جابك الله يابن عامر

[عقاب]

:d



سلام الله وذكرالله بداية كل تسليمه= عسى الله يصلح النيه بظاهرها وباطنها

يابن عامرطرحك الله بوادٍ شفتك تهيمه= وانا خبزتك خابرها وخابزها وعاجنها



:d

[خيّالـهآ]

وين ابو عامر؟
لايكون خذا مع الوادي يمين ههه ههه

صح السانك ياعقاب
متابع

[علي بن عامر]

هلا يامرحبا والله يجيب الخير ويديمه=وانا بشرك بان الله على الاجواد هونها

انا حصلت لي ناس(ن) بوسط الوادي امقيمه=وناس(ن) تدفن الجره وفكري داري(ن) عنها

[علي بن عامر]

خيالها قريب قريب بس زحف خلني اشوف اعقاب زين هههههه

[خيّالـهآ]

ههه ههه

صح السانك يابو عامر

متابع لكم

[شبيب السبيعي]

عقاب ،، علي بن عامر

صحت السنتكم .. واصلو .. متابعينكم

[عقاب]

خيالها

شبيب السبيعي

منورين


أستلم ياعلي



هلابك ياهلا والسيل عقبه ديمة ديمه = ومحطات الفضى عيت على الأجواد تعلنها

أنا مابيك تفتيني بتحليله وتحريمه = أعرف الجره اللي صارلك حولين دافنها







.

[شبيب السبيعي]

الله الله

[سفير المعاني]

ياسلام عليكم شعارنا عقاب وعلي بن عامر

صحت السنتكم ومتابع لكم واصلوا لاهنتوا


تحياتي

[علي بن عامر]

لاهنت ياشبيب السبيعي

وسفير المعاني صحت ابدانكم



صحيح ان المصمم طوّل وطلع تصاميمه=ولكن جابت اصخور(ن) كريمه من مخازنها

يقولون العرب من قبل كل طقه بتعليمه=وحنا مادفناها يالين ابدت مجننها

[عقاب]

سفير المعاني

منور منور


أستلم ياعلي



تصاميم المصمم مابعد شفنا لها قيمه = حصات(ن) جبتها يمي ولا ادري وين وازنها

أثرك تبيت النيه وترجي بالصحو غيمه =تراقص لك شياطين(ن) سكنت بوسط مسكنها

[علي بن عامر]

تصاميم المصمم جابت اللي شفت تقديمه=وزانت وانت لين الحين بعلومك تشينها

عسى ربي يبارك فيك رييّس منتدى ريمه=علامك ماتحب الشجره اللي غصنكم منها

[عقاب]

أستلم ياعلي



شهور الحول محسوبه بتاريخه وتقويمه= عليه تاتمشيها وترجع تاتزينها


مدام انته رغبت البيت خذلك فيه تعتيمه= وانا من دون طلح الدوح كانك ناشد(ن) عنها

[شبيب السبيعي]

الله الله عليكم شعارنا

واصلوا

[علي بن عامر]

انا عقمت جرح(ن) قبل ماحصلت تعقيمه=وبيّنت العلوم اللي قليل العرف راكنها

يثور المخزن اللي نرفز الطاغي محازيمه=وانا مامشي تحت حكمة سرائيل وتسلطنها

[عقاب]

استلم ياعلي



حليلك واحليلك مجتهد واجروحك أسقيمه = تبى الدكتور يفزعلك وبالعصار يدهنها
يثوربك اللغم لوهو بجيش الصرب تلغيمه= وبنيت لدولت(ن) عظمى لحالك صرت تقطنها

[شبيب السبيعي]

الله عليكم .. صحت السنتكم ..

اشوف انه حمي الوطيس >> هههه

[خيّالـهآ]

صحة السنتكم شعارنا
ومتابعين لكم

[علي بن عامر]

لاهنت ياشبيب على المرور

واستلم ياعقاب

انا من فضل رب البيت راعي قدر(ن) وشيمه=ولا الد النظر فاللي سواليفه يكربنها

إلي فنجال دله وانت إلك براد تلقيمه=وانا اشوف المنيحه زانت وكثرو زباينها

[عقاب]

أستلم ياعلي


ضميرك عقب دمرته ياليت تعيد ترميمه= وترد حقوق جيران(ن) لها حولين راهنها

ليا عدت قرايا المملكه عدوك ياثليمه =على وجه الخريطه بس أشوفك طايح(ن) منها

[علي بن عامر]

استلم ياعقاب


ترى مالك مع البدوان لا ناقه ولا خيمه=ولكن روح راجع فرعها لن كانت ضامنها

انا اسمي فالدجا ساطع ولا غطتني الغيمه=ولو طالت حبوبك فالرحى ياعقاب ابطحنها

[عقاب]

استلم ياعلي


ليا قلنا صفى جوك يعود فيه تكتيمه= عطيتك سابق(ن) حره وماتقدر ترسنها

ترى مالك براطم لوتشب النار ياشريمه= تبين وتتقي في حارت(ن) ياشريم زابنها