اقتبس قصيده مميزه لشاعر او شاعره من اعضاء رهب [الأرشيف]

سفير المعاني

02-22-2010, 10:48AM

السلام عليكم ورحمة الله
هذا الموضوع سوف تظهربه اذواقكم وحسن اختيارتكم لقصائد مميزه
بشرط ان تكون لشعراء وشاعرات منتديات رهب بعيدا عن العواطف
اخي العضو واختي العضوه اختاروا ما راق لاذواقكم من شعر زملائكم
وزميلاتكم الشعراء وسوف يكون بهذا المتصفح الكثير من اشعاركم لنطلع على
اشعار اعضاءنا وذلك بالبحث بملفات شعرائنا وشاعراتنا وسوف نختار
الافضل وانا اليوم اختار لكم من ما اعجبني وهي قصيدة الاميرة ام نواف

تعبت الله يكون بعـون هـذا القلـب وبعونـي=تعبت من الوجيه اللي تجـي وتـروح بسهولـه
وانا صعبه أ صـدق كيـف خلونـي وباعونـي=اقول احيان: معقوله .. وهي ماهيـب معقولـه
لاني مـا قـدرت الا معاهـم احسّـن ظنونـي=واقول: الجرح والزله .. من الغالين .. مقبولـه
أدوّر عذرهم واسكت.. وامشّيهـا علـى هونـي=واقول: اخطائهم تُغفر ..وهي بالعمـد مفعولـه
واقول: اهمهم طبعـاً .. مثـل ماهـم يهمونـي=وقف ياما لهم قلبي .. وهم ما يوم وقفـوا لـه
متى ما ضاقت الدنيا بهـم ذرعـاً .. يلاقونـي=وهم.. لا ضقت بالدنيا .. ألاقي قلوب مشغولـه
عوايدهم متى مـا احتجتهـم غابـوا وهدونـي=ومتى ما احتاجوا القاهم كثر.. وشفاه معسولـه
يلوم الله على طيبة خفوقـي.. مـن يلومونـي=ما دام ان النوايـا بيـض .. والآمـال مأمولـه
صبرت اكثر من اللازم .. وقلـت إلا يريدونـي=وهم فعلاً يريدوني .. ولكـن .. نفـس مقتولـه
بعد ما قصـروا حتـى قبـل فرقاهـم اعطونـي=على كم جرح.. كم كلمه.. وكم طعنه.. وكم قوله
وراحوا بس انا مـدري نسونـي او تناسونـي=خلاصة ما حدث .. راحوا .. وكلن صار في دوله
نعم مالت على حظي .. ردي .. واستاهل جنوني=لاني طحت في بعض القلوب .. الغير مسئولـه
لمن لا يعتبر عبره .. يجي ويشـوف وشلونـي=عباره عن جسد ميّت.. وفيه أعضـاء مشلولـه
تعوّدت انصـدم بالـذات ممّـن هـم يحبونـي=وانا ما عندي استعداد اجرّب واخسـر الجولـه
على كثر الوجيه اللـي تمـر الحيـن بعيونـي=احس الناس بالنسبة لمثلي .. نـاس مجهولـه
باعيش بدونهم عادي مثـل ماعاشـوا بدونـي=وذي كلمه على لساني .. وهي للقلـب مقيولـه
ما دام ان الهوى طعنه وشفت طعونـك طعونـي=تطمّن حيل يا قلبي .. انـا مـا عادنـي حولـه
وما دام كثير حبوني .. وجـت فتـره وخلونـي=اجل بطلت .. وشهوله احـب .. بالله وشهولـه

زمان العجايب

02-23-2010, 12:11AM

أختار قصيدة

لللشاعر // عبدالله المفضلي الشمري

الوصيه :thumb:

أوصيك ياللي كل موضوعٍ يشغلك=
صبرك على ميلات وقتك شجاعه
أضحك وجامل وانس همٍ يزعلك=
دنياك ما تسوى الزعل منك ساعه
رد الجزى للي بقلبـه يواصلـك=
قبل إيتبين من طرفـك إنقطاعـه
رد الثنـا للـي بطيبـه يجاملـك=
الطيب ما بين النشامـا بضاعـه
افعل جميل وبالتواضـع تعاملـك=
ترى التواضع منزلك بالرفاعـه
والكبر عند اقرب قريبـاً يخذلـك=
دخان صلفات الهبايـب ضياعـه
العلـم لبلـوغ المعالـي يوهلـك=
والحلم خير كفيت شـر الجزاعـه
ليل الجهل داجي وحذرا يعرقلـك=
يثنيك بعقال الجمل فـي ذراعـه
كثيـر بالدنيـا امـوراً تملـلـك=
تيار غيظـك لا يـزود إندفاعـه
حكم ضميرك لا تضيع دلايلـك=
خل الثقه بالنفس ستـر ومناعـه
لا تبدي اسرارك لشخصً يغافللك=
يزرع صعيبـات المشاكـل زراعه
لا تجادل اللي بالجهالـه يجادلـك=
لو كان عندك بالكـلام إستطاعـه
أن ضعت ميزان التجارب يعدلك=
التجربه مثـل النهـار وشعاعـه
حسد الفقارى لاهل الصيت والملك=
فيهم زرع فقر النفـوس ابشاعـه
اللي خلقك بوافر الـرزق كافلـك=
لا تنزعج ساس الغنـاة القناعـه
أن اقبلت دنياك يجرهـا السلـك=
تجيك من عقب العصايه بطاعـه
وأن أدبرت بسيوف بقعـا تذللـك=
تسقيك كاسات الشقاء والشناعـه
إن جاد حظك بالرفاعـه ينزلـك=
كلن يبي قربـك يجيـك بوقاعـه
وإن باربك شفت الاهانه من أهلك=
بك يشتمون المجتمـع والجماعـه
مهما جرالك لا تضيع مراجلـك=
اليسر عقب العسر يبني شراعـه

ونشكر سفير المعاني

على مدوناتنا من القصائد القريبة لكل منا

دمت بخير

باريسي

02-23-2010, 12:18AM

الرنـج ابيـض .. ولوحـاتـه سعـوديـه
الرقم .. وا حد .. مع السيفين .. مرسومـه
ألفين وتسعـه .. بـه الشاشـات ..ماريـه
والجنط عشرين .. والليتـات .. مزمومـه
زينون وليتـه .. يشابـه.. عيـن بحريـه
شيهانتن .. في سماهـا .. تبعـد الحومـه
إتشارجر اسبـورت.. والكشنـات ..ثلجيـه
مكينته .. مـن بلدهـا .. جـات ملغومـه
إقزوز سستـم .. ولـه .. نغمـه رياضيـه
مثل الرعد .. في سحايب خير ..مركومـه
يشبـه لطيارتـن.. ف الجـو .. حربـيـه
من صوتها ..طبلـة الأذنيـن .. مخرومـه
شاريه .. ماني ( أنا ) .. آخذه .. عاريـه
من شركة السيف .. والاوراق .. مختومـه
مانـي بمتقسطـه .. شـاريـه .. نقـديـه
ابقيمتن .. تعجـز الطمـاع ..مـن سومـه
ع المرتبه .. حـاذف الغتـره .. وطاقيـه
يشوش راسي .. لاشفت ..الجدي .. ونجومه
تسعين .. متجـاوز السرعـه .. ورا ميـه
وامن الطرق.. عاجزن.. لايكتـب ارقومـه
لحدودنـا .. نيتـي .. ذيـك .. الشماليـه
لا أجتازها ..خافقي ..بيفـارق.. اهمومـه
بيروت.. هي وجهتـي .. والنيـه ..النيـه
ب اعيادها.. ترتـوي.. اقلـوب محرومـه
ب الثلج ..يمكـن نطفـي ..جمرتـن حيـه
ولا .. يشب الخفوق..ويحـرق .. اهدومـه
ماكل منهـو .. مسافـر .. يقتـرف سيـه
أخاف ربي .. ويـوم الوقفـه .. إنصومـه
وداعـة الله ... بـلادي .. يـا السعوديـه
وداعة الله .. حبيبن ... ضاعت ..إعلومـه

