الفلاحي
10-15-2009, 09:12AM
( يانجم ) ضيك يهتدي فيه منجوم= وأنا شموخي يعتلي في سنامه
لي بالوفا مبدى ومنهج ومفهوم = وعرق الوفا ساسه عروش الزعامه
ياصاحبي عن الردي نفسي تشوم = أشوم وأرقى بالفخر كل هامه
عن الغدر والكذب محشوم .. محشوم = صيتي مابين الناس عالي مقامه
ماجيت أعاتب وأتبع اللوم باللوم= جيتك على عهد الوفا والشهامه
هذا أنا مبداي مايقبل السوم = ماهمني حقد الحسود وكلامه
كأنك على فرقاي ضايق ومهموم = أنا على الفرقا .. بخير وسلامه
عشنا الاماني نرتجي كل مقسوم = بس القدر وشّم على الخد شامه
مانرخص الوافين ولا نتبع رخوم = هاذي عوايدنا ليوم القيامه
لو جارت الايام يومً ورى يوم = مانتبع المقفين وأهل الملامه
يوم الفرح في قبضة الحزن محكوم = تاريخنا شمسه تِعـّري ظلامه
لنا المبادي ساس .. عادات وسلوم = نموت لكن ؟ ماتموت الكرامه
.
.
.
.
لي بالوفا مبدى ومنهج ومفهوم = وعرق الوفا ساسه عروش الزعامه
ياصاحبي عن الردي نفسي تشوم = أشوم وأرقى بالفخر كل هامه
عن الغدر والكذب محشوم .. محشوم = صيتي مابين الناس عالي مقامه
ماجيت أعاتب وأتبع اللوم باللوم= جيتك على عهد الوفا والشهامه
هذا أنا مبداي مايقبل السوم = ماهمني حقد الحسود وكلامه
كأنك على فرقاي ضايق ومهموم = أنا على الفرقا .. بخير وسلامه
عشنا الاماني نرتجي كل مقسوم = بس القدر وشّم على الخد شامه
مانرخص الوافين ولا نتبع رخوم = هاذي عوايدنا ليوم القيامه
لو جارت الايام يومً ورى يوم = مانتبع المقفين وأهل الملامه
يوم الفرح في قبضة الحزن محكوم = تاريخنا شمسه تِعـّري ظلامه
لنا المبادي ساس .. عادات وسلوم = نموت لكن ؟ ماتموت الكرامه
.
.
.
.