صبحكم الله بالخير يا أهل الخير ^_^

[الجزله]

صبــــــاحكم إشطه يا عسل صافي ...
بصراحه موضوعي ماهو غريب لكن إن شاء الله يكون حلو
الحمد لله صايره اصحى بدري .. وعلى قول اخوانا الشوام نام بكير واصحى بكير شوف الصحه كيف تصير ..!!
خلينا في المهم ..!
اللي انا مستغربه منه انه في ناس تحب تعكير صفو حياتك يشوفونك مرتاح ومروق لابد من تعكير هالجو عليك ليش الله العالم ..!
مع العلم اني لا احب تعكير صفو حياة من هم حولي ..بأي وسيله كانت او بأي شكل من الاشكال
بل بالعكس تماماً .يتعكر مزاجي اذا حدث مثل هذا الشي
واسعى جاهده لأرجاع البسمه الى محياهم ..
ياخي
ولاحظوا كلمة ياخي هذي احسها مستهكله بشكل خيالي عندنا <-
فعلاً ياخي بعض الناس يتلذذ بتعكير مزاجك ويعتبر هذا الشي بطوله
وانتصار ..ويؤمنون بأن مايقوله هو الصح وهو الواجب
مثلاً : انت صاحي من النوم, فرشت اسنانك ,توضيت ,صليت ,فطرت ,عينت من الله خير ,ولبست وطالع دوامك ... يجيك واحد عند الاشاره معبس وجهه وطاااااااط طااااط .. قمة الازعاج والاستفزاز ياخي وش ذنبك انت وش حلوك مشغل فيروز على هالصبح ويجيك واحد بالدتسن خرب ام ام الجو ..
خليها على الله ..
المشكله ماهي هنـا ..
المشكله انه يجيك واحد يأشر لك تظن انه مضيع وتبي تساعده
يقولك ياخي حرام عليك ياخي فيك مايخطيك ويعطيك شريط دعوي .. :Looking_anim:
بالله عليكم هذا اسلوب في النصيحه ؟!!
تعديها وتقول يالله صباح خير ..
تدخل دوامك ويجيك واحد يستخف بدمه ..او تستخف دمها وانت شايل الدنيا على راسك من اللي نشب لك عند الاشاره ... ويمكن يقدم لك نصيحه ماهي في مكانها وماتدري وش محلها من الاعراب
تبي تفهم وش الموضوع منت فاهم وين الله حاطك ..يعني يدخل عصه في شي مايخصه
طيب اذا الله سبحانه انعم عليهم نعمة العلم المفروض المفروض انهم يحسنون استخدامه بطرق تحبب الناس فيهم .. مو بالطريقه اللي نشوفها .. ؟
مالكم بالطويله .. اللي انا ابي اسأله الان .. لما اكثر الناس لاينصحون بطريقة مؤدبه وحلوه؟
ليش يبيك تمشي على هواه بالغصيبه ؟
يعني بأختصار كل واحد يبي يمشي الدنيا على كيفه ولا هو شايف اخطائه ..:d

[مقــدام]

صح النووم

صباحك خير وعافيه ..

صدقتي بعض الناس شنينه يعكر ام ام الجووو على قولتك

لكن لاتدققين كثير عشان ماتتعبين ,,

كثير من المواقف اللي تقلق المزااااج ننظر لها بسخريه ونبتسم لها عشان مانتعب ..

واذا راعي الدتسن قالك طاااط قولي له طيييييييط وخليك واقفه لين تطفي الاشاره لاتخلين السواق يتحرك
عشان يتأدب .. اللي يسمعه يقول كوفي عنان خايف يروح عليه الاجتماع .

اخيرا شفنا الجزله مروووقه ... دووم

[الجزله]

هههههههههههه مقدام اسعد الله اوقاتك بكل خير الله يرسم البسمه على محياك اخوي وحياك الله..
اسعدني تعليقك ياهلا بك ..اجل اذا قال طاط اقوله طيط ههههه
فعلاً الطناش هو الحل .. لابد ان الواحد يتعود على مثل هالنوعيات ..ماقول غير الله يصلح شانهم ..

[عبير الروح]

عاد تصدقين
ماهتم من الازعاجات الخارجيه ولاتعكر مزاااجي
ابد
انا مايعكر مزاجي مع الصباح الا من احد قريب لي
يعني يعنيني
اما الازعاجات والنرفزات الخارجيه
لااا
خذينا جرعات تطعيم من زمان
وعندي منااااااااااااعه منها


:)


ومشكوره على الموضوع العسل

[الواضح]

اختي الجزلة .......... ماتلاحظين هو من ازعج الناس :

1- شكله من ناحية النفس الشينه والمعكرة .

2- تلاحظين انه ازعج الناس في رفع صوت الأغنية ... والدليل تعرض للنصيحة .. لوكان ساتر على نفسه

ولامزعج غيره اظن محد تعرض له .

3- لو كان على خلق عالي تقبل .. الشريط وان لم يسمعه ... لأن قد تكون البضاعة قيمة لكن اسلوب عرضها

سيء .... فهو يأخذ البضاعة ويترك الأسلوب ...

4- كيف هذا الإنسان يتعكر مزاجه في ابسط الأمور ... كيف اذا كان صاحب مسؤولية بيدخل دوامه في

هذي النفسية .. تخيل لوكان يعمل عمليات جراحية الله يعين المرضى وفريق العمل اللي معه .

5- شلون نعرف من هو المخطأ .. يمكن الناس يتمازحون معه في كل ادب ورقي ويمكن الذي نصحه كان

راقيا واديبا ... ويمكن الذي زمر عليه يكون هو السبب في تعطيل سير حركة السيارات .

6- وانا متأكد اللي تكلمين عنه نائم متأخر .. وصلى متأخر .. لأن الذي ينام مبكر وصلى الصلاة في وقتها

تجده ... منشرح القلب والإبتسامة لاتفارق شفتيه ..

اما بالنسبة للنصيحة .. كيف الإنسان يختار وقتها واسلوبها ... وهذا لايختلف اثنان عليه .. او تكون في

الحال .. عليه ان يختار الأسلوب الأمثل ... لأن الغاية من النصيحة هو الخير للناس وليس تنفيرهم

شكرا لك ايتها الكريمة