من روائع المبدع (أنا)
وألف تشكرات أبو محمد على الفكرة الجميلة
تحياتي
باريسي

خيّالـهآ

02-23-2010, 08:32PM

(امري لربي)

امري لربي وامر ربـي علـي ديـن=ورد الوفا ربح(ن) على مـن يـرده
اخاطب اللي يفهـم الزيـن والشيـن=والا مريـض العقـل ياقـف وحـده
وش فهمه باللـي يديـر الموازيـن=ما كل ثوب(ن) فوق جسم(ن) بقـده
ما كل من ساروا عليهـا نصيحيـن=كم واحد(ن) فيهم رقع فـوق خـده
وما كل من قالـو فهمنـا فهيميـن=الفهم مقـرون(ن) بفهـم(ن) لضـده
يا واعيين العقل حثوا علـى الزيـن=ومن يفعل المعـروف يلقـى مـرده
يا معانقين النجم من وين الى ويـن=وقت الرخاء مقلـوب للنـاس شـده
لدو على ناس(ن) ضعاف ومساكيـن=اتعبهـم الفقـر وخشانـة مـخـده
ما ضاع طيب (ن)عند ناس(ن) لبيبين=والا ردي الفعـل ماحـد(ن) يــوده

الشاعر / سفير المعاني

خلف العاطفي

04-28-2010, 03:43PM

على ذاك الطريق اللي سرت به هقوة الهاقـي
نثرت اعذب حروفي والقلم ماتنضـب دواتـه

ضميت من الوله واروت حروفي جملة اوراقي
لو اني قد هجرت الشعـر واقلامـه ونوتاتـه

لقيته فـي محيـط الأبجديـه داخـل اعماقـي
تبعثر ما بقـى منـي وقمـت أجمّـع اشتاتـه

جمعته واختلط عطر القصيد بثـورة اشواقـي
ونثرت لك القصيد اللي غشتني منـك نفحاتـه

تعال وحطّم اسـوار الغـرام وحلّـل وثاقـي
ترى قيد الغرام اتعـب خفـوقٍ منـك منجاتـه

أحبك كثر ما عانق حضورك حرفـك الراقـي
وأحبك كثر مضمون القصيد العـذب وابياتـه

عشقتك ليل في دامس ظلامه ضـوح برّاقـي
سهرته لين من كونـه تهـاوت كـل نجماتـه

لو ان الوقت لا شعشع صباحي يلطم اشراقـي
أنا ما أرضى يمشّيني زماني حسـب مشهاتـه

شامخه للغالي

عـــــــــــــقــــــــــــــــــــــاب

عبدالله الغنيم

04-28-2010, 07:17PM

قصائد رائعة جعلتني في حيرة من أمري ، أقتنص هذه أم تلك ؟! ولسان حالي يلهجُ قائلاً :
تكاثرت الظباءُ على خراش ٍ *** فما يدري خراشٌ ما يصيد ُ ؟!
فوقعت عيني على هذه :

الضيق حاصرنـي مـن ادنـاي لأقصـاي
والــشــوق فـيـنــي زوّد الـطـيــن بــلــه
مـن عـقـب راح الـلـي مواصيـلـه دواي
واقــفـــا وخـــــلا باالـمـعـالـيـق مـــلـــه
اتلى العهـد بـه يـوم صمّـل علـى اقفـاي
واشـهـر بوجـهـي سـيـف بـعـده وسـلــه
قلـت السبايـب ؟.. قـال ماينفـع احـكـاي
الـحـاصـل ان الــحــب غـالـيــك مــلــه
قلـت بسهولـه !.. قـال كيفـي ولـي راي
مـاعــاد نـبـغـى لـــك قـصـايـد وشــلــه
قـلــت المـحـبـه !.. قـــال لله شــكــواي
الـحــب لأمـــي وانـــت حــبــك مــذلــه
قلت اوصلت بك !! .. قال يازود بلواي
انــا اشـهـد انــك تـرفـع الضـغـط عـلـه
واقفـا وقــال ارجــوك لاتتـبـع اخـطـاي
لأنــي كـرهـت الـحــب دقـــه وجـلــه!!
واقفا وانا من صدمتـي فتـرت اعضـاي
يـاشـيـب عـيـنـي مـــن يــســد بـمـحـلـه
راح الحـبـيـب الـلــي مواصـيـلـه دواي
واقــفـــا وخـــــلا باالـمـعـالـيـق مـــلـــه
الشاعر المبدع : شبيب السبيعي

إيماءة
أسجل إعجابي بما اختاره الإخوة أعلاه من قصائد رائعة للشعراء الأفاضل :
أم نوف
عبدالله الشمري
( أنا )
سفير المعاني
لافي
محمد المشروع
عقاب
مجدداً الشكر لصاحب الفكرة الأخ الشاعر : سفير المعاني وفقه الله .
لكم فائق الاحترام والتقدير ... .

خلف العاطفي

06-08-2010, 10:37AM

ياحبيبي لجلك يطيح الحطب=عند منهو\جاك والدنيا\خلافه
ياحبيبي وانت مابين الهدب=لوسكنت النهضه وحي الصحافه
ياحبيبي والقصيد\اللي وجب=مارمى ثوبه ولابدل عفافه
ياحبيبي كل بيتً لارقب=ينسكب عطره نهر(وانتي) ضفافه
ياحبيبي والمعاني والأدب=تنحنيلك طوع وتشيل الكلافه
ياحبيبي والفرح عندالغضب=ينهمر\مابي وشتان اختلافه
ياحبيبي واقبل حروف العتب=لاذوى غصن وتمايل من جفافه
ياحبيبي كل ماقاد السبب= الحنان اللي فقدناواللطافه
ياحبيبي لاجرحت اللي تحب=وانت غالي والجفا\للحب افه
ياحبيبي والخفوق وش\قضب=غيرجرح وعمره اللي منك طافه
ياحبيبي وش خذيت ومنحسب=لافقدتك ماعلى الدنيا\حسافه
ياحبيبي وانت نهرً مانضب=طافبك قلبي وطولبك طوافه
ياحبيبي والغلى ماينغصب=عملةً ماتنتبدل باالصرافه
ياحبيبي شفت وشلون الذهب=لاحضرت قرامه يطيح ونعافه
ياحبيبي وانت مكسب من كسب=ياعيون اللي على جسر\الرصافه
ياحبيبي يالندى فوق القصب=ياالقراح اللي ورى كنب اللصافه
ياحبيبي وانت لله العجب=درتً من دونها\حوت ومخافه
ياحبيبي يااطهرعروق النسب=انت عشق اللي كتب فيك اعترافه

