تسجيل الدخول

مشاهدة النسخة كاملة : الرياض على كبرها ضاقت ... وين تروح اذا ضاقت فيك الرياض

مقــدام
10-02-2009, 09:40PM
اذا ضاقت فيك الرياض على كبرها

وين تروح ؟؟!!

وش المكان اللي ترتاح فيه اذا حسيت ان الرياض على كبرها ضايقه فيك
والوسيعه كلها ضاقت ...!!

انا اذا ضاقت بالرياض اروح لوادي حنيفه غرب الرياض في عرقه واتمشى بشعيب صفار .

والا اروح لمكتبة جرير فرع العليا بالطابق الثاني واتصفح بكتب لشعر


وانتم وين تروحون حتى اللي من خارج الرياض اذا زرتوها ايش اكثر مكان ترتاحون فيه !!

ودمتي بخير يارياض

كم انتي قاسية
الواضح
10-02-2009, 11:18PM
اذا كنت في الرياض بعد الضيافة

اتنفس في مكتبة العبيكان ثم مكتبة بن رشد ثم اطراف الرياض ليلا ثم اصبح في الطائف

وامكث فيها ايام ثم اعتمر وارجع لأخذ جولة في شقره واشيقر والزلفي .......... اتخفى

ولااتصل في احد الا بعد خروجي بساعات من المنطقة حتى لااتقيد بالرسميات وكرم الضيافة

لانها تحرق متعة التجول ..

اشكرك اخي العزيز مقدام على هذا الموضوع
مقــدام
10-07-2009, 11:48PM
الواضح مشواااار جميل
استمعتنا معك فيه

وعسى دربك اخضر

اسفرت بوجودك
مقــدام
10-08-2009, 11:52AM
لانها تحرق متعة التجول ..



اعجبتني الجمله هذي
الواضح
10-08-2009, 01:25PM
الحمد لله انها اعجبتك

لان المشكلة في تلبية العزائم وكرم الضيافة يحيطها الرسمية والتكلف واشغال المشغول خاصة في هذي الايام

الناس مشغولة جدااا بسبب ظروف الحياة اللتي لاتنتهي طول اليوم والاسبوع والشهر والسنة

ثاني شيئ الوقت قصير ... عندما تلبي الدعوات لابد تتحمل السلسلة اللتي لاتنتهي ... من قبل الاحباب

والاهل ... بالأخير ينتهي بك الوقت وأنت بين الغرف والجدران ... لم تتمتع بالسفرة والتجول والمغامرة

شكرا يالغالي المقدام
مقــدام
10-08-2009, 01:28PM
طيب بقول شي بس ماتزعل ؟؟






ليش كلامك نصه عامي ونصه فصيح !!!

ههههههههه
الواضح
10-08-2009, 01:55PM
وليش ازعل بالعكس مستمتع معك جدااااا

مشكلتي انا اقول لك اياها ..... لهجتي كويتية قديمة جدااا .... وسببت لي مشاكل خاصة

في المدارس .......... لما كنت طالب محد من المدرسين من اخوانا العرب يفهمني ابداااا

صدق صرت ضحية .. تولوني بنقص الدرجات ... والشي الأخر في السفرات والإجتماعات

الرسمية ... وقعت بالحرج ... قلت خلاص لابد أن اضع حد ... فأخذت اللهجة الكويتية

ثم لويت الفصحى فيها ... فطلعت بلهجة لاهي فصحى ولاهي عامية لهجة مهجنة خاصة

فيني .. شفتها تمشي معي في كل الظروف ........ بس بكل امانة لهجتي كويتية قديمة

اتكلم فيها مع اهلي وجماعتي ... تدري عاد حتى اولاد اليوم لايعرفونها ...

مثال :

البطانية نسميها ( كنبل )

والمعلقة نسميها ( خاشوكه )

والنجر نسميه ( دين هاون )
هذي بعض المفردات وين تبي الناس تفهمنا