ياعقاب قلي كانك تعرف وشّن

[ابو صقر الشمري]

بسم الله الرحمن الرحيم

السلام عليكم ورحمة الله وبركاته ’’ امابـعـد

اسعد الله مسائكم بالخير والمسرات

ويسعدلي اجوائكم رواد رهب الادبيه

لغز اضعه بين ايديكم جميعا ’ واتمنى اني اجد الذباح

اتمنى اجد من يحله بين ارجاء منتداكم والله يستر من عقاب


ياشاعرن بالفكر عمره مدشّن = مايخطي ورمعته ماله ثنيات
ياويش مجموعة بناتن تغشّن = متساويات وفي سراهن سويات
متحشمات وعمرهن ماتمشّن = واللي يحارشهن جروحه عطيبات
ياتيهن المقسوم ومنه يتعشّن = ومن ثم في ظهر امهن امحمولات
ياعقاب قلي كانك تعرف وشّن = بنات وابوهن كثير العلاقات


وسلامتكم

[العيطموس]

عليك آلسـلام ورحمه الله ..


بخاطري آعرف حل لغز إلى من لشاعر محمد الشمري


لآهنت :)



.

[ابو صقر الشمري]

حياك الله ياعيطموس

منور حبيب البي ولاهنت عالطله

وان شاء الله يجون النشاما ويصيدون الجواب

والى هالحين ماشفنا ولا رمـعـه

وننتظر ونشوف

اشكرك على مرورك ولاهنت

[مهند بن سمران]

:d << كان ما خاب ضني انهن الضريسات

[عقاب]

ابوصقر الشمري

الله يسعد اوقاتك بكل خير ياغالي

عندي ذا الرمعه لعل وعسى


الزقاير


ياويش مجموعة بناتـن تغشّـن / طبعاً الزقاير دايم داخل البكت ولاتطلع الا للأستعمال

متساويات وفي سراهن سويات / متساويات المقاس وفي نفس البكت مصفوفه على خمس خمس

متحشمات وعمرهن ماتمشن / دايم بالبكيت ماعمرهن اطلعن الا لحظة الأستعمال

واللي يحارشهن جروحه عطيبات / اللي هو المدخن من المعروف الزقاير مضره بالصحه للمدخن لابد لها اضرار

ياتيهن المقسوم ومنه يتعشن / المقسوم المدخنين وعشاهن الضحايا من المدخنين بأسباب التدخين

ومن ثم في ظهر امهن محمولات / امهن الطفايه


بنات وابوهن كثير العلاقات / ابوهن البكت كثير التداول مع الناس



تحياتي

[ابو صقر الشمري]

مهند بن سمران

حياك الله ولاهنت عالمرور يابعدهم

ومالك لواء يالغالي

__ __

عقاب

مرحبابك ياعقاب وحياك الله ولاهنت عالمرور

تحليلك وارد ووافي واشكرك حقيقه

بس مالك لواء ياعقاب , وننتظر رمعاتك الجايه

ترا رمعاتك تهمني ولايهونون الباقيين

[رسيس]

جدتي نايمه ولا كانت بتحله:d

[ابو صقر الشمري]

هههههههههه

الله يخليها لك ويطول بعمرها

اما انا يارسيس

الجدود والجدات من الاب والام ’ كلهم مالحقنا عليهم

انا مشلكتي دايم ما اجي الا بالوقت الضايع

حياك الله ومنوره

[الشاعر الشمري حمود]

البنات / الرصاص

وامهن / السعفه

وابوهن كثير العلاقات / السلاح


وأنا الذباح اللي شايل سلاحي