للمبدع
الشاعر

سردار

خلف العاطفي

06-09-2010, 08:11AM

بسم الله الرحمن الرحيم

اضع بين ايديكم هذه القصيده المتواضعه ارجو ان تنال استحسانكم

وهي ماجاش به خاطري اخواني القراء عليكم ربط الاحزمه حيث

ان القصيده في المدرج ومستعده للاقلاع الى عالم الوجد

ناقوس ذكراك

العين كن السهر بابـن وحارستـه=وعيون غيري تناود مـن تنعسهـا
واعيني اللي دموع الغيض حابسته=والعين الأخرى قهرها طال واعمسها
لوترجم العكس رجالـن بوسوستـه=تبقى المعاني لهلها عنـد حارسهـا
لاوندق الليل والهاجوس هوجستـه=حيلن بقلبي قبل (هوجاس)حابسها
لجن بصدري وقلب الصـب يبستـه=في غيهبن عن جميع الناس هاجسها
اسرج من الفكر قافن عقب ماقستـه=بنات فكرن من الالمـاس نلبسهـا
ازكا من المسـك لامنـي تنفستـه=وقلوب غيري على المعنى يلامسهـا
له مع هل الصنف والدنيا مدرستـه=وهـل المعانـي لياجاهـا يدرسهـا
ابعد نظرلا نزف شعـره وهندستـه=من حيرتن في كنين الروح موجسها
لو المعانـي تفيـد بكـل مونستـه=لاكان سردار بيض الطرس يدبسهـا
ياوجد حالي على اللي يوم خامسته=غرون معاليق قلبي قـام يحمسهـا
وجد اللذي شافها عوجى ولابستـه=والقـوم ببنـاه بينتـن مفارسهـا
عودن بمجـلاه والدنيـا معومستـه=والقوم وش عذرها للي منومسهـا
في غيبته شرعو بالبيت وحمستـه=حوافـر الخيـل بالرفـه مداوسهـا
عليك يابو هـدب عينـن بغلمستـه=غيرك من الناس عيني من يونسها
ناقوس ذكراك لامـن دق بجرستـه=كـن المعاليـق بالدمـام يرجسهـا
ماترحم الحال جرحي منك موجسته=يافاخر الـورد كاديهـا ونرجسهـا
حضن الجفى ماعتق حين بلولستـه=مادام خله سيوف الهجـر غارسهـا
كمن طريقن بليلن دامسـن دستـه=ودروب ياطولهـا للـي يقيسـهـا
يومي بقلبي هوى الغربي بنسنستـه=اوماي غيدن لهيب القيض ميبسهـا

اسرج من الفكر قافن عقب ماقستـه=بنات فكرن من الالمـاس نلبسهـا
ازكا من المسـك لامنـي تنفستـه=وقلوب غيري على المعنى يلامسهـا
له مع هل الصنف والدنيا مدرستـه=وهـل المعانـي لياجاهـا يدرسهـا
ابعد نظرلا نزف شعـره وهندستـه=من حيرتن في كنين الروح موجسها
لو المعانـي تفيـد بكـل مونستـه=لاكان سردار بيض الطرس يدبسهـا

خلف العاطفي

06-09-2010, 08:39AM

مع السلامه ياالعشيق اللي تنكر\للعشيق=انااتحمل غلطتي وجه الزمن مافيه دم
ماهي مشاريه وعتب الا\كلامً مايليق=ابنيله قصورالغلاوالحب\ويديه تهدم
وانا\نبيل وعادتي باقي على العهد\الوثيق=نفسي عزيزه\لويضيع \امير\ورعاه\وخدم
مايجذب افواج النحل للورد\ياكودالرحيق=الورد\ينقص والنحل يزداد\والورد انعدم
لو\كثرت اعلوم العرب نصد\عن مالا\نطيق=مانلتفت للمبغضه والحاسدين \من السدم
اللي يبي يبني خبر\يبنيه لاكن لايضيق=واللي تخيل مشكله تبقى معه لو\هي عدم
اللي جهل معنى الصبرلابدله\يوم ويفيق=يفيق لاكن وش يفيد\ان فاق والوضع احتدم
هذي رساله واقرها\ياكهرمان وياعقيق=سيلً تحدر\من غلى جاك ورجعلي وارتدم
جعل القصايد\للحريق اللي يودي للحريق=الله ولا\درب المذله يامشاوير الندم
ياليتني عن عنوتي رجعت من نص الطريق=ولاتعب ساقي ولا\عنيت لك قلب وقدم
القلب ذاك اللي تخبره في بحر\حبك غريق=منك تعلم من كثر\ما جاه منك وانصدم
واللي يبي ينزل كذا\يرضى على مالا\يليق=ماينفعه لو\ينتبه كثر\الحسايف والندم

سردار

شكرا لك

زمان العجايب

07-13-2010, 11:36AM

http://www12.0zz0.com/2010/02/18/01/842262179.jpg

حتى عندما يكون للشعر معنى فمن الأفضل ألا تستخرجه كله *
هاوسمان *

ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فالزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك !
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟

و... آتنفّس رغم هذا الضيق في صدر المدينة ..!
..................... وآتبسّم حتى لو مابه ..... عصافير وأغاني !

وانتي أنتي .. مثل ماأنتي ..ولكنّك حزينة !
..................... تربكين الدمع ويل الدمع من ضيق المحاني !

صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !

كنت اقول البحر ماينشد عن هموم السفينه !
..................... صرت أقول اللحين دلوني على وجه المواني !

آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !

أشبه احساسي ولاأشبه هذاك اللي ... تبينه !
..................... شاعر ٍ من ضعت عندك ضاع يوم إنه لقاني !

أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !

أنسكب لك شي مثل المي ! يمكن تشربينه !
..................... وارتوي بك شعر.. مثل الشعر لامنّه .. دعاني !

مثل هذا الحزن هذا الحزن لامرّ بـ سكينه !
..................... مثل هذا النور مثل شعور من يدّي .. خذاني !

مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !!

مثل هذا اللي يحث خطاه ماتلحق .. سنينه !
..................... مثل هذا اللي تشوفي كيف لو شفتيه جاني !؟

شاعرك لو ماتنفّس ضاق به صدر المدينة
..................... شاعرك لو ماتبسّم .... كان مارفّت أغاني !

أفتحي قلبك وشوفي وش ورى دمعات عينه
..................... يمكن تحسيّن باللي ماقوى ... ينطق لساني !

لايمر ّ الحزن مثل اللي يمرّ .. وفي يمينه !
..................... قلب ماتنبض سنينه مثل .. نبضات الأماني !

من يقول الصبح هذا صبح ! واشياءه حزينه !
..................... من يقول الناس مثل الناس ماحس ّ بحناني !

الحزن ماهو مثل ماشعر واحسّك .. تشعرينه !
..................... الحزن لاجيت ادور لك وانا اجهل مكاني !

ياحزنها !
رتّل معي تنهيدتي لاجف ّ فوقي مزنها !

:r:

.

:thumb:

خلف العاطفي

07-16-2010, 01:22AM

مـن غلاتـك ياغـلاي أحلـف أبيـك
وحلم قلبي طير حلـق فـي سمـاك
من حلا تك وسط عينـي أشتهيـك
ودمع عينـي ينتثرلـك مـن غـلاك
أنـت تـدري مالـك فقلبـي شـريـك
اهجـر العالـم بــس أبـقـى مـعـاك
لاتركـت القلـب يتركنـي ويجـيـك
وهذي روحي شوفهـا لبـت نـداك
لوطلبـت الـروح ماتغـلـى علـيـك
تنتظـرك وتشتهـي جــرة خـطـاك
صاحبـي احـذر يثـور الشـك فيـك
ولاتجـيـب الـلـي يشـكـك بـغــلاك
من غلاتك ودي بس احضن يديك
انت تـدري راحتـي بلحظـة لقـاك

للشاعره المتميزه
عيون الفجر

خلف العاطفي

07-18-2010, 01:12AM

رشفة من نهر لاينضب
مصدره
صالح الضويحي

لحظه من فضلك... ابيات قديمه

لو يسئلونك عن قصيدي وما اعنيـه
....بأسم العنود استشهدي وأكتفـي بـه

بين أنتظار.. ونار شوق ..ومشاريه
....وآمال ..واحـلامٍ بعيـده.. قريبـه

لك أجمله.. لا .. انتي أجمل معانيه
....مسكه ..وريحانه ..وورده .. وطيبه

ومايكتبونه لك؟ لهم .. منهم .. اهديه
....وأمدي لهم واللي تبيـن اكتبـي بـه

واللي تمادى يكفـي انـك عرفتيـ
....لاتسئلينه عن غبـاه آسفـي بـه !!

