(( عتبان وان نادى المنادي نجيبه ))

[هواجس]

السلام عليكم ورحمة الله وبركاته
هذه القصيدة مجاراة لقصيدة أختي وصديقتي
الشاعرة العطاوية
(( أبوي علمني أروم الطليعة ))
وأقولها أبقي كما أنتي نايفة دوماً كما عهدتك


يفدا حروفك يالهنوف المطيعه=من طق شعرك ياعسى الله يصيبه
يابنت ياللي للكرامة منيعه=يانسل قومٍ في المواقف مهيبه
عز وفخر يوم المواقف شنيعه=عتبان وان نادى المنادي نجيبه
نورك سطع مثل النجوم السطيعه=واللي يعذرب فيك واشق جيبه
وأنا معك وأفخر بشورك وأطيعه=واقف على جنبك بعزٍ وطيبه
لا تسمعين هروج ناسٍ وضيعه=ناسٍ مكاسبها نفاقٍ وخيبه
اللي يشيل الهرج مايستطيعه=مثل الذي ينبح بوسط الزريبه
لامنه شر ولا حصل به نفيعه=وهرجه تودي به وهرجه تجيبه
فعل الردى يااهل الردى مانطيعه=والطيب يبقى والمنايا قريبه
وختامها جاتك حروفٍ وديعه=أمانةٍ عندك ولا هي طليبه




هواجـس

[وليد البراهيم]

كفو كفو كفو ونعم فيك اختي هواجس وفي الاخت العطاوية تستاهل
ونعم بعتيبه وكل القبايل
صح لسانك قصيدة جزلة ورائعة كروعة حضورك

[متعب]

هواجس


صح ألسانك مجاراه رائعه لشاعرتنا المبدعه العطاويه


لاعدمناك

دمتي بخير

[شموخ نجد]

وعليكم السلام ورحمة الله وبركاته

الغاليه هواجس صح لسانك وعلى شانك
ونعم فيكم انتي والغاليه العطاويه
ماشاءالله عليك قصيدة مجاره شامخه بما تحوي
لاهنتي
وبنتظار جديدك بشوق
حفظك المولى

[ترياق]

هواجس . والله والنعم فيك وفي قبيلتك وكذلك الاخت العطاوية

مجاراه رائعه جدا استمتعت بقرائتها فعلا

سلمت اناملك وسلم بوحك

ولكـي تحياتي

[سفير المعاني]

الغالي
الشاعره
هواجس

الله انه يسعدك بجميع اوقاتك بكل خير

اسعدني مروري ومصافحة قصيدتك

وكفو بك وبالعطاويه وقبيلة عتيبه

وصح لسانك وعلا شانك بالمجارات




وتقبلي تحياتي

[الحياةكلمه]

صح لسانك
راااائعه جداااا
حفظك المولى
تحيتي لكي

[لورنس]

صح لسانك



راااائعه جداااا

[ابراهيم اليحيا بن مريح]

صح السانك لاهنت

[العتيبي]

صح لسانك حتى ترضين
لاهنتي

[حورية]

شاعرتنا هواجس

صح لسانك وكفو بك وبالعطاويه وقبيلة عتيبة

[فــرج الدهمشى]

العطاويه

زيل الجبال ولا تزيـل الطبيعـه = وطبعي يشوم بعزتي وأنتخيبـه
أبـوي علمنـي أروم الطليعـه=وأنا على علمه وربعـي عتيبـه
الطيب ساسي والمكانه رفيعـه=وحنا عتيبه والمناسب عريبـه
حنا هْل الفزعات ماهي شفيعـه=وحنا لنا بالمجد والصيـت هيبـه
أهل المبادي والصدور الوسيعه=حوم الوغا ربعي عتيبه صعيبـه
صغيرنا بالطيب يْولِـد رضيعـه= وكبيرنا له حكمـةٍ تعتلـي بـه
على المعزه مارضينا الهزيعـه=وعلى المهونه ماقبلنـا الغليبـه
من حقي أفخر بالعلوم الوقيعـه=والشعر هاجس بالفخر فاح طيبه
ماتدري أني بنت حرن تطيعه ؟=ربعً ليا قاموا ؟ تقوم المصيبـه
من داس لي طرفٍ يامال القطيعه=ومن قال بي عذروب يقطع نصيبه
وأنا لي الله مارجيت التبيعه = راع الردى والكذب ربي حسيبه
هذا جوابي فوق رأس الرفيعـه=اللي على وضح النقا يقتديبه
وزيل الجبال ولا تزيل الطبيعه =وكلن على ساسه ينوّمس قريبه



هواجس






يفدا حروفك يالهنوف المطيعه=من طق شعرك ياعسى الله يصيبه
يابنت ياللي للكرامة منيعه=يانسل قومٍ في المواقف مهيبه
عز وفخر يوم المواقف شنيعه=عتبان وان نادى المنادي نجيبه
نورك سطع مثل النجوم السطيعه=واللي يعذرب فيك واشق جيبه
وأنا معك وأفخر بشورك وأطيعه=واقف على جنبك بعزٍ وطيبه
لا تسمعين هروج ناسٍ وضيعه=ناسٍ مكاسبها نفاقٍ وخيبه
اللي يشيل الهرج مايستطيعه=مثل الذي ينبح بوسط الزريبه
لامنه شر ولا حصل به نفيعه=وهرجه تودي به وهرجه تجيبه
فعل الردى يااهل الردى مانطيعه=والطيب يبقى والمنايا قريبه
وختامها جاتك حروفٍ وديعه=أمانةٍ عندك ولا هي طليبه





صـــــــــــــــح لسانكم صوت وصدى أجمل من رائع وجميل وأقسم

دام نزفك وبأنتظار ما يفيض

[سالم محسن الفهمي]

كفو كفو ونعم بك وبربعك عتيبه زبن الدخيله

مجاراه رائعه وقصيده جزله

تقبل مرور اخوك وإعجابه

[نحن هنا]

وأنا معك وأفخر بشورك وأطيعه
واقف على جنبك بعـزٍ وطيبـه


كفو كفو ..
أي والله كفو بالأخت اللي توقف مع أختها .





لا تسمعين هروج ناسٍ وضيعـه
ناسٍ مكاسبهـا نفـاقٍ وخيبـه

نفاق وخيبه وشحاذه وقلة حيا يادافع البلا !!
الناس وانا اخوك ماعاد تستحي !


يعطيك العافيه

[برنسيسة حرب]

صح لسانك ملايين ولايسدن

والنعم بالهيلا مجاراه رائعه بالفعل ورآقت لي كثيرا

[عبدالكريم الضبيب]

صح لسانك ولسان الغاليه العطاويه

ماشاء الله تبارك الله .

مجاراه رائعه جداً ..

راقت لي كثيراً وأستمتعت بقرائتها لأكثر من مره .

تقولين :

لامنه شر ولا حصل بـه نفيعـه
وهرجه تودي به وهرجه تجيبـه

البيت هذا بالصميم ..
صح لسانك والله يعطيك العافيه

تقديري لشخصك الكريم .