ورود الحدايق

[الغناوي]

ياصاحبي صدري له ايام ضايق
ومدري وش الاسباب يومني اضيق

اجامل العالم وانا اقول رايق
ومن يلتفتلي يلتفت دون تدقيق

ارقاء على روس الجبال الشهايق
واجر صوتي بالحن والطواريق

الصدر ماهو لضيقت النفس طايق
بينه وبين الهم اعهود ومواثيق

شبيت ناري وعلقت بالعلايق
وفي جالها صفيت دله واباريق

وسويت من قدح الفكر بالطرايق
كيفن يخلي من تعومس له ايفيق

ابيات شعرن ماتعرف العوايق
بمر الولي ماهيب بامر المخاليق

تحكي تجارب والتجارب حقايق
ماهو كلامن دارجن للعشاشيق

يقوله الى من عناء الوقت ذايق
ذاق العناء فول حياته على الريق

لين انه اصبح من عناء الوقت فايق
يومن غيره شاب ولاوده ايفيق

واليوم يقطف من ورود الحدايق
ويشوم عن وردن بروس الزماليق

[عبير الروح]

اجامل العالم وانا اقول رايق
ومن يلتفتلي يلتفت دون تدقيق





صح لسانك
ياشاعرنا الغناوي
وعزا الله انها قصيده جزله
لكن فيها من الالم الكثير


لاهنت


دمت بود
عبير الروح

[الغناوي]

صحت ابدانك
عبير الروح
يسعدني ان تكوني اول من يشرف قصيدتي باعجابك
والله لايهينك على المرور

تحياتي

[سفير المعاني]

الغالي
الشاعر
الغناااااوي

الله انه يسعدك ويوفقك بجميع اوقاتك

ولقد اسعدني ان اكون ضمن المصافحين

لهذه القصيده الرائعه والاجمل من جميله

وصح لسانك وعلا شانك ولاهنت



وتقبل تحياتي

[عبير]

قصيدة جميلة من شاعر مبدع

صح لسانك ولاهنت

تحياتي

[بدر الدويش]

الغناوي
ملاحظه : اعتقد انها خطأ مطبعي
الصدر ماهو لضيقت النفس طايق
بينه وبين الهم اعهود ومواثيق

اعتقد / عهد ومواثيق




نص يقطر شع ـرأ

نديه هي تلك الحر وف برفقتك

نص وبـ رغم أحساس الألم

إلا انه طوق الجمال بكلتا يديه

صح كلك

تحيتي

[الغناوي]

سفير المعاني

صح بدنك


والله لايهينك على المرور




تحياتي

[الغناوي]

عبير

صح بدنك والله لايهينك على المرور


والجميل مرورك


تحياتي

[الغناوي]

stegrayملاحظه : اعتقد انها خطأ مطبعي[/color][/size][/font]
الصدر ماهو لضيقت النفس طايق
بينه وبين الهم اعهود ومواثيق

اعتقد / عهد ومواثيق


الشاعر البدر

التدقيق الجميل ولاكن

عهد / موفرده
والمواثيق/ جمع

وبهاذا يتشتت المعناء


وثق تمام الثقه ان الوزن سليم

ولوعندي شك واحد بالمئه لم انزل القصيده



شكراً لك على المرور
وصح بدنك




تحياتي

[خيّالـهآ]

الغنـــــاوي

صعدت في شواهيق الشعر
وجذبت لنا النوادر من اعشاشها
اعجبتني كثيراً يالغناوي

صح بوحك ولاهنت
تحياتي,,

[الغناوي]

خيالها


صح بدنك


اعجابك بحد ذاته فخر لي وشهاده اعتز فيها

من غير قاصر في الجميع

والله لايهينك على المروو




تحياتي

[حورية الكون]

سلمتك من الضيق
وصح لسانك

تحياتي

[الغناوي]

حورية الكون

نورة القصيد بطلتك طال عمرك

ومن يعرف الضيق وهو يشوف طلاتك

وصح بدنك والله لايهينك على المرور






تحياتي

[محمد جازي القثامي]

صح السانك


يامبدع متابعتي لك

[الغناوي]

صح بدنك

وماعليك زود والله لايهينك على المرور




تحياتي