أمدي له أكثر.؟ وأرفضيه ! وتمنّيـه
....وتظاهري له بالغـلا وألعبـي بـه

تجاهليـه.. اغليـه.. جيبيه..ودّيـه
....أنسيه ! حتى يحترق !! وأحتفي به !

به سافري لاقصى مدى التيه وأمديه
....في نـار شوقـه والفـراق ولهيبـه

قولي قصائد عشق؟ على انهـا فيـه
....وأستوقفيـه وزيـدي الشـك ريبـه

يقراء القصيد بعكس ما أنتي كتبتيـه
....ويدري بما تعنيـن ؟ لا... مادريبـه

له جاملي مـادام هالحـال ترضيـه
....ولاتسئلينـه لييييـه حالـه غريبـه

عيون الفجر

08-05-2010, 04:52AM

خلف العاطفي

10-20-2010, 03:04AM

سـافــرو ربـعــي .. مـــن إلـلــي ..بحـتـريـه ؟
وين بسهـر ؟ .. ويـن اداوي .. ذ الهيـام ؟
تجـهـل الخـطـوه .. وش الخـافـق .. يـبـيـه؟
مدري ..تدري ليه ..سـارت .. ف الظـلام؟!
جيتـك البـارح .. وضــاق الـصـدر .. لـيـه ؟
وانــت لــي ..كـنـت .. السحـايـب ..والغـمـام
يفـضـح .. الاحـسـاس .. تعبـيـر ..الـوجـيـه
ومـــن شـعــوري .. فـيــك ..ضـيـعـت الـكــلام
لاتجـاهـلـنـي .. تــــرى .. مــقــدر .. عـلــيــه
الـتـجـاهــل .. يــجـــرح اشـــعـــور .. الـــكـــرام
إنتفضت ..وقلـت .. ش اللـي .. ارتجيـه ؟
مـنـك .. وانــت الـلـي ..تجاهـلـت .. الـغــرام
طـيــر حــــر ..وذي سـبـوقــه .. فــــي يــديــه
مـن يفـك .. الطيـر .. فـي وقــت .. العـتـام
قــل ..لـمـن يجـهـل ..طـبـوع الطـيـر . .فـيـه
ب الـبــلــد .. ســوقـــن ..يـبــيــع ..لـلـحــمــام
طـبــعــه .. إيــهـــادن .. ولايـنــقــد ..عــلــيــه
إنــثــرو لــــه .. حــــب ..ويــســود ..الــوئـــام
ولا .. (أنـا) .. حـرن .. يحبـه .. مشتريـه
دام صـــــقـــــاره .. يـــبــــادلــــه .. إحـــــتــــــرام
إن رضـى .. عنـه ..يصيـد ..إللـي .. يبيـه
وإن .. زعل منه .. كفخ ..ب الجو .. حام
وان .. مخشـك الطـيـر .. لاتـشـره .. علـيـه
قل لروحك .. تخبرك .. ليه ..الخصام ؟!!

الشاعر(أنــا)

صح السانك

عبير الروح

10-22-2010, 12:55AM

بسم الله الرحمن الرحيم

يالخبيث المكر ل لله خيـر الماكريـن
وأنت مبدأ نشوتك عاهرات وماكـرات
رافضي ٍ حده الحـظ وبليـس اللعيـن
يتقي في معطف الصوم وكموم الصلات
عائشه بنت اصدق الناس محبوبة الأمين
خصها جبريل بين الصحابه والـروات
عشره وميتين وألفيـن مكنـون ثميـن
ماروت عن(قبلة)الخلق محمود الصفات
شافها في النوم قـدام تلمسهـا اليديـن
اصطفاها مالك الملك ما بيـن البنـات
في عيونه زولها وش تكون الأخشبيـن
وفي نظرها وشهوالكون وجبال السرات
يتمنـى شوفهـا قبـل يأتيـه اليقـيـن
وحضنت راسه وهو يحتضر قبل الوفات
طهر الله عرضها عن كـلام الخايبيـن
وكرم الله وجهها عن دروب الخايبـات
لاتشدق وتتطـاول علـى ام المومنيـن
خير قدوه للنساء الطاهرات المومنـات

الشاعر/ عبدالعزيز الشلوه

صح لسانك
ولاهنت

زمان العجايب

10-25-2010, 02:41PM

برد ..ومطر ..والريـح .. تصفـق ..شبابيـك=والثلـج .. غطـى ..قمـة إجبـال ..بيـروت
ياقلـب ..ياقـلـب العـنـى ..وش مسـريـك=ليل الشتاء ..والعاصفه ..مـوت ..فـي مـوت
تعثـرت ..فـي درب ..وصلـك .. خطـاويـك=وش مربحك؟ .. غير الحزن ..فيـك مكبـوت!!
[مونو] .. و [افتـر أيـت] ..وانغام.[كاسليـك].=واللي إرقصت .. والشعر .. ع الردف .. مكتوت
ماأوقـدو .. شمـع الفـرح فــي ..ليالـيـك=سريت .. مـع ذكـراك ..محـروم .. مبهـوت
دجـت الشـوارع .. ترتجـف بـرد ..أياديـك=وآخـر مشاويـرك .. [بفـردان] ..مكـمـوت
[بستار بكـس] .. وكـن ..محـدن ..حواليـك=لاوردتـن تقـطـف ..ولاكــرز ..او تــوت
أطلـب [كبتشينـو] .. و .. [موكـا] ..تدفيـك=وعن ..عضـة إبهامـك ..تسلـى ..ببسكـوت
اليوم عيـد الحـب .. مـن متصـل ..فيـك ؟=الورده الحمـراء ..مـن الشـوق ..بتمـوت!!
مادمـت وحـدك ..مامـعـك مــن يسلـيـك=ش الفايـده .. سهـران ..فـي ليـل بيـروت
أدعي ..عسى ربـي .. بـذا اليـل .. يهديـك=تتوب ..قبـل الفـوت ..مايسبـق .. الصـوت

(.. أنا ..)

. ض .

كـ أني أمام تتر لفيلم لا يزيد عن لحظات للشاعر أنت

مبدع في هذا وتلك

كن بخير

سفير المعاني

08-20-2011, 04:00PM

اولى مشاركاتي بعنوان

دوااير مبهمه ,,

ياا عجب كل االعجب ,, من هالزمان االلي يدور=ماا قدرناا نفهمه لاا ,, ماا قدرناا نفهمه
ماا لقيناا له نهاية ,, ماا لقيناا له جذور=ماا لقيناا له مناافذ ,, في دوااير مبهمه
صااحبي هالوقت هذاا ,, من دبور ٍ في دبور=صاارت قلوب الولاايف بالضغااين مفعمه
إن سكتناا ماا حكيناا ,, قاالوا العاالم غرور!=وان حكيناا ,, صوبوناا في رمااح مسمّمه
شوهوا معنى الصدااقه ,, وادخلوا بعض الأمور=وبدلوا درب السعااده في دروب ٍ مظلمه
وااحساايف ,, ماا لقيناا من على عرضه غيور=( غير نااس ٍ ) ربك اللي للشهاامه ملهمه
داارت الدنياا عليناا ,, واصبح العاالم يدور=ومن تدبر بالمعااني ..؟ لاازم انه يفهمه
االعوااصف ,, ماا تهز جباالهاا مهماا تثور=والحظيظ من البشر .؟ من صاار عقله يدعمه
وااعسى تبقى المجاالس عاامره باحلى البخور=بالسواالف والنشااماا عاامره ومكرّمه

