ظافر القحطاني
12-03-2009, 10:38PM
بسم الله
تحية عبقة ، هي قصيدة ارد فيها على المتشائمين بأن الحب باقياً ما دام فينا قلبا ينبض ، ورضاكم أولاً.
الحب باقي..والوفا ما بعد غاب =من حب لو مره..بيعرف كلامي
ما يعرف الأشواق..نذلٍ وكذاب=الحب دنيا..من المعاني عظامي
لو شفت راعي الحب..والله قد ذاب=من زود همه..ساهرٍ ما ينامي
العمر جنه..والمحبه ترى باب=والسعد فالدنيا ..بلحظة سلامي
قالوا زمنا أنتهى فيه الأحباب=والحب ميّت وأندفن بالظلامي
هذي شريعة وقتنا دايم أغراب=حتى المشاعر عندهم فنعدامي
مسكين ياللي عايشْ بغير عرّاب=فيده قراب الما وهو دوم ضامي
حنا انولدنا بحب وبحب شيّاب=جيلٍ عرف قدر المحبه وسامي
فينا عقولٍ عارفه وطبع أعراب=ونغلي حبايبنا بسلم وخصامي
ما نرخص اللي حبنا لوهم أجناب=جيلٍ توارث هالوفا ألف عامي
الحب قبله..والوفا دوم محراب=واحنا دُعاته جيل والله عصامي
خلك مع اللي للوفا دوم طلاب=يسعدك بأفعاله وماهي كلامي
وإن كان ضنك فالعرب أنتهى وخاب=دوّر على قلبٍ يعيش بهيامي
لاجيت ضميانٍ بيرويك برضاب=مثل الشهد طعمه ويبري السقامي
دوّر على اللي للمعاليق نهاب=راعي الخفوق الغض غاية مرامي
صوته يطفي داخلي جمر شبّاب=وضحكه يذوّب مابقى من هيامي
الوقت معها ما أملّه ولو غاب=تضيق بي دنياي كني بزحامي
أنشد عن اللي لابسه من الحلا ثياب=طبعٍ حبيبْ..وفكرها بالتمامي
لاجيت اسولف ضمني بين الاهداب=ولا سلهمت عيني بصدره أنامي
ولا صابني همٍ تسابق ذا الاصحاب=وفي قربها جرحي سريع التئامي
خلت حياتي همها وماهي تهاب=قولٍ تردد من عديمي الذمامي
الوقت ما يكذب ..وفي الناس كذاب=ناسٍ تضيّع عمرها بالملامي
تحية عبقة ، هي قصيدة ارد فيها على المتشائمين بأن الحب باقياً ما دام فينا قلبا ينبض ، ورضاكم أولاً.
الحب باقي..والوفا ما بعد غاب =من حب لو مره..بيعرف كلامي
ما يعرف الأشواق..نذلٍ وكذاب=الحب دنيا..من المعاني عظامي
لو شفت راعي الحب..والله قد ذاب=من زود همه..ساهرٍ ما ينامي
العمر جنه..والمحبه ترى باب=والسعد فالدنيا ..بلحظة سلامي
قالوا زمنا أنتهى فيه الأحباب=والحب ميّت وأندفن بالظلامي
هذي شريعة وقتنا دايم أغراب=حتى المشاعر عندهم فنعدامي
مسكين ياللي عايشْ بغير عرّاب=فيده قراب الما وهو دوم ضامي
حنا انولدنا بحب وبحب شيّاب=جيلٍ عرف قدر المحبه وسامي
فينا عقولٍ عارفه وطبع أعراب=ونغلي حبايبنا بسلم وخصامي
ما نرخص اللي حبنا لوهم أجناب=جيلٍ توارث هالوفا ألف عامي
الحب قبله..والوفا دوم محراب=واحنا دُعاته جيل والله عصامي
خلك مع اللي للوفا دوم طلاب=يسعدك بأفعاله وماهي كلامي
وإن كان ضنك فالعرب أنتهى وخاب=دوّر على قلبٍ يعيش بهيامي
لاجيت ضميانٍ بيرويك برضاب=مثل الشهد طعمه ويبري السقامي
دوّر على اللي للمعاليق نهاب=راعي الخفوق الغض غاية مرامي
صوته يطفي داخلي جمر شبّاب=وضحكه يذوّب مابقى من هيامي
الوقت معها ما أملّه ولو غاب=تضيق بي دنياي كني بزحامي
أنشد عن اللي لابسه من الحلا ثياب=طبعٍ حبيبْ..وفكرها بالتمامي
لاجيت اسولف ضمني بين الاهداب=ولا سلهمت عيني بصدره أنامي
ولا صابني همٍ تسابق ذا الاصحاب=وفي قربها جرحي سريع التئامي
خلت حياتي همها وماهي تهاب=قولٍ تردد من عديمي الذمامي
الوقت ما يكذب ..وفي الناس كذاب=ناسٍ تضيّع عمرها بالملامي