ليش الرجل يزعل من كلمة ذكر والبنت ماتزعل من انثى

[مقــدام]

والله ماادري وش جاب الطاري
لكن هذا اللي جاكم وتحملوه

الحين لما نقول للرجل ذكر يزعل منها او مايتقبلها
لكن لما نقول للمرأه انثى تتقبلها وبالعكس يمكن تستانس عليها

بل احيان لما نمدح البنت نقول لها ( انثى )


انا اقول الانثى هي الحياه

وانتم وش تقولون !!

[تركي الرشيد]

والله شطحتك ذي مادري شسميها هههههه لكن يمكن تسحرت كثير ياغالي .... عشان كذا جا في بالك ذا الموضوع يالغالي .. لكن من يزعل من كلمة ذكر اعتقد ما عنده سالفة بالعكس الذكر مصدر قوة في جميع المخلوقات حتى في الأحصائيات وبكل شي يطلق على الرجال الذكور والنساء الأناث حتى التصنيف في جميع الأدارات الحكومية والمؤسسات العامه يتم التصنيف على النحو التالي الرجال ذكور والنساء اناث .... عاد انا والله انبسط اذا شفت قدام اسمي ذكر بأي وثيقة تخصني اتشقق ههههه واقول الحمدلله ان الله خلقني ذكر ... صادق ودي لك ياغالي

[الواضح]

اقول الأنثى خلقت من أحد اضلاع الذكر .... اظن انتهت مشكلتك

هالمرة لاتكثر السحور

[عنفوان صبا]

خخخخخ

أخوي مقدام سؤال غريب خخخ

بس صحيح كلامك


كلمه رجل أفضل من ذكر لأن ليس كل ذكر يستحق ان يقال عليه رجل !

تقبل مروري و عيدك مبارك :)

[مقــدام]

عنفوان الصبا
احسنتي

قلت اللي في بالي بطريقة مهذبه

وفهمتي شيء
استغربت من ردود الاعضاء اللي قبلك مافهموه

انا عن نفسي ماحب احد يقولي ذكر

[متعب]

مقدام


يعطيك العافيه على الموضوع

حقيقه انا مدري ليش الرجل مايتقبلها

لكن الانثى تقبلها لان اكثر بنات الوقت هذا مافيهن انوثه

من عوامل التعريه الظاهر عشان كذا تستانس لما تسمع الكلمه هذي

بس الاكيد ان الانثى انثى حتى لو تعرضة لعوامل الانحباس والتقلص والتمدد


تحياتي

[عبدالرحمن الدوسري]

مقدام

كل عام وانت بخير


وموضوع بعين الصواب

والله يااخوك ان الرجل ذكر وين ماراح

والانثى من يكره الانثى؟

بالعكس لاحيااة الا بانثى


تقبل مروري يااخوي

اخوك عبدالرحمن الدوسري