{ لــو جـار وقـتـك عـليـك }

[مهدي بن مسفر الحبابي]

للتواصل مع أذواقكم الراقية وعقولكم النيرة ...


لو جــار وقـتـك عـليـك وبـاروا أصحـابـك
وضـاقـت عـليـك الـوسيـعـه وأنـكـتـم صـدرك

أزبـن عـلى الـلي يـفــرج كــل مـا صـابـك
واسـجـد لـوجـهـه خـشـوع ويـرتـــفـع قـدرك

لـنـه هــو الـواحـد الـلـي عــارف ٍ مـابــك
بـيـــده يـجــلـي هــمـوم الـضــيـق ويــســرك

أخـلص بـصدق الـدعـاء والخـوف ينتـابك
ولـو جـيـت لـه تـايــب ٍ مـا يــمـكـن يـضــرك

ارفع لـه أيـديـك ودمـوعـك هي أخـطـابـك
ونـاجـه بـصـدق الـدعـاء فـي سـرك وجهـرك

وقــل يـا الله إنـي دعـيـتـك تـفـتح ابـوابـك
وتــرزقـنـي الـعــفـو وارزقـنـي بـعـد شـكـرك

أنا الضـعـيـف بخـطـأي وحـاسـب أحسابـك
يـا فـارج الـكــرب وضــعـي مـا هـو يــغــرك

عـبـدك لاجـا بـك ويخـشى مـنـك ويـهـابـك
يـبـغـي مـغــفـرتـك يا الـلي ضـافـي ٍ سـتـرك

يـا خـالـق الـخـلـق أنـا عـبـدك عـلى بـابـك
أطــلبك وأخــشـى عــذابــك مـذنــب ومــدرك

وسلامتكم

[خيّالـهآ]

مهدي الحبابي

يسعدني باني اول من صافح هذه النيره

سبحانه جل وتعالى..
وجزيت خيرا على ماكتبت

صح بوحك ولاهنت

تحياتي..

[عبدالكريم الضبيب]

أزبـن عـلى الـلي يـفــرج كــل مـا صـابـك
واسـجـد لـوجـهـه خـشـوع ويـرتـــفـع قـدرك




سبحانه ..
ومن تواضع لله رفعه .

صح لسانك اخوي مهدي
وبيض الله وجهك بهالقصيده المثاليه
وجزاك الله خير الجزاء .


تحياتي لك


.

[متعب]

يـا خـالـق الـخـلـق أنـا عـبـدك عـلى بـابـك
أطــلبك وأخــشـى عــذابــك مـذنــب ومــدرك

مهدي الحبابي


صح أأأألسانك على القصيده الساميه

لاعدمناك

تحياتي

[عقاب]

مهدي الحبابي

صح لسانك ولاهنت يالغالي

تحياتي

[سعود ناهض الرويس]

هدي الحبابي

لله درك على البدع الاصيل

وصح لسانك واعتلا شانك

وتقبل تحياتي ومروري يامبدع

[يحيى ال بالحارث]

درر يابو مسفر


صح لسااانك ملايين

تحياتي

[مهدي بن مسفر الحبابي]

اخوي خيالها

صح بدنك واعتلا شانك

الشرف لي طال عمرك

تقبل احترامي وتقديري

[سفير المعاني]

الغالي
الشاعر
مهدي بن مسفر الحبابي

تسلم على هذه القصيده اللتي توجهت

بها الى الله عزو جل اللذي لا يرجى سواه

صح لسانك وعلا شانك لاهنت


تقبل تحياتي

[@ سيف @]

يـا خـالـق الـخـلـق أنـا عـبـدك عـلى بـابـك
أطــلبك وأخــشـى عــذابــك مـذنــب ومــدرك

مهدي الحبابي


صح أأأألسانك على القصيده الساميه