مقبل الفهد
11-01-2009, 02:57PM
اسعد الله جميع اوقاتكم بكل خير
من جديدي بأمل ان تنل ثقة القراءة
ياصاحبي و ان قلت وش فيك شيبت=اقول نكبات الزمن شيبتبي
عاشر سنه و انا من السبت للسبت=اكتب و يمحى كف الايام كتبي
رتبت من حولي وانا ماترتبت=وفيت لاشك الضنون غدرتبي
احسنت ضني بالبشر ماتحزّبت=و الناس في سو النوايا هقتبي
قلبت موازين الحقايق و عوقبت=حتى اقرب الخلان رد و شمتبي
وَجّبت خلاني و لاعاد وُجّبت=الناس ماادري من خطا وش لقتبي
تخيّل اصحابي بعد ماتعذبت=يمر واحدهم و لايلتفتبي
و انا الذي عنهم ضحى الضيق ماغبت=من شانهم رجلي مع الدرب جتبي
ومن شانهم عن رغبة النفس جنّبت=احسبني القاهم ليا وقفتبي
اثريني اسقي صبخنٍ مابها نبت=عرفتها يوم الهبوب عصفتبي
آسف صديقي خاب ضنك و انا خبت=يالصبر سامحني همومي غدتبي
اليوم غصب اوادعك لو تغرّبت=المعذره كل الدروب انتهتبي
كبّرت عقلي و استحيت و تأدبت=حتى سكاكين الشماته سطتبي
و اليوم مافيني على الصمت و الكبت=قررت ابوح بعلةٍ شيبتبي
من جديدي بأمل ان تنل ثقة القراءة
ياصاحبي و ان قلت وش فيك شيبت=اقول نكبات الزمن شيبتبي
عاشر سنه و انا من السبت للسبت=اكتب و يمحى كف الايام كتبي
رتبت من حولي وانا ماترتبت=وفيت لاشك الضنون غدرتبي
احسنت ضني بالبشر ماتحزّبت=و الناس في سو النوايا هقتبي
قلبت موازين الحقايق و عوقبت=حتى اقرب الخلان رد و شمتبي
وَجّبت خلاني و لاعاد وُجّبت=الناس ماادري من خطا وش لقتبي
تخيّل اصحابي بعد ماتعذبت=يمر واحدهم و لايلتفتبي
و انا الذي عنهم ضحى الضيق ماغبت=من شانهم رجلي مع الدرب جتبي
ومن شانهم عن رغبة النفس جنّبت=احسبني القاهم ليا وقفتبي
اثريني اسقي صبخنٍ مابها نبت=عرفتها يوم الهبوب عصفتبي
آسف صديقي خاب ضنك و انا خبت=يالصبر سامحني همومي غدتبي
اليوم غصب اوادعك لو تغرّبت=المعذره كل الدروب انتهتبي
كبّرت عقلي و استحيت و تأدبت=حتى سكاكين الشماته سطتبي
و اليوم مافيني على الصمت و الكبت=قررت ابوح بعلةٍ شيبتبي