شب الونس

[وليد السلطان]

--------------------------------------------------------------------------------

ياسحـاب الوجـد وينـك ياسحـاب
طالـت الغيبـه وزادبـي العـتـب
من شروق الشمس الا حـد الغيـاب
ومن مغيب الشمس لا يرخى الهـدب
ماغير اخايل بالسماء نـو الضبـاب
يالله تجيب الخير يامنشـي السحـب
ماتغـيـب الا اذا زاد الـمـصـاب
وماتجـي الا علـى رفـع الغضـب
شاقني وبلك علـى روس الهضـاب
ليا انحدر سيلـك وسالـت هالشعـب
حي شوفه يبري جروحـن عطـاب
وخصن اذا نبتـت فياضـه بالعشـب
سلطان شب الضو كن الجـو طـاب
شب الونس واجمع من اظلوعي حطب
مايفـيـد مولـعـن زود العـتـاب
دام ربــي ماقسمـلـه وانكـتـب
حكمة الـي لـه نعيـم ولـه عـذاب
والامر لله وكـل شـي ولـه سبـب

[سارة النعيم]

صح لسانك اخوي وليد
تحياتي لك

[سفير المعاني]

الغالي
الشاعر
وليد السلطان


الله انه يسعدك ويوفقك بجميع اوقاتك

اسعدني ان اكون ضمن المصافحين لهذه


القصيده الاجمل من جميله والرائعه بروعتك


وصح لسانك وعلا شانك مليون ولا يكفون



تقبل تحياتي

[حبي الامارات]

حكمة الـي لـه نعيـم ولـه عـذاب
والامر لله وكـل شـي ولـه سبـب

صدقت يا الشاعر كل شي وله سبب حتى الحزن اذا دخل قلب انسان اكيد راح يغير شي في حياة هالنسان
ان شاء الله تكون احزانا سبب في النجاح واختبار صبرنا على الشده

تقبل مروري واحترامي

[وليد السلطان]

اشكركم احبتي