الأستفسارات الادبيه

[متعب]

السلام عليكم ورحمة الله وبركاته



أخواني وأخواتي الاعزاء


أعضاء شبكة رهب الادبيه



هذا الموضوع خاص بالإستفسارات الادبيه ويمكن الكثير لم يفهم الإستفسارات الأدبيه

مثال: أنا أحفظ بيت أو قصيده ولا أعرف صاحبها أضعها هنا وسوف يأتي من يخبرك بقائلها

أرجو أن تكون الصوره قد أتضحة لكم


شاكر ومقدر

راحتكم وفأئدتكم

تهمنا

[مقــدام]

السلام عليكم

هل احد منكم يعرف مناسبة هذه القصيده للشاعر المرحوم سعود بن بندر والتي وجهها للأمير سلمان اثناء اقامته في مصر ...!!!

وهل اقامته في مصر رحمه الله كانت جبريه ونتيجة خلاف مع احد افراد الاسره الحاكمه ام انها عن رغبه ....

اترككم مع القصيده ::.. والتي استوقفتني كثيرا


لا جيت لك والضيق من حولي يضيق
وفي كل يوم تزيد ضجة همومي
ولا ني بغيب وقصدي أسج وأفيق
لاشك أبيها كاملات علومي
واساير ظروفك وانا ادري ولا أطيق
ازيد فوق هموم غيري همومي
لاشك زاد الحمل شمت المخاليق
ولولا الرجا بك ما حدتني عزومي
وحملي تعدى طويق يا راعي طويق
ولولاك والله كان نومي هزومي
أرجيك رجوى البدو للوسم والنيق
وأشد فوق هزال زملي حلومي
وأنصاك صايم وانتظر فكة الريق
عندك وأنا عندي لنفسي سلومي
عطني معك وقت على بالك يليق
وخذ مني أخباري ورأيي ولومي
وفيني مثل غيري خطايا وتوفيق
لاشك ما عمري خطيت النجومي

[مقــدام]

والله ردي غايص ماحد يدري عنه

ليتكم مانقلتوه عشان الكل يقراه

[متعب]

اخوي فهد


انت وحظك ونصيبك وهذا هو القسم المخصص لها

وانشاء الله بيجيك من يعرف القصه

[شموخ نجد]

السلام عليكم

هل احد منكم يعرف مناسبة هذه القصيده للشاعر المرحوم سعود بن بندر والتي وجهها للأمير سلمان اثناء اقامته في مصر ...!!!

وهل اقامته في مصر رحمه الله كانت جبريه ونتيجة خلاف مع احد افراد الاسره الحاكمه ام انها عن رغبه ....

اترككم مع القصيده ::.. والتي استوقفتني كثيرا


لا جيت لك والضيق من حولي يضيق
وفي كل يوم تزيد ضجة همومي
ولا ني بغيب وقصدي أسج وأفيق
لاشك أبيها كاملات علومي
واساير ظروفك وانا ادري ولا أطيق
ازيد فوق هموم غيري همومي
لاشك زاد الحمل شمت المخاليق
ولولا الرجا بك ما حدتني عزومي
وحملي تعدى طويق يا راعي طويق
ولولاك والله كان نومي هزومي
أرجيك رجوى البدو للوسم والنيق
وأشد فوق هزال زملي حلومي
وأنصاك صايم وانتظر فكة الريق
عندك وأنا عندي لنفسي سلومي
عطني معك وقت على بالك يليق
وخذ مني أخباري ورأيي ولومي
وفيني مثل غيري خطايا وتوفيق
لاشك ما عمري خطيت النجومي




الاخ الكريم
مقدام جبت لك الرد ومن مصدرموثوق
الاميرسعود الله يرحمه ماكان عايش في مصر يروحلها بس عشان الصيد والقصيدة كتبها للأمير سلمان لحبه له ،كان دايم يروح له في الأماره وعمر سعود ما سكن الا في الرياض وبالعكس كل خواله كانوا يحبونه وعمره ما اقام في مكان جبري وعشقه الاول والاخير الرياض وكان رضي مع كل الناس ومحبوب وعمره ما زعل أحد ولا أحد زعل منه الله يرحمه بس الناس تحب تألف.

تحياتي لك ودمت بخير