وينك ياشبيب السبيعي_

[خيّالـهآ]

ياهجوس الغلا نادي شبيب=بعد رد التحيه والسلام
لاتهاب الذيابه وانت ذيب=يالسبيعي تحيزم بالحزام

[شبيب السبيعي]

مرحبا يااللبيب ابن اللبيب =دام عزك وبيت العز دام
والذيابه يقابلها قنيــــــب= لين تركد وتعلن لأنهزام

[شبيب السبيعي]

ارحب ياالغناوي
صبحك الله باالخير

[الغناوي]

مرحبا ترحبتن كنها لون الحليب
بثنين الي تنادو على زين الكلام

مربي دربي وانا عبرن وسط الشعيب
ثم نوخت المطيه وفكيت الخطام

ثم ورت العد والدلو في وصط القليب
عابر في رحلتي قبل لايمس الظلام

[الغناوي]

ارحب كنت اكتب ولا اتبهت لك صباح النور

[سفير المعاني]

حياكم الله خيالها والسبيعي

متبعين لكم لاهنتوا على هالمحاوره

واصلوا

تحياتي

[شبيب السبيعي]

هلا بك .. حياك
ولاهنت على هاالأبيات
وخيالها شكله غاط بسابع نومه
وانا بعد استاذنك ياالغناوي
بروح انام وغدا لنا لقاء
وبعد ماأخلص من خيالها
بآخذبك مشوار

[شبيب السبيعي]

هلا وغلا بـ سفير المعاني
تشرفت بوجودك ومنور انت
والغناوي...
ماعاد الا خير
حنا ماجينا الا متأخرين
وللمحاوره بقيه
تصبحون على خير

[الغناوي]

انا ماكنت ادري انها محاوره

ولا كان ماتدخلت ع العموم اسف

وذا خلصت من خيالها تعال سابقني والسابقه تضهر بيدها

تحياتي

[شبيب السبيعي]

لا باالعكس ياالغناوي وجودك شرف
ومداخلتك محل التقدير
لاعدمناك ياذيبان

[خيّالـهآ]

سفير...الغناوي
منـــــــــورين


احفظ الوصف كامل يالحبيب=لا تظل الطريق ولا تنام
والله اني لا احدرك الشعيب=لين تلحق خوالك والعمام

[شبيب السبيعي]

مساء الخير للجميع ... المعذره انشغلت شوي
منور سفير المعاني
استلم ياخيالها


ياقليل الوفاق امرك عجيـــب ~~~~~ تطّبخ وانت للعاوي طعــــام
اسمعك لك قريش ولك دبيب ~~~~~ مير خنفس خلا وقت الزحام

[خيّالـهآ]

وش تبي فالبلد يابو شكيب=وانت شامي وفي ضف الشوام
ذابحك حب مقطوع النصيب=لاتميز حلال ولاحرام

[حامل المسك]

الله الله

صح لسانكم جميع

متابع وواصلوا لا هنتوا



وانا في صف خيالها ولا يهون شبيب

[شبيب السبيعي]

مرحبابك يــ حامل المسك
منور يالغالي..
وخذ راحتك في اللي تشجعه
الوضع فرري وانا اخوك
اهم شي متابعتك لاعدمناك

[شبيب السبيعي]

انت ترجف وتبغا لك طبيب
مايداويك محلول الزكام
مايصيبك تحسب انه يصيب
غيركم وانت لاجملك لجام

[خيّالـهآ]

حياك..ياحامل المسك
عطرت المتصفح



تفلح احيان واحياناً تخيب =مايجي للحرم مثلك إمام
كل واحد له من اسمه نصيب=وانت شبيت من لمسة بهام

[شبيب السبيعي]

الولد لوعرف وضعك يشيب=باقي ٍ لك على خشمك زمام
كل يوم ٍ تقنّـع لك حليب= لأجل صحتك تصبح في التمام

[خيّالـهآ]

في يديك القلم ويش الغريب=لو تشخبط طلع خطه تمام
يمكن انسفرك لابو غريب=لين تعرف صلاتك والصيام

[شبيب السبيعي]

ياقليبه قليبه في القليب= كيف يترك قليبه للحيام
والله انه ردى وامر ٍ صعيب= خاف رب ٍ كفل رزق الانام

[خيّالـهآ]

واضحٍ كل جسمك للحريب=لا تخفي رويسك كالنعام
مابتدى في سلامٍ يالصحيب=ينتهي ياصحيبي في سلام



صح السانك ياشبيب
ويعطيك العافيه
استمتعت بالمحاوره معك

تحياتي,,

[شبيب السبيعي]

وانا كذلك استمتعت باالمحاوره معك
دمت بخير