المساعد الشخصي الرقمي

مشاهدة النسخة كاملة : (( يــاربعي .. ))


عبدالعزيز السليس
02-12-2010, 02:57PM
السلام عليكم ورحمة الله وبركاته


http://www.youtube.com/watch?v=NJI0yxo21gg





ياربعي اللي تهتوون المطاريش=معكم يبيلي بأول الصبح مغباش

فرصه وادوّرها بروس المناقيش=راسي من التفكير والهم منداش

والله ما ادري ليش والا على ويش=لكن صدري من عنى خاطري طاش

تكفون لا نامت عيون الخفافيش=ودي بمطراشٍ ماهوب اي مطراش

على ابيضٍ من جدّته مابعد نيش=ومن زود قدره سايقٍ قيمته كاش

وإذا فهقنا ( جو ) عقب التفاتيش=ثم جاتنا لوحة جفن ضب ومشاش

سوقوه لديار الرجال المداغيش=أمثال أبو ماجد وفالح وعكّاش

يفداهم اللي يلبسون الطرابيش=ويفداهم الهلفوت والنذل واللاش

هم شوق من تزهاه سود العكاريش=كم واحدٍ في ظلهم بالهنا عاش

نبي نسج الرجل فالخبت ونعيش=ساعات نقضيها طرب بين الأدباش

في عبلةٍ فيها الخزامى مداقيش=والجو غايم برق مع رعد وارشاش

تبري الكبود الضاميات المعاطيش=شوف الخزامى والنفل يبرد الجاش

قد قيل راس الظبي مابه عراميش=لكن نعيش العمر غربه ونعتاش

هو ليش مانقنع من الوقت هو ليش=وقتٍ سيعنابه ولكن على ماش ؟

ودام المهبل في عماهم مخاييش=وإذا لفى واحدهم العلم ينحاش؟

خلوني أحيا باقي العمر واعيش=بين الصحاري والفيافي والأدباش




وسلامتكم جميعاً

خيّالـهآ
02-12-2010, 03:22PM
عبدالعزيز السليس

الله واكبر عليك
صح بوحك ولاهنت
تحياتي..

عقاب
02-12-2010, 03:39PM
ابوسامي

صح لسانك قصيده وافيه يالوافي


تحياتي

سفير المعاني
02-12-2010, 04:00PM
الغالي
الشاعر
عبدالعزيز السليس

الله انه يسعدك ويوفقك بجميع اوقاتك

وقدسعدت كثير بسماعي لهذه القصيده الفاخره

بمضمونها ومعانيها وعذوبتها لقد ابعت وليس

هذا غريب على شاعر مثلك وتمكنك الشعري

صح لسانك وعلا شانك مليون ولا يكفون



وتقبل تحياتي

باريسي
02-12-2010, 04:20PM
سوقوه لديـار الرجـال المداغيـش
أمثال أبو ماجـد وفالـح وعكّـاش
يفداهم اللـي يلبسـون الطرابيـش
ويفداهم الهلفوت والنـذل والـلاش
هم شوق من تزهاه سود العكاريش
كم واحدٍ في ظلهـم بالهنـا عـاش
نبي نسج الرجل فالخبـت ونعيـش
ساعات نقضيها طرب بين الأدباش
في عبلةٍ فيهـا الخزامـى مداقيـش
والجو غايم برق مع رعد وارشاش
تبري الكبود الضاميات المعاطيـش
شوف الخزامى والنفل يبرد الجـاش

خوة نشاما وبر ونومسة
ما تنلام يا أبو سامي يوم تتهيض
تحياتي
باريسي

عبدالعزيز السليس
02-12-2010, 10:58PM
خيالها

هلا ومسهلا بك وبحضورك ومرورك الكريم من هنا

وصح بدنك ولاتهون

شرفتني جعلك تحيا

تحاياي وكل تقديري

زمان العجايب
02-12-2010, 11:50PM
قصيدة مميزه من شاعر مبدع

عبدالعزيز السليس

تحياتي وتقديري لك

عبد العزيز احمد الزهراني
02-13-2010, 01:01AM
اخي الشاعر الرائع / عبد العزيز السليس
صح لسانك ملايين
وصح لسان صاحب الشله جزيان
تحياتي

نومان سحل
02-13-2010, 02:27PM
هو ليش مانقنع من الوقت هو ليـش
....................وقتٍ سيعنابه ولكن علـى مـاش ؟


عبدالعزيز السليس

صح نبضك

نزف مميز واداء مميز

شاعر مميز يستحق المتابعه

اعتقد ان هناك خطا املائي (سعينابه )

مودتي

عبدالعزيز السليس
02-13-2010, 02:42PM
هلا ومسهلا اخوي عقاب

وصح بدنك ولاتهون ومن وفاك جعلك تحيا

دمت كما انت راقي ودام هذا التواصل

تحاياي وكل تقديري

الخرش
02-13-2010, 02:53PM
الشاعر القدير / عبد العزيز السليس

صح لسانك على هذه الرائعة وصح لسان شايلها

دمت بخير في حفظ الله

عبدالعزيز السليس
02-17-2010, 12:09PM
الفاضل

سفير المعاني

هلا ومسهلا بك وبمرورك الكريم على هذه المتواضعة

وصح بدنك ولاتهون اخوي سفير واشكرك على هذا الإطراء فهو وسام

لمرورك وزنه عندي أخي سفير

الله يوفقنا وياك والجميع

تحاياي وكل تقديري

مستبده عسل
02-17-2010, 01:20PM
السليس

صح لسانك وعلا شانك

ابيات جزله تذكرني باسلوب والدي الذي اعشقه

مودتي

كلـــــــ الحبـــــــ

عبدالعزيز السليس
02-19-2010, 03:16AM
الفاضل

باريسي

هلا ومسهلا بك وبحضورك ومرورك الكريم على هذه المتواضعة

وصح بدنك ولاتهون وانا اخوك

ايوالله صدقت

دمت كما انت راقي

تحاياي وكل تقديري

المنايا
02-19-2010, 03:41AM
الله الله الله
الله درك يابطل
قصيدة فيه من روح الاصاله وعقب الماضي شي الكثير
الله درك يامطوع الصعب
المنايا

ماجد بن رويه
02-21-2010, 12:40AM
رائع يالسليس بكل ماتعنيه الكلمه

عبدالعزيز السليس
02-22-2010, 12:28PM
الفاضلة

زمن العجايب

أهلاً وسهلاً بك وبحضورك ومرورك الكريم

والتميز يكمن في تواصلك أختي الكريمه

تحاياي وكل تقديري