سلطان بن دحيم
11-25-2009, 10:20AM
يا لايمي دامك ما تدري عـن الحـال=وش لون بالله يـا صحيبـي تلومـي
لا صرت ما تدري عن اللي على البال=احفظ لسانك يـا عويـن الهمومـي
ترا المغربـل زاده الوقـت غربـال=يطيح لا وشـك علـى انـه يقومـي
عاش بزمان(ن) فيه تحطيـم الامـال=وقت(ن) وقف ضد الرجال القرومـي
وقت(ن) به الطيـب يقولـون بطـال=وهـاذا زمـان مضيعيـن السلومـي
لكـن انـا طالبـك يـا رب يـا وال=يا واحد (ن) لجلك صلاتي وصومـي
انـك توفقنـي لزينـات الاعـمـال=واغفر ذنوبـي يالغفـور الرحومـي
وفرج هموم(ن) داخل الصدر تجتـال=دايم بوسط الصـدر ليلـي ويومـي
بصدر(ن) به الضيقه من الجال للجال=ماغير في بحـر الهواجيـس اعومـي
واسباب ذا كلـه بـلا شـك وجـدال=من كثر ما عينـي تخيـل الغيومـي
اليـا تعـدا خيـال طالعـة بخـيـال=اخايلـه لوكـان مـنـه محـرومـي
ويمطر على غيري من الوبل همـال=ويسقيه وانا فـي لهيـب السمومـي
وانا المبدابـه علـى كـل الاحـوال=لكنه اصبح حلـم ضمـن الحلومـي
وترا القمر يرجع بعـد مـده هـلال=ومن السماء تبـى تغيـب النجومـي
والحر يبقى ماكـره راس مـا طـال=والبوم يرجع بوم من سـاس بومـي
وانا احمد الله طيـب العـم والخـال=وفي ساعة الشـده قويـه عزومـي
مثل الجمل للحمل لـو زيـاد شيـال=ولا اشكي على من لا يسد اللزومـي
واصبر على ميلات وقتي ليـا مـال=حيث الشدايد فالزمـن مـا تدومـي
اصبـر وربـي للصعيبـات حــلال=مشكاي لا عضيـت راس البهومـي
مشكاي من نـزل تبـارك والانفـال=رب(ن) عليـم بخافيـات العلـومـي
وصلاة ربي عد مـا وادي(ن) سـال=على النبي وعـداد زرق السهومـي
لا صرت ما تدري عن اللي على البال=احفظ لسانك يـا عويـن الهمومـي
ترا المغربـل زاده الوقـت غربـال=يطيح لا وشـك علـى انـه يقومـي
عاش بزمان(ن) فيه تحطيـم الامـال=وقت(ن) وقف ضد الرجال القرومـي
وقت(ن) به الطيـب يقولـون بطـال=وهـاذا زمـان مضيعيـن السلومـي
لكـن انـا طالبـك يـا رب يـا وال=يا واحد (ن) لجلك صلاتي وصومـي
انـك توفقنـي لزينـات الاعـمـال=واغفر ذنوبـي يالغفـور الرحومـي
وفرج هموم(ن) داخل الصدر تجتـال=دايم بوسط الصـدر ليلـي ويومـي
بصدر(ن) به الضيقه من الجال للجال=ماغير في بحـر الهواجيـس اعومـي
واسباب ذا كلـه بـلا شـك وجـدال=من كثر ما عينـي تخيـل الغيومـي
اليـا تعـدا خيـال طالعـة بخـيـال=اخايلـه لوكـان مـنـه محـرومـي
ويمطر على غيري من الوبل همـال=ويسقيه وانا فـي لهيـب السمومـي
وانا المبدابـه علـى كـل الاحـوال=لكنه اصبح حلـم ضمـن الحلومـي
وترا القمر يرجع بعـد مـده هـلال=ومن السماء تبـى تغيـب النجومـي
والحر يبقى ماكـره راس مـا طـال=والبوم يرجع بوم من سـاس بومـي
وانا احمد الله طيـب العـم والخـال=وفي ساعة الشـده قويـه عزومـي
مثل الجمل للحمل لـو زيـاد شيـال=ولا اشكي على من لا يسد اللزومـي
واصبر على ميلات وقتي ليـا مـال=حيث الشدايد فالزمـن مـا تدومـي
اصبـر وربـي للصعيبـات حــلال=مشكاي لا عضيـت راس البهومـي
مشكاي من نـزل تبـارك والانفـال=رب(ن) عليـم بخافيـات العلـومـي
وصلاة ربي عد مـا وادي(ن) سـال=على النبي وعـداد زرق السهومـي