فيي

بعيونها سلسبيل رماح

و الموت بالسود متهيي

موت و انا اموت انا بالموت

كثيرها غرّق شويي

لا قلت تكفين قالت جاك

و ان جيتها فجأة تعيي

و لا قلت مالي و مال الغيد

قالت وهم بينهم زيي ؟

و ان قلت انا تبت مالي كار

مقفي زمانين عن غيي

قالت و هي تلتفت للناس

طلال موته على يدي

طلال بن عبدالعزيز

07-01-2010, 02:42PM

مايكبرني لقب

http://up.rabe7.com/get-6-2010-yrqjzf1m.gif
ياصغير مايكبرني لقب..
ولا يصغرني الى انكرني صغير
ماخذينا الصيت من جمع الذهب
ولا نسابة شيخ او قربة وزير!
كاسبينه من هل السيف الحدب
الجنايز كان ماجاك النذير
صيتهم نجم على راسه لهب
سمعوا الصقهان به وأجهر ضرير..
بالوفاء تاريخ ابيض ينتصب
لا حكوا بالحق حيين الضمير
ضيغمين لسناعيس أنتسب
لابةً طلنا بها عرش كبير..
عند حدك ياكثير الهرج تب
ولا تمر النار وثيابك حرير
كان لك عزاً بذلي فتعقب
والله انه تبطي وحبلك قصير
أحسب أنك من صناديد العرب
وأثر ساترتك عباتك يا غرير!
ماحسب للسوس زراع القصب
والقراده ما درى عنها البعير
لو حسبنا للحسايف والتعب
ما بذرنا للعصافير الشعير
عن هلك أبراي لله وأحتسب
الرجال اللي مجارهم عسير
من قريش المصطفى وابو لهب
والدغالب ما غشت عنهم غدير
لرجال ابن الرجاجيل العتب
والسكات تحل في حال الفقير
نعنبو وقتاً غدينا به حطب..
تحرقه نار ويثورها أجير
ما ألومك الزمن سوى العجب
هو بقى غير الكرامه بالجفير..
ماأذل وراسي يشم المهب
لو بقى من شمر طفل غرير
وما أهاب ولا يزلزني غضب
الشجاعه ورث...
والعاقل غزير
يا صغير مايكبر بالقب..
غير من هو كان من دونه صغيرر

طلال بن عبدالعزيز

07-01-2010, 02:55PM

طلال الرشيد
الله يرحمه وش كثر يفــوق الوصف باحساسه!!
الله يرحمه ويسكنه فسيح جناته

و أصلح ذريته

نواف وعبدالعزيز

http://upload.rhb-reema.com/index.php?action=getfile&id=2441

وداعا" طلال

http://up.rabe7.com/get-6-2010-slqco3vh.gif

زمان العجايب

07-02-2010, 10:21AM

مـاقلت احـبك ولا قـد قلت ماحبك
احـب مـالي عـيوني وانت تسواها!!
لو تدري اش كثر تعني لي تعرف انك
اخـر امـل فـي حياتي
............... واول مناها
يـاكثر احـس ان بك مني وبي منك
روح قـسمها عـلى شخصين مولاها
لا تقول وش تحب فيني
اعشقك كلك

ما أروع الاحساس بين الحروف وكأنها تنزف حبا" ووجعا" وفرقا

رحم الله الشاعر طلال بنت عبد العزيز الرشيد وموأت المسلمين آجمعين

رحمة واسعه وأسكنه فسيح جناته

وأصلح ذريته وعافاهم

ولم أجد في رثاء طلال حروفا" كثيره أنتحبت على فراقه ووقفت على حروف الشاعر المبدع مسفر الدوسري لفراق طلال

سافر ولكن لا تغيب

http://upload.rhb-reema.com/index.php?action=getfile&id=2442

طلال بن عبد العزيز

عوفيت على ذائقتك

تحياتي وتقديري لك

تركي الرشيد

07-07-2010, 01:27AM

طلالي حضرت فأنتقيت فأبدعت عندما احسنت فن الأختيار فلذائقتك جمال موجع ياأخي ..
.

طلال .. اثرت بركان داخلي بختيارك يانقي فلك ان تستمتع بهذا البيت مني طالما انت من نبش عنه بداخلي ...
.
الجرح بعد الجرح لاحق وملحوق
............ وكن الجروح جيوش تنوي احتلالي
.
صادق ودي لك ياغالي مع ارق التحايا

صمت انثى

07-11-2010, 02:29AM

هناك دموع تجف وتبقى الذكرى مفتاح لها في كل حين..،

الا دموع فراقك يا طلال
فانها ابت ان تجف وان تبقى للذكرى
فهي معنا تلوع بنا نفضات الحزن وغصه القلب الذي احبك للأبد

رحمك الله ياطلال وغفر لك وادخلك الفردوس الأعلى من الجنه
مرثية ابنة اخت الامير طلال الرشيد في خالها

يادمعتي ارثي طلال برحيله000وارجي له الغفران من عند مـولاه

يارب من غيرك برتجي له000في رحمه اللـي ماتحملـت فرقـاه

من موتته يارب نفسي عليله000راضي لكن حكم الاقدار ماقسـاه

اخفي هموم القلب لو هي ثقيله000ياقوي صبر القلب عليه ياقواه

ياناس كن الكبد فيها مليله000من واحـد فـي ايـام العيدفقدنـاه

ياناس راح اليوم راعي الجميله000الله يعين القلب على كبر بلواه

ياعل روحه في جنانك نزيله000ياخالقي تكـرم مقامـه ومثـواه

اللي زرع دروب الفضيله000وعلمني ارضي خالق الكون واخشااه

وعلمني امشي في الدروب النبيله00وخلاني اتبع في حياتي سجاياه

دايم عيوني في خياله تخيله00في كل نظره وين مـااروح القـااااه

ابكيه انا وتبكيه كل القبيله000وجاره ومن قام يعرفه قـام ينعـاه

كم شيخ صارت دموعه هميله000ويجاوب الونات من حر ماجـاه

ومن جا يعزيني بفرقا خليله000ربي عساه من الصواديف تاقـاه

مرحوم ياشيخ يمينه طويله000ليت القدر خذانـي بدالـه ولاجـاه

الموت حق وكلنا نستوي له00ولابد مـن يـوم تجينـاا مطايـاه

يالله طلبتك يامنجي دخيله0000انك تخلـي جنـه الخلـد مـااوااه

يالله طلبتك يامنجي دخيله0000انك تخلـي جنـه الخلـد مـااوااه

رحمك الله يااميرنا

طلال بن عبدالعزيز

07-15-2010, 01:16AM

علي المبرد

08-31-2010, 12:26PM

فعلا ياطلال

نبشت الجراح ولو انها لازالت مكشوفه ولكنك وطئتها

بما اجادت به ذائقتك المميزه..

من انتقاء ك لهذه القصائد

التي تحاكينا عن انقى وانبل الاحسا س واصدق المشاعر..

رحم الله الامير طلال الرشيد رحمة واسعه واسكنه الفردوس الاعلى

امين يارب العالمين