ردا على قصيدة .. مدينة الذكريات للشاعر والصديق / سلطان بن عادي .. (سر دار )

[عبدالعزيز عبيد العدواني]

ياقلبي اللي ماعرفت السكينه = سلم على سلطان واشرح له الحال

قل له رفيقك شاف وسط الخزينه = أزوال بانت له على هيئة رجال

وان كان صاح ولا لقى من يعينه = انا عويني قطع حبال وحبال

عن فزعته تطاولني يدينه = واسرف بذبحي يوم حظي علي مال

يابو حسين العلم وسط الشنينه = واللي وراه رسوم ترسم بصلصال

مادام سلمت من دوى الغرغرينه = تبقى ويبقى للرجاجيل مدهال

الصبر طب(ن) للنفوس الحزينه = والهجر طب العي في كل الاحوال

عليك باقوال الرجال الرزينه = اللي فعايلهم من الصعب تنطال

اشره عليهم واحسب الحق دينه = وان ما حضر وزنه على الحول مكيال

صدري يا ابن عادي مبيح كنينه = من شفت ما بيحت به يا ابن الابطال

مثايلك وسط النفوس الفطينه = بضاعة(ن) ما سومها عند دلال

أنت الذهب والشعر تاخذ سمينه = وما خف عندك صغت به كم موال

بعض المعاني بالضماير دفينه = وبعض المعاني تسرج الفين خيال

هذا شعوري والمشقى ونينه = يدري به اللي شاف في وقته اهوال






عبدالعزيز عبيد العدواني

[سر دار]

جزل جزل جزل


اسمح لي ان اُقبل كل حرفً منها



صح لسانك ياخلفهم


وماعليك زود


عبدالعزيز العدواني غالي


وصديق وشاعريشدني كثيراً.


ويكفيني شرفاً مجاراتك ل((مدينة الذكريات))


وليس بمستغرب عليك وانت ابن مدرسة الشاعروالنبيل((مريبدالعدواني))


الذي له الكثير من المأثروالحكم في ميدان الفروسيه والشعر.


ويكفينا بيت له رحمه الله.


((النوم ساس اللوم بان الردابه@@@@@عينً تبا الطولات نومه شلافيح))


عبدالعزيز شاكرلك


وتقبل اطيب التحايا.

[سفير المعاني]

الغالي
الشاعر عبدالعزيز العدواني

الله انه يسعدك ويوفقك بجميع اوقاتك

اسعدني مروري زمصافحة هذه القصيده

ردعلى قصيدة شاعرنا الجزل ((سردار))

http://www.rhb-reema.com/vb/showthread.php?t=21400

وصح لسانك وعلى شانك لاهنت


وتقبل تحياتي

[باريسي]

الأخ العدواني
والأخ سر دار
ماشاء الله تبارك الله عليكم
أهل وفاء وأهل جزالة
استمتعت بمتابعتكم
تحياتي
باريسي

[حبي الامارات]

كلمات رائعه

والله يدوم الود والتواصل بينكم