مصافحتي الأولى/ فخر الوزاره

[شبيب السبيعي]

هذه قصيده بمناسبة سلامة سيدي صاحب السمو الملكي الأمير/محمد بن نايف
بن عبدالعزيز آل سعود..حفظه الله.. من اليد الغادره التي بمكر ٍمنها حاولت
اغتياله ،ولكن رد الله كيد الغادر في نحره. حفظ الله لنا سموه من كل مكروه
واليكم القصيده...







طبت يافخر الوزاره وزال الشر زال=ياالشجاع اللي يهاب العدو من سطوته

يامحمد نايف الفعل ياوافي الخصال=عشت يارمز الوطن ياذراه وعروته

جارك الله سيدي من محابيل الحثال=والسفيه اللي نوى فيك خابت هقوته

صار عبد ابليس فعله على مثله نكال= يوم خان اللي شرب من لبنها واروته

الله أكبر.. كيف ينسى فضايلها الجزال؟= يوم ينعم في رغدها ويجني كروته

انخرط مع حزب الأرهاب واصحاب الظلال=نيته هدم البلد وانخدع في نشوته

مادرى أن الدار دونه طحاطيح الرجال= يكعمون اللي عليهم تسوقه نزوته

شر وقت الكر والفر وأوقات النزال= مايهابون الوغى لوتقرّب حروته

تحت أوامر سيدي معتلي رووس الطوال=الأمير اللي وصل باالأمان لذروته

نايف الحكمه عميل المهمات العظال= من بغى رقي المعالي يحطه قدوته

يسنده رجل ٍ تعوّد على شيل الثقال= خطوته في منهجه ماتباعد خطوته

ثابت ٍ بأقسى المواقف مثل صلب الجبال=ومن نوى باالكيد له مايحصّل منوته

حكمته: بيباننا للمغرّر لاتزال= فاتحه لمقابله..لاصحى من غفوته

ذا محمد نايف الفعل ممدوح الخصال= عاشق العليا وذخر البلاد وثروته

[خيّالـهآ]

شبيب السبيعي

وافيه من وافي في وافي
صح بوحك ولاهنت
تحياتي..

[مــــــــــارد عـبـقـــر]

طـبـت يـافـخـر الـــوزاره وزال الـشــر زال /*****/ ياالشجـاع اللـي يهـاب العـدو مـن سطوتـه

يامحـمـد نـايـف الفـعـل يـاوافــي الـخـصـال /*****/ عـشـت يـارمـز الـوطـن يــاذراه وعـروتــه




قصيدة جزله صح السانك وعلى شانك
والله يحفظهم لنا ذخر
مع تحياتي اخوكم مارد عبقر

[سالم محسن الفهمي]

شبيب السبيعي

يالله حيه وحي مصافحته

صح لسانك مدد على هذه الدره الثمينه

والحمد لله على سلامة سيدي مساعد وزير الداخليه

خطاه السو إن شاء الله

ورد الله كيد الكائدين في نحورهم

[سفير المعاني]

الغالي
الشاعر
شبيب السبيعي


تسلم على هذه القصيده الجزله اللتي


جسدت بها الشكر على سلامة الامير


وصفاته اللتي لاتستحق النكران من


اي من كان وخاصة من اراد به سوء


حيث انه احتضنه وقابل هذا الاحتضان

بالنكران والخيانه وربي رد كيده بنحره

وصح لسانك وعلا شانك لاهنت



وتقبل تحياتي

[باريسي]

ذا محمد نايـف الفعـل ممـدوح الخصـال
عاشـق العليـا وذخـر البـلاد وثروتـه

قصيدة جميلة وجزلة
لاهنت طال عمرك
تحياتي
باريسي

[شبيب السبيعي]

خيّالها ، ماردعبقر ، سالم الفهمي ، سفير المعاني ، باريسي


صحت أبدانكم جميعا

ولاهنتو على مروركم الجميل وتعليقكم الرائع

[السالم]

شبيب السبيعي

تسلم ويسلم سموه

صح لسانك

[فــرج الدهمشى]

صــــــــــح لسانك وبيض الله وجهك

[فهد سالم الفهاد]

جزل ياشيبيب جزل وصح والله لسانك

تقبل تقدير ودمت بكل ود

[عبير]

شبيب

صح لسانك ولاهنت

تحياتي

[شبيب السبيعي]

السالم


شاكر لك مرورك الكريم


دمت بخير

[عبير الروح]

صح لسانك
ياشبيب السبيعي


ولاهنت

[شبيب السبيعي]

فرج الدهمشي

الله يسعدك ويوفقك

وشاكر لك هاالمرور المشرف

[شبيب السبيعي]

فهد الفهاد

ماعليك زود ياطويل العمر

تشرفت كثيراً بمرورك

شكراً لك

دمت بخير