علي بن عامر لبيك بكلمة راس

[عقاب]

خلوووووووووهاااااااااااااااا



تقول الناس بن عامر حصاة رزاح ماتنزاح= وانا ادور حصاة رزاح مدري وين مخفيها

غريبه كيف بن عامر يهمل عندي الطياح=امانه والأمانه صار حاميها حراميها

[سلطان بن دحيم]

هههههههههههههه

ايه ايه ياعقاب عليك بالمجرم

وصح لسااااااااانك وبانتظار المدعو بن عامر

متابع

[علي بن عامر]

انا بنشدك من جابك ومن دلك حصاة ارزاح=وهرج الناس واجد والصراحه عند راعيها

يقولون الصبر ياعقاب في بعض الامور اسلاح=على هونك وبكره تزخر الديره بهاليها

[عقاب]

سلطان
منور منور




سبحة بغبت(ن) غير البحور السبع يالسباح= حقيقه والحقيقه ليه مثلك مايدانيها

تبي لك ديرةٍ تاكلبها الرمان والتفاح=تحرى طلعها وانته مهملها ومضميها

[علي بن عامر]

ليا منّك بسطت العلم بالحجه تراي ارتاح=قضيه والقضيه فصلها من عند قاضيها

ليا ماشبت النيره بلاها زندها القداح=ولا شبيت نارك زدتها ماني مطفيها

[وهم أنثى]

هنا عتاب على وجه القصيدة التي
تحكي واقع يعيشه إحساس إنسان
يكمن هنا روح الحرف الجميل
تقديري للقديرين / عقاب / علي بن عامر
وعذري لإقتحامي نافذة تطل على الوجد

[عقاب]

تشيل لداك وسط ارداك وتنكر والعلوم امزاح= ملفك به دليلٍ للجريمه وانت كانيها

عطيتك زندي القداح وكنه من يمينك طاح= تقضب فيه و ناره ما تطفيها مطافيها

[عقاب]

وهم انثى

مرحبابك مرحبابك

منوره

[علي بن عامر]

كلامك ياوسيع العرف طير(ن) ماعليه اجناح=وتسج اخطاك خلف الناس وتفتش مخابيها

انا قلت إلك مره فكني من شغلة المفتاح=ولكنك عصيت ونيتك لازم تصفيها

[علي بن عامر]

المشرفه القديره وهم انثى لاهنتي على المرور الكريم

[حافي نجد]

ماشاءالله

طاروق ساخن

على القوة ومتابعين

[متعب]

صحت ألسنتكم

مبدعين لاعدمناكم

[عقاب]

تحمل مني اللي جاك وخلك عالي الصحصاح=وانا لي حجت(ن) بالمحكمه مانيب مبديها

بنيه جيتني مره وانا مرضى لك المرواح= عسى الله يصلح النيه يومنك جبت طاريها




ابوعامر

صح لسانك صح لسانك


استمتعت معك لاهنت


تحياتي

[عقاب]

حافي نجد

متعب


لاهنتو على الحضور لاهنتو


تحياتي

[سفير المعاني]

الغاليين
الشاعرين
عقاااااااااااب
وعلي بن عامر

بيض الله وجيهكم وانا اسف توي اشوف المحاوره

بس من حضر ما غاب وبوجيهكم اسعد الله يسعدكم

متابع

واصلوا


لاهنتوا


تحياتي للجميع

[علي بن عامر]

صح بدنك ياعقاب وصح لسانك تشرفت بمحاورتك

[علي بن عامر]

حافي نجد ... متعب ... سفير المعاني

صحت ابدانكم ولاهنتو على المرور

[برنسيسة حرب]

محاوره رائعه
اخوي عقاب
أخوي علي بن عامر
صحة الالسن

[عبير]

صح لسانك اخي عقاب وعلي بن عامر على الحوار الرائع