أكاديمية الشعر المزيفه

[عبدالعزيز عبيد العدواني]

بلا إحم من دون إكراميه = رسمت في صدر الفلا ريميه

تزعل بعض قوم(ن) خذوها عنوه = من دون حق وصارت الزاميه

دقو عليها واخلفو وزنتها = وعقارب الساعه تجي حتميه

الشعر ماهو يالخوي صوت لي = ولا انتكاسة فكر اكاديميه

طلابها تشحذ غزير المعنى = وتصوره بالدرس ميه ميه

خراب فكر ومعمعة خراصه = معادلات وكلها وهميه

تضرب وتطرح والنتيجه سالب = واهم شي تصير إعلاميه

عن اذنكم محتج وابسوي = مضاهره لكنها سلميه

من شاعر(ن) مثايله من راسه = ما جاب من نشمي ولا نشميه

مدارس الشعار يا معلنها = ماهي خطب واخبار إسلاميه

يشقى بها اللي فكرته ناسخها = من نجد والدقه على الشاميه

عدل بها حرف بها واحرقها = ودخانها بعيونهم وسميه

لو هو طبيب اطفال خرب طبه = شق البطن والمشكله لحميه

كتب البلاغه تشتكي فهرسها = والنحو يلعن ديدن الرسميه

وسياسة البابا رجب يوحنا = دفاع ضد اتباع حاخاميه

و ( مسيلمه ) كذاب واللي مثله = ( سجاح ) و ( العنسي ) على الجاميه

قد كنت يا شعر العرب أنشوده = واليوم طحت بنظرة الساميه

حال التقشف والولع متساوي = والنظره العميا تجي علميه

ردو غنمكم يا جماعه عنا = حطو لهم بالعاصمه محميه

لا يقربون احساسنا وشعوره = قبل النتايج تنتهي حسميه

خبتو وخاب الشاعر المتعلم = دام الشعر يحتاج اكاديميه

[تركي الرشيد]

ابو مشاري ..
صح لسانك ياغالي وقصيدة جزلة من جزل ...

ياغالي العواصم لاتتسع الا لأحواض اسماك الزينة فقط :) حالها حال قصائد بعض من المستشعرين ... فليس هناك اجمل من المحميات الطبيعية خارج نطاق المدن ... الا تتفق معي ياغالي ؟
صادق التحايا وارقها لك

[عقاب]

ياسلام عليك يابومشاري جبتها على الجرح


تحياتي

[سفير المعاني]

الغالي
الشاعر
عبدالعزيز العدواني


الله انه يسعدك ويوفقك لمافيه الخير
اسعدني مروري وان اكون من ضمن المصافحين
لقصيدتك وما تحمله من معنى ومضمون له ابعاده
وصح لسانك وعلا شانك مليون ولا يكفون





تقبل تحياتي

[فهد الفريدي]

عبد العزيز عبيد العدواني

صح السانك ولاهنت وسلمت ودمت

وااااافيه من راس وااااافي

وشهادتي فيك ماتخفاك

دمت كما تحب