من قصائد علي القحطاني

[باريسي]

الشاعر علي القحطاني له صولات وجولات في الساحة الشعبية والفنية
وهذه من أشهر قصائده التي تعجبني كثيرا
أتمنى إنها تحوز على رضاكم:

ردي الأصل لو شفته صفالك
ترى الأنذال عشرتها مصايب
ولو تعطيه من غالي حلالك
ترى الخايب على ماقيل خايب
إلى صارت له الحاجه عنالك
ولو تحتاج له أنت قيل غايب
ويضحك لك وهو جالس قبالك
وإلا من صد في أمره غرايب
ويحلف لك يمين انه صفالك
وهو عن مشيته ماهوب تايب
وراعي العيب لوهو من عيالك
ولو هو من جماعة او قرايب
تراك برفقته اتعبت حالك
فقله روح ياعلك بذهايب
فاحذر يافتى واعرف رجالك
من اللي ماتزعزعه النوايب
يعله بين خلق الله جرالك
ومن عادوه وروه العجايب
فاذكرني إذا امري بدالك
فيما قلته ودنيانا عجايب
وله أيضا:
لاترحلي وانتي بقلبي مقيمه
كوني بجنبي وأحكمي واظلميني
لاترحلي كوني بقلبي رحيمه
بس أخذي وأعطي معي وأفهميني
كوني لي الدافع وروح العزيمه
قبل الفراق المنتظر علميني
مالي بدونك في الحياة أي قيمه
إن مت من حر الفراق اعذريني
أنتي عظيمه فعلا انتي عظيمه
وأنا العظيم اللي تطولك يديني
أنتي تركتيني بصورة سليمه
أنا أهجر الدنيا ولا تهجريني
ذلي وضعفي وانكساري هزيمه
ماهي صفاتي لا حشى تعرفيني
جيتي كريمه واهجريني كريمه
يمكن تدرك مقبلات السنيني
أنا أدري الأيام ماهي مديمه
دوراتها تقبل وتقفي بحيني
وأبكي على أطلال الليالي القديمه
إذا طرالك جوها فاذكريني

تحياتي
باريسي

[زمان العجايب]

باريسي

شكرا على الذائقة

تحياتي وتقديري لك

[باريسي]

زمان العجايب
لاهنتي على طلتك المتميزة
تحياتي
باريسي

[رووز]

صح لسان علي القحطاني

وسلمت يدينك باريسي ع النقل المميز

وتقبل مروري

[باريسي]

رووز
لاهنتي على طلتك الرائعة
تحياتي
باريسي

[رشيد الهديرس]

الله الله قسم بالله انت شي

[معااااالي]

مع احترامي للشاعر الابيات مكسورة

[باريسي]

رشيد الهديرس (http://www.rhb-reema.com/vb/member.php?u=640)

أنت أروع بحضورك الجميل
لاهنت طال عمرك
تحياتي
باريسي

[باريسي]

الأخ معالي
يا مرحبا فيك طال عمرك
الأبيات جدا جميلة ومعانيها أجمل
وتمنيت لو إنك ذكرت لي الأبيات المكسورة
حتى أقدر أستفسرها من الشاعر بنفسه
تحياتي
باريسي