ياحبيب الروح

[عاشق الجزاله]

يا حبيب الروح باح السد باح=مأقدر أخبي عن الناس الصحيح
بحت بأوصافك وأبي منك السماح=كود بوحي يبري القلب الجريح
فارقك ربي على كل الملاح=في جمال الجيد والوجه السميح
بالبياض اللي كما البراق لاح=ناض في مزن(ن)نشا قافيه ريح
وبالعيون اللي كما ضرب الرماح=تتعب فؤاد(ن)معافا مستريح
وبالكلام اللي ألذ من القراح=كن معسوله من الشفه يسيح
هاذي وصوفن كما السم الذحاح=من سبايبها علي جنبي طريح
مبدأ التعذيب فيها مستباح=دايم(ن) لجروح قلبي تستبيح
قلت ابا اوصفك ياسيد الملاح=ولا يصح بوقتنا غير الصحيح
ودامنا نمشي على الدرب المباح=ماعلينا من هل القول القبيح

[متعب]

عاشق الجزاله



صح ألسانك على القصيده الرائعه



ليش ماخذت الكلمه هذي هنا



المليح

راح تكون مترادفه مع الملاح وتكون افضل



فارقك ربي على كـل المـلاح
في جمال الجيد والوجه السميـح

[عقاب]

عاشق الجزاله


صح لسانك على هذه الرائعه


تحياتي

[سالم محسن الفهمي]

عاشق الجزاله

صح لسانك وإعتلا شانك

نص رائع

يعطيك العافيه

[ترياق]

عاشق الجزاله صباح الورد


وبالعيون اللي كما ضرب الرماح
تتعـب فؤاد(ن)معافـا مستريـح

وبالكلام اللي ألـذ مـن القـراح
كن معسوله مـن الشفـه يسيـح

جميل ماصورته لنا من وصف

اسمكـ يدل على ذوقكـ الرفيع ياعاشق الجزاله

اعجبني البيت الختامي ومافيه من نزاهه

ودامنا نمشي على الدرب المباح

ماعلينا من هـل القـول القبيـح


اتمنى لكـ التوفيق وتقبل مروري

ولكـ تحياتي

[عاشق الجزاله]

متعب


صح بدنك

وأشكرك على المرور

ولك تحياتي

[عاشق الجزاله]

اخوي عقاب


لاهنت على المرور

صح بدنك وذوقك هو الرائع


ولك مني تحيه

[عاشق الجزاله]

عالي السند مساء الورد


ومرورك هو ماجمل القصيده


وتحياتي لك ولمشاعرك

[عاشق الجزاله]

اخوي سالم

صح بدنك واشكرك على المرور

وما رائع الا ذوقك

تحياتي

[علي بن عامر]

عاشق الجزله صح لسانك قصيده رائعه وغزل عفيف

تحياتي

[عاشق الجزاله]

علي بن عامر


صح بدنك واشكرك على المرور


تحياتي

[سفير المعاني]

الغالي
الشاعر
عاشق الجزاله

الله انه يسعدك بجميع اوقاتك بكل خير

اسعدني مروري على متصفحك ومصافحة

قصيدتك الجميله والاروع من رائعه

وصح لسانك وعلا شانك ولاهنت



وتقبل تحياتي

[خيّالـهآ]

عاشق الجزاله

صح بوحك ولاهنت
تحياتي..

[عاشق الجزاله]

خيالها

صح بدنك

لاهنت على المرور

ولك مني اجمل تحيه

[ما يهاب]

عاشق الجزاله


انت منبع الجزاله


قصيدة أجبرتني على المشاركة

صح لسانك وعلا شانك ودام بوحك..


لك مني خالص تحياتي

[محمد بن صقيران]

عاشق الجزالة

دمت جزلا كما انت عاشقا للجزالة

قصيدة وافية من وافي

دمت بود

ولك التحية

[عاشق الجزاله]

سفير المعاني

لاهنت على المرور

وصح بدنك

تحياتي

[عاشق الجزاله]

محمد بن صقيران

اشكرك على المرور

وما عليك زود

ولك اطيب تحيه

[أحــــلاكــــم كــــويتيــــه]

قصيده جميله ..

صح لسانك يالكريم

[عاشق الجزاله]

احلاكم كويتيه

مرورك هو ماجمل

القصيده

لك تحياتي

[عاشق الجزاله]

ما يهاب

اشكرك على المرور

وصح بدنك

تحياتي لك

[متذوق الشعر]

ابداع ياشاعر الجزاله

صح لسانك قصيده جميله