نبا نطلع من اجوا الضيق ياسلطان والاحزان

[علي بن عامر]

نبا نطلع من اجوا الضيق ياسلطان والاحزان=تحزم فالحزام اللي تشوف انه لك احزامي

وصلنا واتصلنا مالقينا رد ياسلطان=واحسب اني ليا مريت ابحصلك قدامي

[سلطان بن دحيم]

توكلنا على الله والله انه يخزي الشيطان = وانا وياك دايم ندعس الجمره بالاقدامي
الا يا علي والله ما نويت الصد والجحدان = لاتهتم دام خطرنا نظيفه طول الايامي

[علي بن عامر]

نبا ناطا عليها لين يطلع منّها دخان=وترتاح البيوت اللي نرددها من العامي

تقوله مير ماحصلت ياسلطان لك برهان=تحاول تعدم اسلوك الصداقه عني اعدامي

[سلطان بن دحيم]

اقول الجمره اللي ماطفت لو المطر هتان = تبى تبطي توهجر مير لاتشكي من الحامي
(انا بمكاني اقول انقلع)واقفل البيبان =و انا يوم اعتذر لك قدر لا جايع ولا ضامي

[خيّالـهآ]

سلطان يؤيؤيؤيؤ
اصلا ماهي من عوايدك تقفيلة البيبان يابو دحيم
وكل شي ولا ابوعامر تراني مرضى عليه
_ابو عامر اعذره ياخوي لاتلومه شكله مقفله اخلاقه تو جاي من طرد الهنود والعمال ورد عليك على طول ههه
بس مايمنع انك تركبه حق دام جيت ولا لقيته << يصطاد بالمويه العكره ههه

[سلطان بن دحيم]

خيالها

قل خير والا اصمت هههههههههههههه

انا دوب التخلص منه وانت تحرضه

[علي بن عامر]

نبا ندخل سويّه عند قاض المحكمه وان كان=حكم لي بالقضيه فانت لا تزعلك الاحكامي

كلامك مايقوله غير واحد من حدا الورعان=وخيال العبيّه لاشره ماهوب منلامي

[علي بن عامر]

خيالها اي والله عليك فيه تراه مقفله معي ههههههههههههههه

اجه منا وانا منا ههههههههههه

[سلطان بن دحيم]

ليا جينا القضاه ابى انشدك وش حجتك يا فلان = تبى تصبح لما تبنيه يا ابن الناس هدامي
يا علي ابغى رضاك وشفت كنك صامل(ن) زعلان = يقولون العرب عذر السنافي يقبل شمامي

[حجاب]

الله لا يضررررررررركم

يحا يحا << ينقز في صف سلطان لعانه في خيالها ههههههه

[علي بن عامر]

تذكر يوم مريت وتعديت العرب عجلان=وعذرك كالبعير اللي بدون اشداد واخطامي

تداري ماتداري رحت صيده في فم السرحان=ترى ماينفعك لو كان وقف دونك إمحامي

[سلطان بن دحيم]

الي عادات فالمره عليكم فاول الازمان = ودار الوقت وظروف الليالي تلزم الزامي
الا يا ذيب يا سرحان لاضرس(ن) ولا نيبان = ترا ياذيب مالك غير كوية ميسم(ن) حامي

[سلطان بن دحيم]

الله لا يضررررررررركم

يحا يحا << ينقز في صف سلطان لعانه في خيالها ههههههه

الصف يزهابك يالسنافي


لاهنت

[متعب]

الله الله الله

عليكم والله مبدعين

صحت ألسنتكم

يابوعامر ويابودحيم

[علي بن عامر]

عليكم ماتمشيها علي ياصاحبي غلطان=ومن اول تشطف الاردن وجالك خط للشامي

خلقك الله ياطير الهوى يامشكّل الجنحان=وميّل بك جناحك لين حطك فوق صدامي

[علي بن عامر]

لاهنت ياحجاب على المرور وماعلي دام خيالها في صفي

بس الله يعينكم تصلحون سياراتكم بعد الطرقه ههههههههه

تحياتي

[علي بن عامر]

الابداع حضورك يامتعب لاهنت


تحياتي

[سلطان بن دحيم]

الا يا علي والله ما تكلف داخل الميدان = وكم لغمت من مره وثارت فيك الالغامي
اقول الكامري والله غريبه تصدم الشيصان = وهي ما غير فيبر كلها من خلف وامامي

[علي بن عامر]

ترد البيت لكنّ الصدر من ضيقته مليان=وانا للحين محرم مانويت انزل احرامي

انا مانيب خابر معك غير الددس النيسان=وانا عندي شفر لا شفت خشمه صابك اهيامي

[سلطان بن دحيم]

ول ول ول ول هههههههه


تركد يا علي وادرج على راحتك فالك شان = حذفك الحظ في غبة بحر ما انته بعوامي
رزق الله عليه ادوج ما يركب معاك انسان = وانا والله لا ابيع المخطيه باخس الاسوامي

[سلطان بن دحيم]

متعب

مرورك مكسب لاهنت

[علي بن عامر]

الليل ياول الليل ههههههههههه

فتحت الباب ياسمسم ودخلنا معه نعمان=وآكيد ارتحت وارتحتنا بعد تحقيق الاحلامي

طرالي علم ياسلطان لكن عدل النيشان=من اول تدخل بثوب(ن) حلو وشماغ بسامي!!!!!

[سلطان بن دحيم]

طيب طيب طيب


انا بضربك ضربه قاضيه بسم الله الرحمان = على شانك مطوع مبتلي في حب الاصنامي
الا يا بن عمير انته مقدر فاغلب الاحيان = مريض ولا يداويك الطبيب مداو الاسقامي

[علي بن عامر]

ياسلطان الدرب شام شام ههههههههه (يعني تحدي)


ترى مانته بقادر دام ينبض فالحشا شريان=وان عن ماتقوله يامتهوّر حافظ اقلامي

علامك عن بعض قولي تسوي كنك العميان=تبدل حبة التفاح بكريتين شمّاااامي

[سلطان بن دحيم]

لا بالله ما هوب شاااام ههههههههههه

صح لسااانك

[علي بن عامر]

لاهنت يابو دحيم محاوره رائعه معك

نشفت ريقي ههههههههه