فهد سالم الفهاد
03-21-2010, 04:05PM
السلام عليكم ورحمة الله وبركاته واسعد الله اوقاتكم بكل خير واعتذر على الغياب
واضع هذه القصيدة المتواضعه بين ايديكم اتمنى ان تحوز على رضاكم واستحسانكم
فكري اللي سرى كنه من الوصف وارد شفر = داعسٍ في ظلام الليل يبدع وطرقه يجود
يوم يطري على بالي من الناس واحد نفر = ماتذكر صديق ولا تذكر عدوٍ لدود
ما أذكر الا حبيبٍ عقبه الدار صارت قفر = أتوجد عليه وكل رجواي عله يعود
هاضني من شمال المجمعه من جنوب الحفر = وسط مظهور والدهناء بشرقي رمال النفود
صاحبٍ من جنوب المملكه جعل ذنبه غفر = حب وانحب وأمر الله على الارض نوه ونود
عقب ماهو على صما السويدا بحبه حفر = راح وأثار حبه كنها النحت فوق الحيود
حالةٍ كنها ليله كشفها بياح السفر = تنكشف لي خوافي الليل واشوف كل الحدود
كنه الصيد في محمية الصيد ضبيٍ عفر = ماينوشه هوى القناص لو طال كل البنود
وكني العسكري ظلمه على يد ضابط خفر = إجتهد والحصيله شافها من عيون الحسود
وكن صدري شهق نسمه وبالضيق مل وزفر = ولاقدر يشهق الاخرى من الشوق صابه جمود
وكن قلبي كما قدرٍ من النار فار وطفر = فار من ضيقته والصبر كمل ولافيه فود
ياهل العون كان العون يطرى بعز وظفر = قربوا مولع الملتاع منه بحبل وقيود
شدو حبال وصله في يدي مايلاقي مفر = ولا يلاقي لبعدي من ردى الناس هرج وصدود
طال مشوار فكري فيه والله وطال السفر = وكل قافٍ يسجل له من الوجد ضمن الشهود
وسلامت الجميع
واضع هذه القصيدة المتواضعه بين ايديكم اتمنى ان تحوز على رضاكم واستحسانكم
فكري اللي سرى كنه من الوصف وارد شفر = داعسٍ في ظلام الليل يبدع وطرقه يجود
يوم يطري على بالي من الناس واحد نفر = ماتذكر صديق ولا تذكر عدوٍ لدود
ما أذكر الا حبيبٍ عقبه الدار صارت قفر = أتوجد عليه وكل رجواي عله يعود
هاضني من شمال المجمعه من جنوب الحفر = وسط مظهور والدهناء بشرقي رمال النفود
صاحبٍ من جنوب المملكه جعل ذنبه غفر = حب وانحب وأمر الله على الارض نوه ونود
عقب ماهو على صما السويدا بحبه حفر = راح وأثار حبه كنها النحت فوق الحيود
حالةٍ كنها ليله كشفها بياح السفر = تنكشف لي خوافي الليل واشوف كل الحدود
كنه الصيد في محمية الصيد ضبيٍ عفر = ماينوشه هوى القناص لو طال كل البنود
وكني العسكري ظلمه على يد ضابط خفر = إجتهد والحصيله شافها من عيون الحسود
وكن صدري شهق نسمه وبالضيق مل وزفر = ولاقدر يشهق الاخرى من الشوق صابه جمود
وكن قلبي كما قدرٍ من النار فار وطفر = فار من ضيقته والصبر كمل ولافيه فود
ياهل العون كان العون يطرى بعز وظفر = قربوا مولع الملتاع منه بحبل وقيود
شدو حبال وصله في يدي مايلاقي مفر = ولا يلاقي لبعدي من ردى الناس هرج وصدود
طال مشوار فكري فيه والله وطال السفر = وكل قافٍ يسجل له من الوجد ضمن الشهود
وسلامت الجميع