ياعيد بيّا حال طليّت ياعيد

[عازف هذيل]

تقبل الله منا ومنكم وعيدكم مبارك

أبت الهواجس الأ تفيض بما في خلجاتها مستأنسة بمطلع المتنبي


ياعــيد بيّا حال طلّيت ياعيد =باللي مضى والا طرا فيك طاري
من روحة المشهد وشيل السجاجيد= والثوب تيجن والكبك والزراري
وليا انقضى المشهد رجعنا معاييد =لبيوتنا من عقبها بيت جاري
من خمة الحنبص وحمر البراريد = للعطر ابو منفاخ مثل البواري
يادار نوره والفطـر والمواعيد =يوم انتجمع من يمين ويساري
صحن العريكه والعصيده عناقيد =والسمن برّي ضيمرانه ثماري
شــيّاب وأكثرهم شبيبه بواريد= وبزرانهم بدلال ريح البهاري
ســبحانه الباقي وغير الله يبيد= صفحات تطوى مابقى الا المواري
واليوم ذكرى تصيح من عيد لاعيد =باللي مضى والا طرا فيك طاري



عازف هذيل

[زمان العجايب]

عازف هذيل

صح بوحك

وقصيدة رائعة

وعيدكم مبارك

[خيّالـهآ]

عازف هذيل

صح بوحك ولاهنت

تحياتي..

[يفوق الوصف]

الشاعر القدير

عازق هذيل

صح لسانك واحساسك

نبض راقي ومبدع

ننتظر جديدك ومميزك

تحياتي لك

[فيصل فرج العتيبي]

عازف

نبض فاخر

واطلاله جميله جدا

لاعدمنا ابداعك

[رياض الهديرس]

عازف هذيل

بدأت بمطلع قصيدة من أجمل قصائد المتنبي بإسلوب جميل غير هذا انك لم تمس هذه القصيده نهائيا بل سلكت طريقها وادخلت عليها مظاهر الفرح التي عشتها ومازلت تعيشها في مكانك و ببساطه .


بكل لطف وبكل امانه اعجبني كثيرا هذا الاسلوب .




سبحـانـه الـبـاقـي وغـيــر الله يـبـيـد
صفحـات تطـوى مابقـى الا المـواري



صح لسانك



تحياتي


.