عبدالله المفضلي الشمري
11-07-2009, 10:56PM
نجم السعد ساري على موعد افراح=ينسى به القلب الصغير الطواري
يغيب عن دنيا التعاسه والاتراح=في هودج الفرحه مع الليل ساري
مرتاح لو مافيه بالوقت مرتاح=يمشي على درب الهوان اختياري
يمشي على رمل الجهل مشي الاشباح=ويضحك على ناس ٍ تقص الاثاري
يسكن كهف لصً للارقاب سفاح=وان قلت له هذا الخبر قال داري
يجوز تشبيهه جنازه وجراح=ومن مات في طوعه يسمى انتحاري
طيراً دعوه ولوحوله بملواح=غره مع الصقار ريش الحباري
مايروي الظامي سراباً بصحصاح=حث الذلول ولا وصل له محاري
هاج المحيط وعاند الموج سباح=والسفن طاعت للهبايب اجباري
لاتجهر التجريح صاحبك لماح=استغفرالله له قريناً امباري
ان ما كفى التلميح ما لازم إيضاح=فك الرموز المبهمه عند قاري
ضريبة الشهره سكاكين ورماح=مثل البظاعه بين بايع وشاري
سيف الشماته والمشاريه ذباح=وطعن الكلام الشين مثل الشباري
متاك ياهمي عن القلب تنزاح=عليك ابا اعلن هجمتي وانتصاري
لي بالامل نبراس مسرى ومصباح=سيف الامل يطعن نحور الغداري
لو حاولوا مايجتمع ضحك وصياح=للود وجه وللعداوه مواري
الغيض لو يخفيه بالوجه فضاح=وردي ظنونه بدله بالحذاري
ايام خوف وياصل الخوف الارواح=والخوف قبل الموت موت اعتباري
من جاد حظه وسـّطه سوق الارباح=وقال الغشيم فلان مخه تجاري
مايدري ان الحظ للكنز مفتاح=يستر كثير الناس لوكان عاري
يغيب عن دنيا التعاسه والاتراح=في هودج الفرحه مع الليل ساري
مرتاح لو مافيه بالوقت مرتاح=يمشي على درب الهوان اختياري
يمشي على رمل الجهل مشي الاشباح=ويضحك على ناس ٍ تقص الاثاري
يسكن كهف لصً للارقاب سفاح=وان قلت له هذا الخبر قال داري
يجوز تشبيهه جنازه وجراح=ومن مات في طوعه يسمى انتحاري
طيراً دعوه ولوحوله بملواح=غره مع الصقار ريش الحباري
مايروي الظامي سراباً بصحصاح=حث الذلول ولا وصل له محاري
هاج المحيط وعاند الموج سباح=والسفن طاعت للهبايب اجباري
لاتجهر التجريح صاحبك لماح=استغفرالله له قريناً امباري
ان ما كفى التلميح ما لازم إيضاح=فك الرموز المبهمه عند قاري
ضريبة الشهره سكاكين ورماح=مثل البظاعه بين بايع وشاري
سيف الشماته والمشاريه ذباح=وطعن الكلام الشين مثل الشباري
متاك ياهمي عن القلب تنزاح=عليك ابا اعلن هجمتي وانتصاري
لي بالامل نبراس مسرى ومصباح=سيف الامل يطعن نحور الغداري
لو حاولوا مايجتمع ضحك وصياح=للود وجه وللعداوه مواري
الغيض لو يخفيه بالوجه فضاح=وردي ظنونه بدله بالحذاري
ايام خوف وياصل الخوف الارواح=والخوف قبل الموت موت اعتباري
من جاد حظه وسـّطه سوق الارباح=وقال الغشيم فلان مخه تجاري
مايدري ان الحظ للكنز مفتاح=يستر كثير الناس لوكان عاري