جايز الشمري

اعجبتني هذه القصيده للشاعر جايز الشمري

زمان العجايب

08-20-2011, 07:16PM

مدخـل ،،

بدايتي ..،
في الحـب بأول صفوفه
واصلت لين أنتهيت وأخذت دبلوم

معك أبتديت وشفت منك الكلوفه
ومات الوفاء مابيننا صار مرحوم

يامن تجاهل من شـربـت بـ كفوفـه
من وقتكم لحظـه لك ( أخبار وعلوم )

:

*

وش حاسبٍ نفسك اذا غبت عادي
........................ وأقل من عادي وجودك معايـه

لاتحسب إني تايه الدرب غادي
........................ يخرجني غيابك أنا من شقايـه

خذ راحتك إن كنت ناوي بعادي
........................ وأحذر تأخر بأرتباطك معايـه

عندك وسيله؟؟ أو تفضل جوادي
........................ إليا نويت أساعدك من وفايـه

لحق وأبعد خذ وسادة كدادي
........................ وأنا على فرقاك أبا أغز رايـه

وأعلن رحيلك عند كل النوادي
........................ وأعلن أنا للناس نسبة هنايـه

صديت وصد حزن ليلي وسهادي
........................ وأفهم ترى مني لك أقرب سمايـه

ليش التراجع ليش لونك رمادي ؟؟
........................ عجّل علي أبعـد آبنسى عنايـه

أرحل مع النسيان وعطني مرادي
........................ بالبعـد تفهم للبدايه نهايـه

:rhb:

مخـرج ،،

نهايتي ..،
وسط العذاب غارقٍ غرق
عفت الحياه وساعة الموت حانت

صعب اللقا ياسارق خافقي سرق
وأحوالنا بين المحبين / شانت

مانلتقي والشمس تشرق من الشرق
إلا/ إذا من ( وجهة الغرب ) بانت

:rhb:

هبوب الشمال

نبض مرصع باللازورد

هنا وقفت كثيرا" على هذه المنظومة

عقد ياسمين

:r:

سفير المعاني

08-23-2011, 02:03AM

بدر الدويش
شـ البـدرـاعر

لكم الود بأكمله
والورد بأجمله

من ذائقتكم العذر

.
.
مدخل ....!!

تعال لملمني بعد.... ماتبعثرت
.... أما كفى بعد ....وحنين وتجافي ....!!

خابرك لو طال الزمن ماتغيرت
.... وافي وتبقى طول ....الأيام وافي ..!!

ياحبيبي

جيتلكـ صمت يصرخ .. !
يدوي العالم صداه ...!!

جيت أنادي ...
يالغرام
ويالغرام
ويالغرام

جيتلك مكسور قلب
وياحرام .. ؟

جيتلك ... نصفين

نصف يطلب مغفــره ..
والنصف الآخر بعثره..

ياحبيبي مابقى غير....... الأماني
...... وإنتظاري من الفجر.. الى الفجر ...!!

شاعرك يطرب على صوت الأغاني
..... لاذكرك ... وكحّل ..عيونه سهــر ...!!

مازرعك إلا على جال المحاني
..... وردة ٍ ترقص على ...صوت المطر ..!!

ياحبيبي..

كنت أكابرفي
غيابك ..!!
وأنكسرت..

وفي سكوتي ..
بح صوتي
ومافرحت ..!!

آه ياصمت المكان
والزوايا ..
موحشه ..
ماكن بالدنيا أمان
آه ياصمت المكان
ماأشرقت شمس
الغياب
ومافرحت

ياحبيبي يابعد ....روحي وكلي
........ في...... حبيبك .....لاتطاوع ..للغياب..!!

قِف هنا لحظه وخلك في محلي
........ وشوف أرض الشوق تحتاجك سحاب ..!!

وجف صوتي
وأنت غايب

وضقت من كلمة
تعال ...
إيه تعال

أقلب الغيبه وصال
ولملم أشلائي بحضورك
كل شي ٍ في يملاه الحنين
وفاض ..

وأغرقت سفن ومواني
من حناني ..

والأماني جفت
غصون الأماني

وبأنتظارك
شاعرك

مازال في
شط أنتظارك

.
.

في غيابك ملـّـني الشعر الحزين
....... ومركب ..الأفراح .. بغيابك ..غرق ..!!

شاعرك ينسج من خيوط السنين
....... الشعر والضيق وإحساس.. ..الأرق ..!!

ينتظر شمسك .. بعد غابت تبين
........ أو سحاب الوصل ......لامنه برق ..!!

ياحبيبي وأخذ هـ العلم ..اليقين
........ شاعرك كل باب ياصل لك طرق ..!!

لأجل ترجع بعد قسوتك وتلين
......... ويرجع اللي من ..عيوني أنسرق ..!!

من يلٍم الشوق ...ويلٍم... الحنين
....... لاأنتثرت . وضاق بي صدر الورق ..!!

وين أروح من الحزن بالله وين
.......... دام رمحه في...... معالقي زرق ..!!
.
.

خلف العاطفي

09-12-2011, 12:35AM

واناالمُتعبه جداً/ ولافي يدينـي شـي
لاني انابعـض /وعجزعنـك يحتلـك

بكى الحلم مدري هوبكابي لأنـه فـي
وبكيته وكن الواقع يقولي مـن لـك

توقف رجى حلمً بكاك وصلبته حـي
وقبلت العزى به عز..في مأتمه خلك

على رسلك حروفي توفت اماني مـي
لو..املى مساحات الالم قلـت ياقلـك

مدى العمر/ ببقالك ولوكنت منت بلي
غريب الزمن يطويني ويرجع يفلـك

يااغلى..من الدنيا ويامـن ملكهاهـي
وهي روح ملت من جسدها مثل ظلك

واناالمُتعبه جداً وعينـي هذيـك وذي
مطرهن على البعض القليل وعلى كلك

/ريم النواظر/
صح السانك

زمان العجايب

09-29-2011, 07:49AM

ياليل ياعيني وياعين ياليـــل=يامن تسمّع ونّتي (وِنّ) معهـــــــــا

إشتقت في ليــلي لذيك التـعاليل=وايام فى الديره سرى الفكرمعها

طرى علي مجلس زحول الرياجيل=ولعـلومهم نفــسي تزايــد ولــعهـــا

وفنـجان برّيه زهى فوقه الهيــل=من دلّة الرســـلان الاوّل صنعهــــا

يصبّها شبلٍ خواله حلاحيـــــل=وهو مشى مع ساقهم ما قطعهــــا

في مجلسٍ ما شجّع القال والقيل=ماضمّ قايلها ولا من بدعهــــــــــا

وتفتحت بيبان صدرٍ مقافيــــل=واللي قــلع هم البشر ماقلعهــــــا

طرواعلي ربعٍٍتقافوارحاحيل=وامست منازلهم سراب ٍ بقعهـــــا

كم رجل منهم كان راهي كما النيل=هذي شبر فيها وهذي ذرعهـــــــا

تنصاه لاكثرت عليك النشــابيـــل=ويرفعك مهما كان في مرتفعهــا

ماهو مبدّل رفقة العز تبديــــــل=ولاهو بكاسر هقوتك عن سنعهــا

واليوم ابيت اقول ياعين ياليل=من يوم شفت الناس سيطر جشعها

لكن نفسك لاتشكّى الغرابيــل=اصبرولاغيرك يحــــــــــــسّ بوجعها

وابحث عن القبله ليا ناصف الليل=ياحظ من لله يدينه رفعهـــــــــــــا

قادر يسهّل صعب الاحداث تسهيل=ويذهب عن النفس الشقيّه فزعها

وصلاة ربّي عد وبـــلٍ همــاليل=وعداد خطّـــاطٍ حروفه طبعهـــــــا

على النبي ونبجّـل القول تبجيل=صادق أمين افضل شريعه شرعها

للشاعر المبدع

الغواص

سلم يراعك ي نبل

:rhb:

جنانا

09-30-2011, 03:07AM

ماعاد يغريني الإحساس بوصالك ْ
. . . وأصبحت / لاشي ْ يذكر ْ ..أو يعنيني ..!

