غنيت ماقصدي طرب في حياتي

[عقاب]

/
















/















/



























غنيت ماقصدى طرب فى حياتي=لاشك من دورات الأيام غنيت
وجاوبت ورقا الراعبى عن سكاتى=غنَا وناغنَيت مثله وونيت
نشدتنى عن حالتى ياشفاتى=ونا مريض القلب لوانى اخفيت
اضحك وونات الحشا موجعاتى=واشرب قراح وكن شربى من الزيت
وبالعين ياخالد نشوف الجناتى=ياعز راسي شفت الاجرام وغضيت
واغيب كنى محرم بالصلاتى=لوهو ندهنى رافع الصوت مااوحيت
محدٍ يعرف جروحى الخافياتى=وإلى نشدنى واحدٍ عنه صديت
اصد وبغض ناقلين الوشاتى =وناجي اللى مالغيره ترجيت
مااظن به حي يسوى سواتى=وحيد بالدنيا وصارع عفاريت
وذكرت دور ايامنا الماضياتى=والحقت مع عبرات صدرى تناهيت
ياكثر ماشفنا من العايباتى=وإلى زعلت من الخطا قالو اخطيت
وطاحت عن الكتفين فجة عباتى=وحلقت بالافكار ثم استلجيت
وفكرت فى شى جرى لى وفاتي=حيفٍ يفتت بسرة القلب تفتيت
من جور هوله زلزل الراسياتى=يميت حيٍ وباللحد يزعل الميت
ويشيب طفل ويذهل المرضعاتى=ينسن رضيع الديد صرعآ مباهيت
ونا برجوا مجرى الكايناتى=وكبرت باسماه العزيزه ولبيت
اللى عصم يوسف عن الخايناتى=ورده على يعقوب عقب التفاخيت
كل يقول انه بفعله زناتى=والفعل راحو به هل المجد والصيت
ماريد دار الذل دار العصاتى=دار الخنا والغدر منها استمليت
متى عليها نسمع النايحاتى=ودار الثنا والجود فيها زغاريت
يالله يللى تعلم الخافياتى=انك تمشيها على ماتمنيت








هذه القصيده من أحد المصادر الموثوقه