عقاب
10-30-2009, 08:54PM
/
/
/
قلب صفق من بين محني الأضلاع = وعين تهل دموعها من ولعها
بغيت اعذل القلب لا شك ما طاع = ان خايلت عيني خيال تبعها
قلب لها في كل الاحوال مطواع =يمشي مماشيها ويتبع سنعها
ترميه ببحور طويلات ووساع = مجنون ليلى خاضها ما قطعها
ما للقدم والقلب والعين رداع = هامن غباب نوح الأول ذرعها
منهن بليت بجادل توجع أوجاع = بسود تعالى شان رب صنعها
سود نظرهن يودع القلب ينلاع = ومما عمل هاروت سحر نشعها
لوجا نظرهن فوق صم الصفا ماع = ولو طرفهن شاهد لرضوى صدعها
الجادل اللي ذكرها بالملا شاع = ومنها جميع هموم قلبي نزعها
وأن ضرني بالحب ماهوب قطاع = وليا طلبته حاجة ما منعها
ولاني على ما يجرح العرض طماع= ونفسي عن الهسه شرفها ردعها
اللي مشى لك شبرقم وامش له باع = ونفس الرخيص بسومة الرخص بعها
الزين من دونه رواصيد وسباع = لا هايب منها ولا اخشى فزعها
انا بعون الله على الكود بتاع = واطلع جبال ترهق اللي طلعها
ان غاب عني كل عقلي معه ضاع = ودنياي عقبه عفت باقي طمعها
لا شاري فيها ولا نيب بياع = وعجزت تسعني ربعة من ربعها
وان هب لي من يمة الشوق ذعذاع = الروح من بين الضماير شلعها
هذه القصيده من احد المصادر الموثوقه
/
/
قلب صفق من بين محني الأضلاع = وعين تهل دموعها من ولعها
بغيت اعذل القلب لا شك ما طاع = ان خايلت عيني خيال تبعها
قلب لها في كل الاحوال مطواع =يمشي مماشيها ويتبع سنعها
ترميه ببحور طويلات ووساع = مجنون ليلى خاضها ما قطعها
ما للقدم والقلب والعين رداع = هامن غباب نوح الأول ذرعها
منهن بليت بجادل توجع أوجاع = بسود تعالى شان رب صنعها
سود نظرهن يودع القلب ينلاع = ومما عمل هاروت سحر نشعها
لوجا نظرهن فوق صم الصفا ماع = ولو طرفهن شاهد لرضوى صدعها
الجادل اللي ذكرها بالملا شاع = ومنها جميع هموم قلبي نزعها
وأن ضرني بالحب ماهوب قطاع = وليا طلبته حاجة ما منعها
ولاني على ما يجرح العرض طماع= ونفسي عن الهسه شرفها ردعها
اللي مشى لك شبرقم وامش له باع = ونفس الرخيص بسومة الرخص بعها
الزين من دونه رواصيد وسباع = لا هايب منها ولا اخشى فزعها
انا بعون الله على الكود بتاع = واطلع جبال ترهق اللي طلعها
ان غاب عني كل عقلي معه ضاع = ودنياي عقبه عفت باقي طمعها
لا شاري فيها ولا نيب بياع = وعجزت تسعني ربعة من ربعها
وان هب لي من يمة الشوق ذعذاع = الروح من بين الضماير شلعها
هذه القصيده من احد المصادر الموثوقه