خلّني بفالي وروّّح أنت . . في فالك ْ
. . . دِنياك ْ ماعاد تـِـضّحِكّنــِـي وتـِــبْكينـــي ..!

كيفك تبي تروح وإلا تبّكي أطلالك
. . . أنا ركبت الطريق . . . اللي يودّينـــي .. !

لشاعر البدر ((بدر الدويش))

لوحه اكتنزت الجمال لوناً ومعنى ...

بورك المداد ..

سفير المعاني

09-30-2011, 12:18PM

أنحمد الله أرتحت من شيلة الهم= ورّيحت نفسي هذي أكبر غنيمه

يومي عرفت دوآي لو أشرب السم= صارت سواسي مالها بنوب قيمه

دنيا غروره تخلط الخـال بالعم= وتردي الهقوات وتمحى العزيمه !!

دنيا التساؤل كم بها الكيف والكم= أما المبـادي والصداقـه عديمه

طبع البشر تقابل الطيب بالذم= وماينرغب منهو بقى فيه شيمه

فيها النهار أصبح بها ليل مظلم=تنعاف دنيـا لو عطتني نعيمه

حسبي على دنيا بها الهم والغم= ومن راد فيها الفوز حتفه هزيمه

لو جيت تنطق غصب تسكت وتكتم= مما تشوف تقول : جتني سليمه

فيها الوفي ينعد / أنسان مجرم= دنيا خذت أعمارنا وهي مقيمه

أهديك بُعدي وأقبله لراحتك / تم= يقولها قلبي من أقصى صميمه

ماأذكر أنا أتعبتك ولاقلت لك قم= وفعلك معي أنصاف ولا ظليمه !!

أحكم وتعرف ماأبي منك تندم= خذ راحتك وأنسى العلاقه القديمه

تلقى مقامك أبشر وحاضر وسم= وأنا مقامي مثل فاعل جريمه

مابان منك أنشاف : والخافي أعظم= وآسف اذا متعبك لأجلي لخيمه

وأختم بقول : الله يسامحك وأسلم=جازيتني حقران ياهـي وخيمه

للشاعر
هبوب الشمال

عبير الروح

10-02-2011, 08:17PM

انا سفيـر(ن) للمعانـي وانـا العـود
ماكولـي الحنطـه ومشـروب كيـفـه
اليوم قلـت الشعـر هـاوي ومحـدود
واطمع بـردة شاعـر(ن) واستظيفـه
نهج الوفا بالشعـر مقصـد ومحمـود
والصـدق يعـرف بالوجـوه النظيفـه
الشعر له نزف (ن) مع الناس موجـود
وكـل (ن) يمـاري بالقصايـد نزيفـه
والهـرج ببـلاش(ن) ولافيـه منقـود
لامـن تبيـن قوتـه مـن ضعيـفـه

القدير

سفير المعااااني

خلف العاطفي

10-04-2011, 04:46PM

الليل طفلً فاطمه يافاطمه اب الصباح=ياأم هذا الطفل ذاك الصبح من اب الطفل!

يااجمل صباحات الوجوداللي توجدته وراح=تهديني ارموز العقد هو به احد غيري يفل

الله ولا رد الصدى لاجاك مع صوت الرياح=كن الصدى يردلك تصيح ولا تصطفل

صدرن تفجر هاجسه وأمطر تضجر وأستباح=وأنبت علامات التعجب وانت يشموم ونفل

الليل ليلً سرمدي يلوذبه من لستراح=يومن غيره للغواني راح ليله فل . فل

ماغيرك احدن حط في قلبي ياقلبي له مراح=واليوم رحت ولا بقى من روحتك جوري وفل

للقلب باب ولا طرى بعدك عليه الأنفتاح=من رحت والمفتاح في يدك وأنا قلبي قفل

ابسئلك مادام طفل الليل يتغذى الجراح=ابسئلك ياالمحتفل باالله وش به تحتفل

البارحه قام يتصاعد كل مابي لين طاح=من مابروحي هلت ادموعي على بدرً افل

قد عفت معنً شفت به جدي تحول للمزاح=وقد شفت وجه الصبح في وجهك ولاكنه جفل

ياسيدة كل العذارى والصبايا والملاح=هو فيه وصفً لنوصف في غير وصفك قد نفل

يابنت من ينطح زبونه يوم ناداله وصاح=الكافل اللمن ينتخي يوم ان غيره ماكفل

عليك فصلت المعاني من معاني لك وشاح=توسمتلك ياسمي ((الدر))ماجاتك غفل

يامشعل حروفي فكر فكري لكم برقً ولاح=ماترحم اللي لاح لك براق فكره وانعفل

جيتك على غيم الشعور بليلةً جابت صباح=يا أم هذ الصبح ليه اليتم اب لهـالطفل؟

للشاعر/سردار

زمان العجايب

10-14-2011, 09:37AM

بسم الله الرحمن الرحيم

بعض الشعر يشفع ويمد يد التواصل دائما وابدا ... لكم بعض الاوراق الخاصه

لاسلام الله على الفرقا خذتنا للسكوت = لا أشتعل قنديل لليل الوصل ياضيء.. المدينه
لليلةٍ ماتشبه إلا صمت مابين البيوت = غـادروها للحضاره بدو في رحله حزينه
أنتظم لحن السواني وأرتفع للعشق صوت= أنكتب للحب حرف بالقلم أحجم ونينه
أعتلى بالنو نجم وأشتعل باقصى خفوت=لين شب الكون ضو وأنتثر به من حنينه
للمدى أطلق عنان الصمت والنظره تموت=في المحاجر للمجره لكوكب لدُره ثمينه
يسهر يناجي ، ينادي ، ينده ، يخونه سكوت=يرتحل يبحث ، لأنه ، مؤمن بغارب جبينه
هو صديق الصبح مُفعم/ مبتسم فيه البهوت=هو منارة بحر تبحث للمراسيء عن سفينه
سلّمه ربان صبّره خيط بيت العنكبوت=وراح ينسج من خيوط البيت أغلال ليدينه
كان يرسم بالمعانيء كل معنى للثبوت=في زمان الكذب صدّق بأن أحساسه يدِينه
الندم يأكل ثباته لأ أرتكب ذنب ويموت=من يلوم اللي عروقه لنبضها صارت سجينه
لوضرير الحظ فتّح وقال له حظه:-( صَحوّت)=تحت أمرك لك آلبي لك أنا طوع ورهينه
وشهي ممكن أمنياته وباقي أيامه تفوت = من يدين العمر تمضي.. لحظه لحظه..!! ياسنينه ..!!
وده يرجع للطفوله يلعب بأغصان توت= يضحك بملء التنفس ما عرف معنى ضغينه
يفتح الكراس يرسم ذي سفينه وهذا حوت= وهذي عصفوره صغيره ترتحل بغيوم عينه
إيه ياشعر ومشاعر ترجمي الأمآل صوت= يسمعه نبضٍ سكنا في خيالاتٍ رزينه
العطا ماشحّ لكن.. مابقى بأيديه قوت =يعطي السائل سؤاله ما بخلت مره يمينه
شامخٍ عالي مقامه مارفع قدره بشوت =يشبه البيد بسكوته أرهق بصمته ضنينه
مختلف يشبه ( عقاب ) في هواه لقلب ( نوت) = مره تحسه ( جميل ) وعشقه الاجمل ( بثينه )
يكفي عن كل القصايد والمعاني بالبيوت = بأن أحبك في عروقه هيضّت صمت المدينه

