لـعــبـة صـداقـه .. ؟!

[منصور الرويلي]

ياسامع اللي بجوف الحوت = علاّم الاسرار سبحانه
صوتك يسابق فوات الفوت = تفرج لمن زادت أحزانه
لـعــبــة صــداقـــه كـــمـــا الــبــالــوت = عـــلـــى الــــــورق تــســحــر ألوانه
أحـــيـــان لــعــبــي يـــجـــي كـــبـــوت = وأتـــعـــمــــد أخـــــســـــر عــلــشـــانـــه
لـعــبــي كـــــذا والــبــيــوت .. بـــيـــوت = وبـــيـــوت شـــعـــري لـــهــــا خـــانــــه
يـاهـيـه وأن كــــان صـمـتــك صــــوت = صــوتـــي تــــــرى تـــعـــرف ألــحــانــه
صــوتــي أتـعّـرفــه ولــــو إتــمــوت = مــاتــعـــرف الــســـحـــر بــــأوزانــــه
جزل المعاني سحر هاروت = وأجمل من الورد باغصانه
من جرح وسط الحشا منحوت = ينزف من اعماق شريانه
ياهيه ماهي بلبس أبشوت = مادام للشعر شيطانه
كــــم وافــــيً موقفه مثبوت = وأعــــيـــــش بـــأعـــمـــاق وجــــدانـــــه
وكم أخت يغري غنجها قوت = وأشوم عنها علشانه
وكم ليل فيه المسا عكروت = عزيت لؤله ومرجانه
يـاهـيـه خـذهــا صـريـحـة صـــوت = مــــــن أبـــــــدويٍ عـــلــــى حصانه
تــــرى الـحـصــن لاصـهـلــت للــمــوت = مــــاتـــــاســـــع الأرض مـــــيـــــدانـــــه
أطــلــقــت مـــاكـــان بــــــي مــكــبـــوت = وكــــسّـــــرت بـــالـــصـــدر بـيـــبـانــه
أضــحــك وأنــــا فــــي لــذيــذ الــمـــوت = والــــصـــــدر مـــــاثـــــأر بـــركـــانــــه
لكن .. أبجاه الذي مايموت = لا تبيع وجهك على شأنه




.
.
.
.
.
.
.

[سفير المعاني]

الغالي
الشاعر
منصور الرويلي

الله يسعدك بجميع اوقاتك

اسعدني ان اكون اول المصافحين لهذه

القصيده القويه بمضمونها ومعانيها مبدع

صح لسانك وعلا شانك ولاهنت



وتقبل تحياتي

[منصور الرويلي]

ســـيــف الـفـجــر
.
يامترفات الحقايق وين وجه المسار = مـدام يفـرض علينا غصب حتى الشعـر
دام وجه الحقيقه بالهجير أستجار = بين رمضى النفود وبين حر الجمر
والمعالم تعـــّرت دون أدنى خيار = يوم طاح القناع ومــْـل منه الصبر
لا تطعن الليل ياسيف الفجر بالنهار = حيل أعشق الليل تكفى ياسريع الفجر
للحين .. للحين .. ماضميت باقي السمار = ولا تعبثت في قصة بداية هجر
قلت أكتب البوح من نسج الشقا بعتبار = أن الذى كان حـِْــدته السنين الفِجـْر
ياغربة الوقت : يالهفة حنين الديار = غنيت لي جرح مايقبل حصار الحجر
لا تنشد الريف عــّــنا والجفاف أستخار = مايعرف الاجر من يرجي سريع الآجر
الخــَيار .. الـخـَيار .. ولا بقالي خـّيار = وش بقى من جذور آخر حقيقة شجر ؟
كبرو أصغار العقول وظلم صغرو أكبار = والصغــْـيـّر على الشايب سمعته زجر
والشبه مايقارب للشبه وأستدار = مرسوم : لكن على سجع الغنا والظجر
بين المدى والمسافه ولعنة الانتظار = حبل الايام لا زايد ولا هـو يجـر
آبوي شاعر وأنا ولد حيل بار = ماواحداً مــنــّنــا في عز نفسه تجر
أعــذرني أن جيت وشعوري معي بأختصار = الهم لازاد بصدور الرجال أنفجر
الرمز آخر حدودي ويتمخطر وقار = أتخــيّــل .. أن كل مأبي حسرتين وفجر


.
.
.
.

[عقاب]

منصور الرويلي

لاتعليق بحضور الشعر


صح لسانك صح لسانك


تحياتي

[الفلاحي]

صح الساااانك ياالرويلي

ولاهنت

[متعب]

منصور الرويلي


صح ألشانك يامبدع

لاعدمناك

تحياتي

[منصور الرويلي]

عقاب

تسلم ويسلم رأسك

لك تقديري

[منصور الرويلي]

الفلاحي
،
هلا وغلا
،
حضور أضاء متصفحي وعطر قصيدتي
،
تحياتي لك

[منصور الرويلي]

متعب
,
حـضـورك وجمال أطـرائـك
,
ماهـو إلا شـرف أعــتـز بـه
,
شـكــراً لـك مـن الــقـــلــب

[خيّالـهآ]

منصور الرويلي

صح بوحك ولاهنت
تحياتي..

[منصور الرويلي]

الشعـر ماهـو لا مسلسـل ولا فـلـم=نبـع الشعـور بـصـدق بــوح وذرابــه
المعنى خال القاف والحـرف لـه عـم=والــوزن لـــه مـــع الـثـلاثـه قـرابــه
والجرح سّيد وأن حضر قيل له سـم=مــــدري قــرابــة دم والا نـســابــه
والشاعـر اللـي بينهـن صــار ملُـهـم=يصـدح علـى سجـع الغـنـا والربـابـه
نـوبً فصيـح لسـان وأحـيـان مبـهـم=وأحـيـان مابـيـن الـطــرب والعـتـابـه
الشعـر نـوض بـروق وأحيـان مجهـم=وأحـيـان مايـعـرف حـــدود الـغـرابـه
أحيـان يفـرج هـم وأحيـان هــو هــم=وأحـيــان جـامــع لـلـفـرح والـكـآبــه
كم يسمع الشاعر صدى قول تسلم=وكـم يعجبـه لــون الــورق والكتـابـه
وأن جيـت أعّـدد كـم ؟ ياكثرهـا كــم=بـس الصحـيـح الشـعـر زاد الغـلابـه



.

.