حاجه مفيده

[العنود الشيباني]

متواضعه أتمنى ان تنال على استحسانكم



شفتك امل يثري حروف القصيده =عقب الجفاف اللي سكن صفر الاوراق
وطوّل قديم الشعر يرثي جديده=واستوحد المقصود من برق برّاق
وصدر العنود اللي تشرّب وريده =يجرى مجاري الدم فى وسط الاعماق
عقب الغياب اللي تركني وحيده =كن السهر مخلوق من جفن الاحداق
سحب المشاعر بالمعانَ الجويده=وياكثر مالمح وجه كاذب وصدّاق
قالوا تحبين الحياه الرغيده=قلت ايه عند الله تقاسيم الارزاق
قالوا عنيده.. قلت فعلاً عنيده = ماجامل اللي مابهم صدق و اخلاق
الفكر مبدأ وكل مبدأ نعيده= اشوف حرفي بالدجى يشرق اشراق
حريتي بالفكر حاجه مفيده =ماهى بمبنيه على بوح الاعراق
بس الهموم اليوم فيني فريده =تستفرد الاشواق مع كسرة الساق
تبني على الماضي صروح(ن) مجيده = وتشتت افكاري على بيض الاوراق
تعبت من عمر(ن) طوى كل قيده= ولقيت ساس الجرح من موت الاشواق
ياللي تقول العمر فرصه سعيده = تبي الحقيقه خاطري مابعد راق




و


س


ل


ا

م
ت
ك
م
عذب التحايا للجميع

[سفير المعاني]

الغاليه
الشاعره
العنود الشيباني

اسعدني ان اكون اول المصافحين لهذه

القصيده الفاخره لما تحمله بطياتها من

شعر جميل ورائع مكتوب بفكر متمكن

صح لسانك وعلا شانك ولاهنتي



تقبلي تحياتي

[غالب المطيري]

...((الـعـنـود الشـيـبـانـي ))....
أبيآت قمه في الروعه والآبدآع والتنسيق
سلمت أنآملك من كل مكروه
ودآم أحسآسك بأرقى حآل ..
بأنتظآر جميل عطآئك
تقبلي تحياتي
غالب المطيري

[ابو صقر الشمري]

صفر الاوراق


الله الله


اهنيك على هالقصيده الرائعه يالعنود اهنيك على هالفاتنه


رائعه ياعنود وجزله


تحياتي

اخوك \ ابو صقر الشمري

[جريح الليل]

حقاً انها رائعه

العنود

صح لسانك ولاهنتي ع القصيده الرائعه

دمتي بخير

[العنود الشيباني]

القدير سفير المعاني

صح بدنك

وسرّني مرورك الراااااااائع الذي أضفى على قصيدتي بعد جمالي آخر ورونق أخاذ

تحياتي لشخصك الكريم

[نغمة وتر]

قصيدة جميلة،، يعطيك العافية عليها،، سننتظر جديدك.

[سلطان بن حميد]

مبدعه

حفظك ربــــك

[متعب]

العنود الشيباني



صح ألسانك على القصيده الرائعه


لاعدمناك


تحياتي لكـــــــــ

[سالم محسن الفهمي]

شاعرتنا المتألقه " العنود

صح لسانك وقلبك

قصيده كُتبت بمدادٍ من ذهب

أبدعتي في صياغتها وعانقتي بها هام الثريا

أجمل وأرق التحايا

فـ لله درك شاعرتنا القديره

[العنود الشيباني]

أخوي غالب

سررت بمرورك العاطر

فلك مني جُل الشكر وفائق التقدير

تحياتي لك

[روح الورد]

صح لسانك ولاهنتي

على هالرائعه

تسلم يمينك

وبانتظار جديدك

[سعود ناهض الرويس]

العنود الشيباني

صح لسانك واعتلا شانك

عذوبه وابداع تستحق الاشاده

وتقبلي تحياتي ومروري يامبدع

[العنود الشيباني]

أخوي ابو صقر

تشرفت بمرورك الكريم الذي أضاء متصفحي

فــ شكراً لك

تحياتي

[العنود الشيباني]

أخوي جريح الليل

صح بدنك

وكل الشكر والتقدير لمرورك الكريم

تحياتي لك

[أنا]

