علي بن عامر مطلوب امنياً

[عقاب]

:d


:d




هلا والله بأبن عامر هلا بالصاحب المزاح= كريم ويقضي الحاجه ولا قد دسها عني

تحيزم ياعلي لم المعارك خل معك سلاح= على كل المذاهب لاتجي شيعي ولاسني




/



/

[ظل الياسمين]

الله الله الله عليك يا خوي عقاب ماروع ماكتبته

متابعه بقوووووه وبحماس

دمت للشعر نبراس اخ عقاب

[علي بن عامر]

يدوم الك البقا والعلم طيب والقلوب اصحاح=وانا خابر كلامك لو تحاول تحترص مني

انا مثل الجبل راسي ماهده نطحة النطاح=وكم مره تذرّا في ذراه الذيب والجني

[باريسي]

محاورة بدايتها رائعة
بس نبيها كلها فتل ونقض
وأنتم أهله
لاهنتوا كلكم
عقاب وابن عامر
تحياتي
باريسي

[علي بن عامر]

باريسي لاهنت على المرور

[عقاب]

ظل الياسمين

هلابك ياغاليه وشكراً على مرورك

/





/







الله الله ياعلي


استلم



اشوف أنك بلى راحه واشوف انك بعد مرتاح= تقًلب ياعلي مدري متى ايامك يطيبني


تحط الناس في بطنك وتسرح كنك السفاح=وتقول أن اليالي مع عيال الناس دربني

[خيّالـهآ]

عقاب
صح بوحك ولاهنت

علي بن عامر
صح بوحك ولاهنت

متاااااابع
تحياتي...

[علي بن عامر]

المعذره ياعقاب بنكمل بكره ان شاء الله انا ماعاد اقدر من قبل الفجر وانا صاحي

تصبح على خير

[عقاب]

باريسي

خيالها


شكراً على المرور لاهنتم





علي حافظك ربي

/



/

[علي بن عامر]

انا طيب ومتعافي واكافح والزمان اكفاح=ولو ظنك غدابك والله انه ماغدا ظني

انا شفت الحطب جمّر ولكن القدر مافاح=ولكن الليال السود ودني وجابني

[علي بن عامر]

خيالها صح بدنك لاهنت على المرور الكريم

[عقاب]

الله الله ياعلي


استلم



/



/


تحلق ياعلي وانته سواة الطير دون اجناح= شطنت النفس وتقول الزمن ماهوب شاطني


تبي قسمك من التفاح بالصندوق ابو تفاح=نسيت أن اليالي قد تحدتك وتحدني

[أنا]

عقاب .. علي

مساكم الله ب الخير

مررت من هنا صدفه ..وهي خير من الف ميعاد ..
هنا
تذوقت من رطب ألأبداع .. وتقهويت من دلال ألأمتاع ..وحلقت مع خفايا الحرف.

ولأعلم ..مع أي الصفوف أقف ..ربما حسب أغراء القادم أحدد موقفي ...

ايها الرواد ..استمتعت بماقرأت ... وسأعود ... لأأتطيب من بخور المعاني

تحياتي ..ودمتم بخير

[علي بن عامر]

ترى زند النقاده ياوسيع المعرفه قداح=انا وشلون احلق دون جنحنان ٍ يشيلنّي!!!!!

انا مانيب ادور لي كرامه من كفوف اشحاح=تقدم فاكهه والناس تبغا الهيل والبني

[عقاب]

الله الله استلم




لهبك الموس وأنت بنية التحليق ياسداح= تحسب أنك يابن فرناس طرت وطحت متثني


طمعت بدلة الرسلان وريحة هيلها الفواح= نسيت أنك يابن عامر وانا مثلك نسيت أني





/







/

[علي بن عامر]

انا ماني بنيه وانتبه لاصفقك بالملواح=ولو اني نويتك رحت لقمه في طرف سني

عسى ترويك جمة بيرك اللي دلوها مياح=وانا من فضل رب البيت مستانس ومتهني


لاهنت ياعقاب صح لسانك

[علي بن عامر]

شكرا لكل من مر على هذا الموضوع

وصحت ابدانكم

[عقاب]

ههههههههههههههههه
صلعت ماعاد عليها قشاش ههههههههههههههه


صح الله لسانك يابوعامر صح الله لسانك



وشكرا لكل من مر من هنا



تحياتي

[ضوء]

روعه جدا روعه صح لسانكم والله يعطيكم العافيه
والله استمتعت يالحيل

تحيتي لكم

[عقاب]

ضوء

الله يمتعك بالصحه لاهنتي

شكرا على مرورك

تحياتي

[علي بن عامر]

صحت ابدانكم وشكرا لكل من مر على هذا الموضوع