عبدالله المفضلي الشمري
09-13-2009, 05:47AM
يا فاتنه في زحمة هموم دنياي = انسى تباريح الهوى بابتعادي
اصارع الرغبه واراجع خطاياي = واعيش عن كل المشاكل حيادي
صدفه 0 وتحريك السبب فعل يمناي = قتل الفراغ شوي كان اعتقادي
لكنها صارت 0 ووقعت برضاي = صك انضمامي للهوى وانقيادي
وانتي تحطين المحابيل لإغراي = وانا كما طيراً مناه الهدادي
يا فاتنه حبك فتني وش الراي = سيطر على قلب الخطا لا ارادي
اشتاق لك شوقاً تضمه حناياي = شوقاً رعى قلبي سوات الجرادي
ان ذعذع الغربي عليل وعزف ناي = عبرت عن حالي بصفق الايادي
يا فاتنه بحماك شكواي ودواي = قلبي تعلق فيك هذا الوكادي
يا فاتنه يا غاليه قرّبي جاي = صبري على بعدك بدا بالنفادي
قصايدي ودموع عيني هداياي = وانتي هداياك الحلا والعنادي
يا فاتنه انتي عذابي وليلاي = وانا الملوّح بالسنين العوادي
بين العراق ونجد سارت مطاياي = دليلها راسي وللعيس حادي
تجملي ياغاية القلب ومناي = وصلاً يتوّج بالرضا والودادي
هايم واقدم لك بطاقة تحاياي = ورسمة سهم حبك يقطّع فوادي
الناس تجهل وش حقيقة نواياي = انا انعزالي 0 راحتي بانفرادي
اعيش ما بيحت خافي خفاياي = عيباً على اللي بالمجالس يدادي
ما يعلم الا عالم الغيب مولاي = ربي ومعبودي عليه اعتمادي
اصارع الرغبه واراجع خطاياي = واعيش عن كل المشاكل حيادي
صدفه 0 وتحريك السبب فعل يمناي = قتل الفراغ شوي كان اعتقادي
لكنها صارت 0 ووقعت برضاي = صك انضمامي للهوى وانقيادي
وانتي تحطين المحابيل لإغراي = وانا كما طيراً مناه الهدادي
يا فاتنه حبك فتني وش الراي = سيطر على قلب الخطا لا ارادي
اشتاق لك شوقاً تضمه حناياي = شوقاً رعى قلبي سوات الجرادي
ان ذعذع الغربي عليل وعزف ناي = عبرت عن حالي بصفق الايادي
يا فاتنه بحماك شكواي ودواي = قلبي تعلق فيك هذا الوكادي
يا فاتنه يا غاليه قرّبي جاي = صبري على بعدك بدا بالنفادي
قصايدي ودموع عيني هداياي = وانتي هداياك الحلا والعنادي
يا فاتنه انتي عذابي وليلاي = وانا الملوّح بالسنين العوادي
بين العراق ونجد سارت مطاياي = دليلها راسي وللعيس حادي
تجملي ياغاية القلب ومناي = وصلاً يتوّج بالرضا والودادي
هايم واقدم لك بطاقة تحاياي = ورسمة سهم حبك يقطّع فوادي
الناس تجهل وش حقيقة نواياي = انا انعزالي 0 راحتي بانفرادي
اعيش ما بيحت خافي خفاياي = عيباً على اللي بالمجالس يدادي
ما يعلم الا عالم الغيب مولاي = ربي ومعبودي عليه اعتمادي