غابات الضباب

[ميلاد اليماني]

نور الحقيقه قد نزل باسمى كتاب=واهل الحقيقه قد غشاهم كل خوف
والشمس ضاعت بين غابات الضباب=حتى القمر مستعمره ظل الخسوف
ننسى الأصاله بين سلات الغياب=ما عاد منها غير كلمات وحروف
قدامنا كل الثعالب هي ذياب=واحنا لبسنا للذيابه جلد صوف
والله تعبنا كثر وطينا الرقاب=واحنا النجوم الي بها كانت تطوف
كم روس طارت من على قرم(ن) مهاب=واسال عن الجلاد واسألها السيوف
صارت دمانا رخصها رخص التراب=حتى تحنينا بها بين الكفوف
والله تعبنا من ترانيم العتاب=من صف واحد شوف كم صرنا صفوف
اسأل تراب القدس يأتيك الجواب=اسأل ثرى بغداد عنوان الهنوف
اسأل بقايا روح تغرق بالسراب=عن باقي احلام(ن) تدحرجها الرفوف
اسأل عن الموت المحلق كالغراب=افضع من الموته عيون(ن) له تشوف
نعطش وكاس المـُـرّ للمضنى شراب=نهرب وتلقانا المنايا بالحتوف
امست حياتك يا وطن قصة عذاب=قصه بكاها الطفل في بيت الضيوف
حتى الخجل شقوا خماره والحجاب=ماتت غصونه بعد ما عفنا القطوف
تاج المحاسن قد خلعنا والثياب=ثوب الكرامه صار مخلوع الكتوف
نبحر على موج(ن) موانيه الخراب=ونغوص في اعماق الردى باسم الظروف
وش عاد باقي غير معنى الاكتئاب=والياس فينا قد غدا عاشق شغوف
يا قهر نفس(ن) تشتهي ريق السحاب=وياقهر عز(ن) مرّغو فيه الأنوف



بقلم

أخوكم

ميلاد اليماني

[عقاب]

ميلاد اليماني

لقد استمتعت كثيرا بهذا النص الفاخر


تحياتي

[متعب]

ميلاد اليماني


صح ألسانك على القصيده الاكثر من رائعه


لاعدمناك

[سفير المعاني]

الغالي
الشاعر
ميلاد اليماني



الله ان يسعدك ويوفقك بجميع اوقاتك



اسعدني مروري على متصفحك وبطيه هذه



القصيده الاجمل من جميله والرائعه



وصح لسانك وعلا شانك ولاهنت




وتقبل تحياتي