من بحر قصيدة لـ الأحنف

:rhb:

خلف العاطفي

10-15-2011, 06:01AM

قلت أدور .. ل العذر .. بعض الخطايا = لجل اجامل ..واعتذرلك .. عن خطيه

مالقيت .. إلا ..خطأ .. بيض .. النوايا =وأني أتعامل .. بذوق ..وشاعريه

طيعني ..لاعاد .. تبحث ..عن خفايا=خلها ..تغفى ..بوسط الجوف ..حيه

لاتشب الجمر ..في عوج .. الحنايا =لاتزيد ..الجرح ..كيه .. بعد .. كيه

مايفيد ..ألأآآآه .. ترديد .. الحكايا =ولايفيد الصبر .. مع ..الفين ... نيه

الدلع .. والغنج .. من طبع .. الصبايا =والتغلي .. يحدث. .آهآآآآت ..وأذيه

وانت ..حلو .. وتعشقك ..كل المرايا = لجل .. تتأمل ..بطلتك ..البهيه

الشهد .. مكنوز ..في حمر.. الشفايا= والخطر ..موجود .. في ذيه ..وذيه

قمة الاغرااء .. في لبس .. العبايا=ويل قلبي ..من مفاتنك ..الخفيه

مبهر ه.. رؤياك .. من كل .. الزوايا=لجل هاذا .. صرت .. تتغلى ..عليه

قلت لك ..لاعاد .. تلعبها ..معايا=الغرور .. أغواك .. ويا.. النرجسيه

والجروح ..اللي تجي منك .. هدايا= (وش بلاك .. تخاف ..من رد ..الهديه)

طيعني ..لاعاد تبحث .. عن خفايا =الرحيل ..أنهى .. عروض ..المسرحيه

انا..صح السانك

غـالـيـه

10-26-2011, 06:59AM

يالحنين
أنقضت بضعة سنين
ولا تزال بوسط صدري ..
مختلف ، صامت ، تغني
بين صبرك .. والانين
ماثناك الموج لكن ..!؟
تهت ما بين الاماكن ..
وسرك بذاتك .. دفين
يالحنين ..
احترامي للاماني
وكل من مثلك يعاني ..
بين آلحان السواني
والمدى الساكن بصدره ..
في عيونه دمع ساكن ..
بس يرفض ..
إنه لغيره .. يـبـيـن

لِـ القدَيرْ / الأحَنَفْ

زمان العجايب

11-04-2011, 02:58PM

***********

في أمان الله
أنا مسافر
في أمان الله
في أمان الله
ياأجمل
من رأت عيني
وأجمل
من سكن فيني
ظروفي ظالمة بالحيل
ولا تبغى تراعيني
مشاويري ظلام وليل
ولا به من يخاويني
في أمان الله أنا مسافر
ودروبي
مالها آخر
ليالي
مالها باكر
حسيبك
يا الزمن غادر
تبعّدني عن أحبابي
وتجبرني على غيابي
ولا عاد تسمح
إني في يوم بأفرح
في أمان الله أنا مسافر
في أمان الله أنا مسافر
ودروبي مالها آخر

باريسي

تذكرت طاري السفر

ووجدت نص قديم للمبدع الغائب الحاضر

الاخ باريسي

آعاده الله وألبسه ملبس العافية
:r:

مطر

11-10-2011, 07:23PM

بنت الدلال / و سالفة ضحكة الغيم=[ قصة حـلا ] لو سولفوا ما انتهوهـا

طفلة وترقص مع لحن هاطل الديم =" تغريه " . .$ لأجل يبلها ( كلبوها )

كم فالمحبة من " دلعها " مظاليم =من عذر ( اهلها ) ..$ يومهم دلعوها

أشوف صورتها / مابين [ المعازيم ]=و أعذر " بنات الناس " لو / غازلوها

فستانها " غيمة " ! وتضحك ترانيم=" تكفون " يـ اللي حولها / ضحكوها

من حسنها كل النساء شافوا الضيم =هذا !! وهي للحين ما " برقعوها "

هي (قبلة الفتنة) فـ جيل التصاميم =الـلـه - مزينها - . . $ ولا " زينوها "

ماني موصفها على ( غزيّل الريم )=بقول : $ مالك ند / يَ " بنت أبوها "

دام النصيب يصيب و الرزق تقسيم =يـا جعلها من حظي ..$ ان زوجوها

اخوكم : فهد النفيعي

الشاعر فهد :thumb:

خلف العاطفي

12-25-2011, 01:25AM

لكم الود بأكمله

والورد بأجمله ..

نص .. كــ تقديم باقه لقلوبكم ..
سـ أتركه ْ هنا بدفئ بين جوارحكم ..

مدخل ..!!

ي الْحَبِيْبَه مَا نُحِب لَا اجَل الْلَّهْو

يَعْنِي حِنّا نُحِب لِاجَل انآ نَعِيْش

خَوْذَي قَلْبِي بَس لَايَسْقُط سَهْو

وآحْفْظِيْه بُعَيْد عَن كَيْف وْلَيْش

وَمَن سآلِك الْقَلْب هَذَا حَق مِنْهُو

قَوْلِي هَذَا لشَاعِري بَدْر الدُّوَيْ

بـ أختصار ..

تمرد

*

عزف

*

صخب

*

*

كل هذا ,,,,

رحلة وتاليها تعب ْ

.

.

ياصاحبي دام النـــــــــوايا .....دراويش
. . . إزعل ْ علي ْ إن كان في يوم ....لمّتك ..!!

لايابعدْ ناس ٍ تغلاّ على ويـــــــــــــــــش

. . . اللي تطيح عيونها لا ......رسمّتــــــــــك ..!!

ياسيّد أحساس الحروف المعاطيش

. . . أفّطِرْ على شوفك وأذا غبتْ صِمّتِك ْ ..!!

القلب طيرك والوصل والغلا ريش

. . . ولازان جوْي بالمواصيل .........حِمّتك ..!!

جيتك من إحساس التعب ودي أعيش

. . . ياللي طبعتك بالخفوق و وشمتك ..!!

ماجيت لك نزوه ولا جيت لك ْ طيش

. . . ولاجيت ْ أفتّش وشـ ورى باب صَمْتكْ ..!!

جيتك غلا لا تسأل شلون أو ليش

. . . أفتح شبابيك الوصل ......لاعدمّتك ..!!

مخرج ..

تركْت هناااا ... أكواب الأنتظار فارغه ...!!

.

.

بدرالدويش
صح السانك
وبكل صدق ..نفتقدك هنا في رهب

رهب

03-14-2012, 01:51AM

ليتني سبقتك خلف تسلم يمناك على النقل
وصح لسان بدر الدويش .. وانا افتقده كذالك عسى ما شر وينه ؟
كنا جميع اعضاء في متتدا الخلوج الله يذكرهم بالخير جميع لابد وان يعود بحول الله
ما اقتبست شيئ دخلت مدرعمه هههههه
المهم هنا تحتار وش تقتبس الجميع ما شاء الله فطاحل تحتار وش تاخذ وويش تخلي الله يديمهم
ولاكن .. لي عوده .