العنود الشيباني

كل عام وانتي بخير

نص
يفوح منه ...عطر أنثوي راق ...احساس مرهف ..وشاعريه مزهره.
مفرداته ..مشبعه ب ألأنوثه ..نكهة ..وضمير أمرأه ..في ساحه أسترجلت بها النصوص النسائيه بضمير رجالي.
نص ..
لمفرداته ...رشاقة الظباء ....ولجمله ...ألوان الفراشات ..ولمعانيه شموخ حره .
نص ..
به أرق ,,وألق ....أوراقه مصفره ..من جفاف ألمشاعر...تقاوم بعناد ..على أمل ..قادم غيم ..وهتان وديم ..
ينبت العشب ..
نص ..
ينبض ..ب ألأحسا س ...والعلو

تحياتي.. و لك من الود انقاه ..ودمتي بخير

[@ سيف @]

العنود الشيباني

صح لسانك واعتلا شانك

[خيّالـهآ]

العنود

صح بوحك ولاهنتي

تحياتي..

[عبدالعزيزالصعب]

قالوا عنيـده.. قلـت فعـلاً عنيـده = = = ماجامل اللي مابهم صـدق و اخـلاق
الفكـر مبـدأ وكـل مبـدأ نعـيـده = = = اشوف حرفي بالدجى يشرق اشـراق



* * *

الرائئعة / العنود الشيباني :

هنا نص عذب وجميل ..

وهنا أنتِ تعانقين الإبداع ..

مبدعة أنتِ ..

سأعود لقراءة النص أكثر ..

لكِ التحية ،،

[رياض الهديرس]

العنود الشيباني


لن اختلف معك وحتى ولو أجازت العرب قول ( مصائب قوم عند قوم فوائد)
وحتى لايضيع الوقت ولآن كل الناس في كل هذا الكون بدياناتها وافكارها
وماكتب لها من رزق وماقدر لها تبيع وتشتري كل شي من أجل الراحه والاستقرار .

لذلك لابد قبل كل شي البحث عن الغايه ومن ثم البحث عن الوسيله للوصول للراحه والاستقرار بأقل الخسائر والاضرار دون أن نفقد حرية التفكير والا مافائدة الوصول للراحه والاستقرار بدونها .


أعجبني هذا البيت


تبني على الماضي صروح(ن) مجيـده
وتشتت افكاري علـى بيـض الاوراق


العنود



صح لسانك


تحياتي


.

[العنود الشيباني]

نغمة وتر

سعيده جداً بمرورك العاطر

تحياتي لشخصك

[محمد الحارثي]

.
.

هنا عزه وشموخ وكبيرياء وأصاله , وشعر ثمين .
العنود الشيباني
جميله تلك الباسقه أعلاه حد الألق ..
شكراً عميقه لهكذا شعر يا عنود ,
وننتظر أن تزيدنا من هذا العذب المعين ..!!

[العنود الشيباني]

أخي سلطان

توجت حروفي بمرورك العذب

تحياتي لك

[العنود الشيباني]

أخوي متعب

صح بدنك

وكل الشكر والتقدير لمرورك الكريم

تحياتي لك

[كلك نظر]

العنوود صح لسانك ابيات راقيه كرقيك احتراامي لقلمك

[خــالد العــزاب]

عنودهم ورب من بعث حبيبه بالحق والهدى


قصيده فاتنه فاتنه فاتنه إلى ملا يعلمون.!


سحابة وابلها صيب تنعش روحً اضناها الوصب وتبعث الأمل والطمأنينه .!


العنود

سأعود

لأتلذذ الشعر وابحر في قصيدتك لأقسمها حسب فكري وقراءاتي الشعريه الادبية.!!

ود وكثير شكر.!

[قطر الورد]

الفكـر مبـدأ وكـل مبـدأ نعـيـدهاشوف حرفي بالدجى يشرق اشـراق
حريتـي بالفكـر حـاجـه مفـيـدهماهى بمبنيه علـى بـوح الاعـراق
صحيح الفكر مبدأ وكل مبدأنعيده :thumb:
صح السانك يالعنود وبانتظار المزيد من تدفق قلمك الرائع

[سلطان بن دحيم]

العنود الشيباني



صح ألسانك على القصيده الرائعه

[إيقاع السكون]

عزف منفرد على أبجدية الجمال بأناقة أنثى متمكنة

العنود
لك الشكر ياشعر

[مــــــــــارد عـبـقـــر]

عزيزتي الشاعر العنود
منظومة جميلة تستحق التأمل في مفرداتها
أنظمتي واجدتي
أخوكم مارد عبقر