باريسي
10-19-2009, 12:27PM
هذه القصيدة لسمو الأمير سعود بن بندر آل سعود رحمه الله
قالها في والدته قبل وفاته:
ياليتني بينك وبين المضره
من غزة الشوك إلى سكرة الموت
أو ليت شاورني القدر بس مره
ولبى مطالب رغبتي قبل ما أموت
أو ليتني لجرة مواطيك جره
أحمي قدم رجلك مثل جزمة البوت
أو ليت بيديني السعد والمسره
وأحكم عليها عنك ما لحظه تفوت
يفداك عمر منك يشعر بعمره
انتي الحياة لنفسي وردة الصوت
وهذه مرثية سمو الأميرة البندري بنت عبدالعزيز الله يرحمها فيه:
إن جيت للبيت قام الفكر يلعب بي
وإن رحت للخرج صاب القلب ولوالي
ماعاد أميّز وأعرف الجد واللعبي
غديت مثل الخلوج أمشي على فالي
ياسعود هذي تدابير الولي ربي
والعبد ماله عن اللي دبر الوالي
جرحي على سعود ماينفع به الطبي
وشلون أبسلى وهو دايم على بالي
أحس صوته يناديني وأنا البي
يقول يمه نسيتي شبلك الغالي
وشلون أبنساك وانته ساكن قلبي
إنته حبيبي وزولك دايم قبالي
وقالت في قصيدة أخرى:
من يلوم العين لو هلت دموع
ومن يلوم القلب لو صفق وصاح
لي حبيب راح ماطرى الرجوع
ليتني ودعت زوله يوم راح
اه من قلب كفخ بين الضلوع
مثل كفخ الطير مكسور الجناح
ليتني وسط الخلا وأعطش واجوع
ولاسمعت اللي نعى هاك الصباح
ساهره ياسعود والعالم هجوع
ليت من هو مات قبلك واستراح
الله يرحمهم جميع ويرحمنا وياهم برحمته
تحياتي
باريسي
قالها في والدته قبل وفاته:
ياليتني بينك وبين المضره
من غزة الشوك إلى سكرة الموت
أو ليت شاورني القدر بس مره
ولبى مطالب رغبتي قبل ما أموت
أو ليتني لجرة مواطيك جره
أحمي قدم رجلك مثل جزمة البوت
أو ليت بيديني السعد والمسره
وأحكم عليها عنك ما لحظه تفوت
يفداك عمر منك يشعر بعمره
انتي الحياة لنفسي وردة الصوت
وهذه مرثية سمو الأميرة البندري بنت عبدالعزيز الله يرحمها فيه:
إن جيت للبيت قام الفكر يلعب بي
وإن رحت للخرج صاب القلب ولوالي
ماعاد أميّز وأعرف الجد واللعبي
غديت مثل الخلوج أمشي على فالي
ياسعود هذي تدابير الولي ربي
والعبد ماله عن اللي دبر الوالي
جرحي على سعود ماينفع به الطبي
وشلون أبسلى وهو دايم على بالي
أحس صوته يناديني وأنا البي
يقول يمه نسيتي شبلك الغالي
وشلون أبنساك وانته ساكن قلبي
إنته حبيبي وزولك دايم قبالي
وقالت في قصيدة أخرى:
من يلوم العين لو هلت دموع
ومن يلوم القلب لو صفق وصاح
لي حبيب راح ماطرى الرجوع
ليتني ودعت زوله يوم راح
اه من قلب كفخ بين الضلوع
مثل كفخ الطير مكسور الجناح
ليتني وسط الخلا وأعطش واجوع
ولاسمعت اللي نعى هاك الصباح
ساهره ياسعود والعالم هجوع
ليت من هو مات قبلك واستراح
الله يرحمهم جميع ويرحمنا وياهم برحمته
تحياتي
باريسي