وين اااهج

03-14-2012, 01:04PM

الحب به فرحه/ وضيقه/ وحيره=والحب ماله طب... لوقيل له طب
الحب كلمه بس/ لكن كبيره= والحب شيً غير... ياأجمل الحب

ل/ريم النواااظر

رهب

03-18-2012, 01:29AM

سفير المعاني

04-14-2012, 04:57PM

الاديب والشاعر الاستاذ عبدالله فهد الغنيم

يا وميض لاح في عرض الجهام = يا سراب القاع في عين الذهين
العشم فالنور جلاي الظلام = ما غباه الوقت لا بده يبين
والحرار تبان في وقت الحيام = لا كفخ في الجو من طير حسين
واللسان يحط من قدر الحشام = لا اختلف منطوق حرفه واليدين
اللسان ان خاض في جود الكلام = ما يترجم منطقه كود اليمين
والانام كرام في وقت الصرام = قبل يطعن فالمثل عبدالمعين !
من جروم نارها برد وسلام = ما سقيت القلب يا عرق الوتين
للحمول جمالها والدرب شام = لا ارتكت للحمل قاسيها يلين
لا سجع فوق الترع فرخ الحمام = ما مخر في بحورها كود السفين
للخراف قرون ولشعيل السنام = والكرم والجود للجنب المتين
باقيٍ حرفين هي مسك الختام = السلم والحمض ما يثمر بتين !

[/poem]

بدر الدويش

04-15-2012, 07:38AM

اعجبني .

ماجيت لك نزوه ولا جيت لك ْ طيش ..

. . . ولاجيت ْ أفتّش وشـ ورى باب صَمْتكْ ..!!

"

بدر الدويش صح لسانك مدد .. شاعر متمكن غني عن شهادتي بك

هذا الشاعر المبدع اعرفه من سنين .

.. من بدايات منتديات الخلوج وسبع انعام ببدر سعيده بوجودك هنا لا تحرمنا ابداعاتك ؟

الله يذكر الجميع بخير ويديم عليهم الصحه والعافيه وراحة البال اللهم امين

دمت مبدعاً

الأنيقه أدبآ
والراقيه سموآ
رهب
شكرآ على سؤالك عني والكتابه معك بأي منتدى كان
هو بمثابة وسام أحضى فيه ..
وغيابي يعلم الله انه عارض صحي واطلب الله أن يشفيني ويشفي مرضى المسلمين ـ
والشكر موصول لكل شخص سأل عني أو أقتبس لي بيتآ أنتم بالقلب

.
.

عبدالله الغنيم

04-15-2012, 11:43AM

الوالد الأستاذ : أبا محمد

رفع الله قدرك ، وأجزل لك العطاء ..

يسعدني جداً ما يسعدك ..

خالصُ تقديري واحترامي ... .

ريم النواااظر

04-24-2012, 12:13PM

؛

الليل طفـلً فاطمـه يافاطمـه اب الصبـاح=ياأم هذا الطفل ذاك الصبح مـن اب الطفـل!
يااجمل صباحات الوجوداللـي توجدتـه وراح=تهديني ارموز العقد هو به احد غيـري يفـل
الله ولا رد الصدى لاجاك مع صوت الريـاح=كن الصـدى يردلـك تصيـح ولا تصطفـل
صدرن تفجر هاجسه وأمطر تضجر وأستباح=وأنبت علامات التعجب وانت يشمـوم ونفـل
الليل ليـلً سرمـدي يلوذبـه مـن لستـراح=يومن غيره للغوانـي راح ليلـه فـل . فـل
ماغيرك احدن حط في قلبي ياقلبي له مـراح=واليوم رحت ولا بقى من روحتك جوري وفل
للقلب باب ولا طرى بعـدك عليـه الأنفتـاح=من رحت والمفتاح في يدك وأنا قلبـي قفـل
ابسئلك مادام طفـل الليـل يتغـذى الجـراح=ابسئلـك ياالمحتفـل بـاالله وش بـه تحتفـل
البارحه قام يتصاعد كل مابـي ليـن طـاح=من مابروحي هلت ادموعي على بـدرً افـل
قد عفت معنً شفت به جدي تحـول للمـزاح=وقد شفت وجه الصبح في وجهك ولاكنه جفل
ياسيـدة كـل العـذارى والصبايـا والمـلاح=هو فيه وصفً لنوصف في غير وصفك قد نفل
يابنت من ينطح زبونه يـوم نادالـه وصـاح=الكافل اللمن ينتخي يـوم ان غيـره ماكفـل
عليك فصلت المعاني من معاني لـك وشـاح=توسمتلـك ياسمـي ((الدر))ماجاتـك غفـل
يامشعل حروفي فكر فكري لكـم بـرقً ولاح=ماترحم اللي لاح لك بـراق فكـره وانعفـل
جيتك على غيم الشعور بليلةً جابـت صبـاح=يا أم هذ الصبح ليـه اليتـم اب لـه الطفـل؟

سلطان بن عادي/...

زمان العجايب

06-13-2012, 06:59PM

http://www2.0zz0.com/2012/06/12/14/582719727.jpg (http://www.0zz0.com/)

سكون الليل .. والذكرى ..
وشمعة .. وخاطري المكسور ..
ومنديل(ن) شرب دمعي ..
غرق في سيل وجناتي ..
أدور في سكون الليل ..
صوتك .. وأحترق بـ سكوت ..
أشوفك من ورا الشباك ..
تعانق بالوله روحي ..
يداعبني الخيال ..
وأجيك ..
أغني بقربك الموال ..
نغم ياسارق الفرحه ..
يشبه باللحن نوحي ..
وأحسك في خيالي المغترب ..
وقصري المهجور ..
تسافر بي مع طيفك ..
سراااااب .. ورحلتي بوحي
تناثر من على شفاهي ..
أحاسيس الحروف سطور ..
جمعتك في كتاب الشوق ..
سهيت .. وطاحت جفوني ..
تعااااال وشفني بعينك ..
نزفتك من الوريد شعور ..
أسولف للظلام عنك ..
ويبكي ركني الهادي ..
سألتك بالذي أوجد غلاك ..
وأخذني للمجهول ..
تحبني .. ياترى للحين ..؟؟
وشوقك يسألك .. ويني ..؟؟
سألتك بالذي قادر ..
يبري جرحي الموجوع ..
وحشتك يابعد هالناس ..
واللا غيابي لك عادي ..
تذكر .. يوم كنت تقول ..
أحبك يابعد هالكون ..
ولاأخليك تكملها ..
أضمك وأحضنك بـ جنون ..
وعلى صدر الغلا أهمس ..
حروف محبتي بـ قلبك ..
أحبك حييييل صدقني ..
أحبك ولا تقول شلون ..
أحبك ..
كلمه لو تعبر ..
في قلوب البشر .. تأسر ..
أحبك ..
كلمه لو تحكي ..
ينبت من الغلا .. سكر ..
أحبك ..
كلمه لو تكشف ..
ستر حروفها .. تبهر ..
أحبك ..
كلمه لو تسمع ..
صدى دقاتها .. تسأل ..
أحبك ..
وإن حكيت أكثر ..
تدمع عيونك .. وتمطر ..
أحبك ..
صدق في كلمه ..
نطقها صمتي .. المجبر ..
أحبك ..
يانصيب الغير ...
أحبك .. وفي غلاك أذبل أذبل أذبل

وتذبل عناقيد اللقا وماتنشف عروقي ..
النجلا

http://www2.0zz0.com/2012/06/12/14/285433290.jpg (http://www.0zz0.com/)

WIDTH=1 HEIGHT=1

وأستقامة على جبين الاحساس

هنا أكون
خاطري المكسور

ذائقتي لـ النجلا

لـ يتكوثر بوحك يـ بياض الروح

:r: