طابت لي اذكارك

[عقاب]

/













/

















/





















يا زين قلبي راح مني يباريك = واصبح مقره بين الاضلاع خالي
بالحلم يا سيد العذارى يناجيك= وبالعلم له وسط الضمير اجتوالي
طابت لي اذكارك وطابت مواريك = وطابت عمامك يوم طاب الخوالي
ارضيتني وبعالم الحب ابارضيك = انت الحبيب إلى بديت وبدالي
لعل رب صورك لي يخليك = تشفي فوادي ما بقن الليالي
انا على خافي ضميري مواليك = في منزل ما يسكنه كود غالي
عينك تراعيني وعيني تراعيك= اشفق من الصايم لشوف الهلالي
نصبح مصابيحك ونمسي مماسيك = ونا ورا ظننك بعيد المدالي
انا الى ضاعت جهود الشبابيك =ارهي على صيد الوحش باحتيالي
يا شبه وضحي زينو فوقها ديك = تموج للطياح روس المفالي






هذه القصيده من احد المصادر الموثوقه