فهيد مقعد الرويس
04-13-2010, 03:13PM
بسم الله الرحمن الرحيم اعزائي اعضاء منتديات رهب
السلام عليكم ورحمة الله وبركاته هذه مرثية في ابوي رحمه الله ورحم اموات المسلمين
البيت عقب ابوي ماشوف له نور=طاف(ن)عقب ماراح فالعين نوره
لو ولعو لنبات سطحه مع السور= مظلم وفي كبدي سوات الحروره
وصدري من العبرات والضيق محشور=والدمع من عيني تقافا احدوره
علاك يالي يوم الاثنين مقبور=في منتصف افضل شهر من شهوره
اي والله اني فاقداً وافي شبور=على المعزه طايلاتٍ شبوره
عاش وتوفى باطيب خصال مذكور=عند المعارف ذكرها ومخبوره
ناشيً على الطاعه به الصدق مخبور= وعلى الشجاعه والكرم من ظهوره
لايقبل الهزله ولايشهد الزور=وبابه مشرع ياجده من يزوره
ولاقول في غيره من العالم قصور=الي عليهم من مزاياه صوره
الله يجبر خاطراً منه مكسور=وعسى الذنوب الي عليه مغفوره
عسى الولي يجعل مقره مع الحور= في جنة الفردوس مسكٍ عطوره
امين يالي بامرك الفلك مديور=يامفني(ن) خلقك وبامرك انشوره
الدائم انته والمخاليق بدور=ولافيه حيً غير واصله دوره
مال البنادم فالتصاريف مقدور= ونفسي على ماقدر الله صبوره
مومن وراضي بالقدر خير وشرور=والخير من حظ النفوس الشكوره
فالحالتين معظّم الرب مشكور=والعبد من نفسه حوادث شروره
مرحوم يالي يوم الاثنين مقبور=وعلاك فالدمع العيون معذوره
فلما سمع الشاعر عايض بن عمر الرويس مرثيتي في والدي رحمه قال هذه الابيات
ما احدٍ يلوم فهيد في بدع الأمثال=الله على حزنه وصبره يثيبه
والحمد للخالق على كل الاحوال=اللي ومر بالصبر عند المصيبة
لو إن طول العمر يشرى بالأموال=كان الملوك أموالها تفتدي به
جف القلم والرزق حدد والآجال=والعاقل اللي ما كتب له رضي به
نجزع ليا جانا خبر موت رجال=ولا احدٍ يحس الا بموتة قريبه
قريبه اللي كل ما ضده الجال=ياقف معه لا جت أمورٍ صعيبة
ياقف معه بالحال والراي والمال=يوم ان بعض الناس ما ينعدي به
مقعد من اللي للصعيبات شيّال=من شبته لين انتهى في مشيبه
نزيه عرض لكلمة الحق قوّال=واللي يبي قولة نعم يقتدي به
أبو فهيد بسيرته مضرب أمثال=بالمعرفة وبكل علمٍ يجيبه
معرّب الجدان والعم والخال=بين البقوم وبين عليا عتيبه
عساه في جنات فردوس وظلال=جنات عدن اللي سعتها رحيبه
يعطى كتابه فاليمين عن الاشمال=يوم إن من قدم عمل ينجزي به
والنا العزا في موت ماضين الاجال=وعسى دعانا ربنا يستجيبه
وعساه يحسن خاتمتنا ليا طال=العمر وان جت خاتمتنا قريبه
السلام عليكم ورحمة الله وبركاته هذه مرثية في ابوي رحمه الله ورحم اموات المسلمين
البيت عقب ابوي ماشوف له نور=طاف(ن)عقب ماراح فالعين نوره
لو ولعو لنبات سطحه مع السور= مظلم وفي كبدي سوات الحروره
وصدري من العبرات والضيق محشور=والدمع من عيني تقافا احدوره
علاك يالي يوم الاثنين مقبور=في منتصف افضل شهر من شهوره
اي والله اني فاقداً وافي شبور=على المعزه طايلاتٍ شبوره
عاش وتوفى باطيب خصال مذكور=عند المعارف ذكرها ومخبوره
ناشيً على الطاعه به الصدق مخبور= وعلى الشجاعه والكرم من ظهوره
لايقبل الهزله ولايشهد الزور=وبابه مشرع ياجده من يزوره
ولاقول في غيره من العالم قصور=الي عليهم من مزاياه صوره
الله يجبر خاطراً منه مكسور=وعسى الذنوب الي عليه مغفوره
عسى الولي يجعل مقره مع الحور= في جنة الفردوس مسكٍ عطوره
امين يالي بامرك الفلك مديور=يامفني(ن) خلقك وبامرك انشوره
الدائم انته والمخاليق بدور=ولافيه حيً غير واصله دوره
مال البنادم فالتصاريف مقدور= ونفسي على ماقدر الله صبوره
مومن وراضي بالقدر خير وشرور=والخير من حظ النفوس الشكوره
فالحالتين معظّم الرب مشكور=والعبد من نفسه حوادث شروره
مرحوم يالي يوم الاثنين مقبور=وعلاك فالدمع العيون معذوره
فلما سمع الشاعر عايض بن عمر الرويس مرثيتي في والدي رحمه قال هذه الابيات
ما احدٍ يلوم فهيد في بدع الأمثال=الله على حزنه وصبره يثيبه
والحمد للخالق على كل الاحوال=اللي ومر بالصبر عند المصيبة
لو إن طول العمر يشرى بالأموال=كان الملوك أموالها تفتدي به
جف القلم والرزق حدد والآجال=والعاقل اللي ما كتب له رضي به
نجزع ليا جانا خبر موت رجال=ولا احدٍ يحس الا بموتة قريبه
قريبه اللي كل ما ضده الجال=ياقف معه لا جت أمورٍ صعيبة
ياقف معه بالحال والراي والمال=يوم ان بعض الناس ما ينعدي به
مقعد من اللي للصعيبات شيّال=من شبته لين انتهى في مشيبه
نزيه عرض لكلمة الحق قوّال=واللي يبي قولة نعم يقتدي به
أبو فهيد بسيرته مضرب أمثال=بالمعرفة وبكل علمٍ يجيبه
معرّب الجدان والعم والخال=بين البقوم وبين عليا عتيبه
عساه في جنات فردوس وظلال=جنات عدن اللي سعتها رحيبه
يعطى كتابه فاليمين عن الاشمال=يوم إن من قدم عمل ينجزي به
والنا العزا في موت ماضين الاجال=وعسى دعانا ربنا يستجيبه
وعساه يحسن خاتمتنا ليا طال=العمر وان جت خاتمتنا قريبه