حلم .. الندى

[ميلاد اليماني]

في داخلي حلم اتعبته واتعبني=حلمي كما طفل ما يسكت بسولافه
في عذب صوته وانفاسه يناديني=وحالي الصوت شي(ن)داخلي خافه
في عالمه جيت بايع كل ما فيني=تارك من اشجان شوقي فوق اطرافه
احني له اضلاع صدري مثل الغصاني=بعشق ناعس على اوداج شفافه
يا حلم بالله قلي وين تاخذني=ماشي وكنـّـه محملني على اكتافه
اخاف من عالي ابراجك وترميني=لا .. قاع سافل تسويني بصفصافه
تعبر بي امواج يا خوفي وتغرقني=في بحر لا يرحم المضنى بأعرافه
يا ليت شط الندى يا حلم ترسيني=في شط دُرّه اسير(ن)بين اصدافه
يا حلم يكفي احسك تحت أجفاني=واعيش يا حلم في لونك واطيافه
كان لحظة احساس يا حلمي وتكفيني=نجني بها كل رمان(ن)باقطافه
صحّيت معنى جنونك في شراييني=وخنت صمتي وخنا كل احلافه
من اي كاس(ن) نويت انك بتسقيني=ما دام لا حل يجمعنا بأنصافه

بقلم

اخوكم
ميلاد اليماني

[وليد السلطان]

صح لسانك على ابداعك

[الظبي]

يا ليت شط الندى يا حلم ترسيني
في شط دُرّه اسير(ن)بين اصدافه
يا حلم يكفي احسك تحت أجفاني
واعيش يا حلم في لونك واطيافه
كان لحظة احساس يا حلمي وتكفيني
نجني بها كل رمان(ن)باقطافه
صحّيت معنى جنونك في شراييني
وخنت صمتي وخنا كل احلافه
من اي كاس(ن) نويت انك بتسقيني
ما دام لا حل يجمعنا بأنصافه

صح ألسانك لا هنت ،،

تقبل تحياتي ،،

:)

[حبي الامارات]

من اي كاس(ن) نويت انك بتسقيني *** ما دام لا حل يجمعنا بأنصافه

صح لسانك ابيات رائعه

تقبل مروري واحترامي

[باريسي]

يا حلم بالله قلي وين تاخذني
ماشي وكنّه محملني على اكتافه
اخاف من عالي ابراجك وترميني
لا .. قاع سافل تسويني بصفصافه
تعبر بي امواج يا خوفي وتغرقني
في بحر لا يرحم المضنى بأعرافه.

الله عليك يابن العم
قصيدة رائعة وجزلة
والأحلام دائما تأخذنا إلى البعيد
تحياتي
باريسي