جـمرة الـخافق !!!

[سعود ناهض الرويس]

السلام عليكم ورحمة الله

متواضعه عساها ترضي قلوبكم

7


7


7



انا لامن ذكرت البعد من بعد الوصل يانوت =ذكرت ان كل شي فاني وكلٍ وله ميته
مشاوير الغرام اللي بها ورد اللقا منبوت =بعد فرقاك ذابل والسبب مرّيت ماسقيته
انادي ياهل الركب المقفّي لين بح الصوت =انادي والرّجا لامن سمعت الصوت لبّيته
يناديك الشعور وكل صوتٍ يظهر المكبوت =مضيت بركبك وداعي اللّقا جاك وتحاشيته
الا ياجمرة الخافق رمادك يملي التابوت =بقايا من حطب عشقٍ بصدق الحب شبّيته
حبيبي قلة الحيله وخلك ذاق طعم الموت =بعد ماامكنت خنجر بعدك بصدره وخلّيته
عطاك من الغلا عقدٍ يغيض الماس و الياقوت = يغار بشوفته من يمكلك الدنيا وسط بيته
و لكن وش جزا صدق الغلا اللي فالصدر منحوت= يا كود الونّة اللي بعدها دمعه و تنهيته
أنا اللي ما جنيت إلا التعب في معركة جالوت = و انا اللي ما نسيت الود حتى لو تناسيته
وانا لامن ذكرت البعد من بعد الوصل يانوت=عرفت ان كل شي فاني وكلٍ وله ميته





وسلامتكم

[متعب]

ابوناهض


الله الله الله

عطاك من الغلا عقدٍ يغيض المـاس و الياقـوت
يغار بشوفته مـن يمكلـك الدنيـا وسـط بيتـه

صح ألسانك على الشاعريه والجزاله والشامخه

لاعدمناك

دمت متألق

[سالم محسن الفهمي]

أستاذي الغالي " سعود بن ناهض

الله الله على هالإبداع الغير مستغرب منك طال عمرك

قصيده شامخه بشموخك

قرأتها وأستمتعت بقرائتها كثيراً

فـ لله درك

[عقاب]

ابوناهض


كالعاده لايستغرب الأبداع من اهل الأبداع

تحياتي

[رهب]

اخي الكريم سعود
صح لسانك قصيده تشبع الذائقه
ويسعد القلب ويبهج الروح وجود هذه الكوكبه من الشعراء المميزين على الساحه وممن لهم بصمات واضحه
شرف كبير للمنتدى تواجدهم
دام نبضك اخوي سعود لا عدمناك وصح لسانك مدد
تحياتي
رهب

[العتيبي]

السلام عليكم ورحمة الله وبركاته
صح لسانك
قصيده جميله ورائعه
لاهنت اخوي

[سفير المعاني]

الغالي
الشاعر
سعود الرويس

قصيده تمتعت بقرائتها لما تحمله من شعر

قصيده رئعه من شاعر متمكن ومبدع ورائع

صح لسنك وعلا شانك ولاهنت


تقبل تحياتي

[خلف العاطفي]

سعود انا برمضان وقتي ضيق لاكن اللهم لك الحمد اني مريت اليوووم وشفت رائعه من روايعك تسلم ياسعوود وصح السانك كنز ثمين بالمنتدى الله يعطيك العافيه.... ويديم الموووده

[عيون الفجر]

القدير / سعود ابن ناهض ..

لله درك ودر قصائدك ..

سلم بنانك وسلم فكرك النيّر..

تمنياتي لك بالتوفيق ..

تحيتي لك
http://www.s111t.com/up/uploads/images/s111t-65f6c59442.gif

[أنا]

سعود .


للبساتين عطر ...وللأصاله عبق ..وللمشاعر دانات ..للجمل زمرد ..وللحروف لآآآلي..

للأحساس ..وتر ونغمات ..تتراقص عليها ..القلوب ..

هنا..
كوكتيل ..ارتوت منه المشاعر .وطارت له..عصافير الربى .

تحياتي ..ودمت بخير.

[ابراهيم اليحيا بن مريح]

صح السانك اخوي سعود لاهنت

[سعود ناهض الرويس]

متعب

صح بدنك

ولاعدمت حضور يالغالي

[سعود ناهض الرويس]

سالم محمد الفهمي

مرحبابك في متصفّحي

ولاهنت على الحضور والمشاركه

[حجاب]

,
,,

خارج / النص : )

سعود ناهض الرويس

أتمنى أن تكون في تمام الصحه والعافيه

/

داخل / النص : (


لن أقول اشبعتني شعراً . بل أقول علمتني شعراً . الله لا يضرك يا سعود

,

مودتي / حجاب

,,

[فهد بن حنس]

سعوديا اسعود
عز الله قصدت وابدعت وايقنت وفي الصميم وسمت
بارك الله فيك وفي ابداع وربي يحفظك ها اليوم وكل يوم

[خيّالـهآ]

سعود ناهض

صح بوحك ولاهنت

تحياتي..

[الظبي]

الا ياجمـرة الخافـق رمـادك يملـي التابـوت
بقايا من حطب عشـقٍ بصـدق الحـب شبّيتـه
حبيبي قلـة الحيلـه وخلـك ذاق طعـم المـوت
بعد ماامكنت خنجـر بعـدك بصـدره وخلّيتـه


صح ألسانك لا هنت


شاعر مبدع بالفعل


تحياتي لك

[سعود ناهض الرويس]

عقاب

شكرا على المشاركه والحضور

وصح بدنك ياصديقي ولا هنت

[نبض القلب ابها]

أخي القدير ومشرفنا الغالي ... سعود ..

صح لسناك وعلا شانك على هذه المتواضعه فأن كان هذا تواضع منك
فكيف الأبداع يكون...
أستاذي ... قصيدة جزله حوة معاني جميله سعدت بقرائتها والتعمق بها
الله يعطيك الف عافيه ... وتقبل مروري الخجول ...
تحياتي تقديري لك ...