بدراويــــــــــات

[يفوق الوصف]

بــســم الله الرحمن الرحـــيم



نجتمع على انغام الشعر على اصالة الكلمة على الحب والهجران على الوعد والنسيان على الشوق والعتاب

على الحاضر الماضي ....

بريشة شاعر فارس فنان رسم بقلمه انواع الصور الشعرية .. فارس اخذنا الى مهد البطولات .. شاعر سطر الحرف والكلمة

في دواوين الشعر ...

بدر بن عبد المحسن ... مهــندس الـكلمة ...


سوف اخصص هذا الموضوع لقصائده ونسبح في بحور شعره .. في وعـــــــدكــ مــــــتي ..


الوعد باكر ..
و لو تأخرتي ... لا يجي باكر
ما أبي باكر بدونك
احبسي الفجر فـ عيونك
و إن أشغل طيفي ظنونك
واعديني بعد باكر ...
أنا ظلي تحت شمسك
و لو تغــيـــبي ما هو ظلي ..
و انتي اسمك في حياتي
يهمسه بعضي لكلي ..
آه يا ضعفي و غروري
اعدلي فيني و جوري
و اصدقي .. راعي شعوري
و واعديني بعد باكر ..
هذا وجهك في عيوني
ما رسمته لا وربي ..
و اللي يصرخ في ضلوعي
هذا صوتك ماهو قلبي ..
آه يا شمعة وجودي ..
اشعلي نارك في عودي..
اهجري قلبي و عودي
و واعديني بعد باكر ..

[يفوق الوصف]

يا صـاحبـي طـالـت علـي المسـافـه
كل ما نشـدتـك قلـت لـي الـدرب قـدام
وعـدك مثـل بـاكـر أحبــه وأخـافـه
ولا ينقضـي بـاكـر علـى طـول الأيـام
ما اقـول ضـاع العمـر عنـدك حسـافـه
انت الـدقـايـق عشتـها وانـت الاعـوام
ودي ربـيـع العـمـر يـسبـق جفـافـه
يا مسقـي العطشـان من كـاس الأوهـام
كـانـك تعـاف الجـرح حنـا نـعـافـه
وما سهـرت عيـوني تبـي عينـك تنـام
ومـن لا ذكـر منـك جـميـل خـلافـه
ما يملكه وعـد تـرى السـعـد قـدام

[يفوق الوصف]

(كل شيئ .. دايم في وقته.. ليه؟؟
كل شي .. حنا نحبه ..
صعب نستعجل عليه ..
طيب .. ليه؟؟
يا ترى انتظار الشيئ ..
هو سفرٍ اليه )
احملي اللحظه حجر ..
وطوحيها في المدى ..
تصبح الساعة .. دقيقه
غيري الزمن الحقيقه
طلعيني من الصور ..
من الخطوط .. الحزينه
اطلقيني من الشطوط
ومن مجاديف السفينه
اجمعي الصوت .. الصدى
احملي اللحظة حجر ..
وطوحيها في المدى
( كل شي دايم في وقته
عجيب ..
وكل شي حنا نحبه
كثر ما يظهر يغيب
يا ترى .. منهو البعيد .. منهو القريب )
ما لنا وقت .. وقتنا دايم يجي
الزمان اللي يروح ..
وان سألتيني أحبك ..
كثر ما تشفى الجروح ..
اشطبيني الف ذكرى .. واكتبي ..
اللي يتذكر .. غبي
واللي ما ينسى غبي
ودي اشوفك .. باقي لحظه
هذا كل اللي أبي ..

[يفوق الوصف]

انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

[يفوق الوصف]

آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش

يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش

يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش

[يفوق الوصف]

الصدق ..
ما ينقش العصفور .. في تمرة العذق ..
وما وشوش الدبور .. زهرة الرمان ..
والصدق .. ما زاعت أ رض جوفها بركان
وما يحفر الأظفر في جلدة المجدور
وش يخفي الإنسان .. الطيب .. المغرور

عضيت أنا اجساد الحروف الواضحه ..
يا اخت الطريق ..
عضيتها صدق الشفاة الناضحه
شهد وشري ..
وكان الحديث .. جرح ٍ طري ..
مضمد بالياسمين
كان الحديث .. ما هو الحديث اللي تبين ..
وش اللي تبين الصدق.. ؟
وش الصدق ؟!غير الدفا والنور ..
وما يقتل الإنسان الطيب .. المغرور
لو قلت لك .. إني ضعيف ..
هش ٍ كما ورق الخريف ..
أو قلت لك إني أخاف ..
أبكي .. واخفي عبرتي ..
واني لبست .. ثوبي .. عقالي وغترتي ..
با أجامل الليل .. والجفاف
بيعجبك .. هذا الصدق .. وهذا العفاف .. ؟!

بهديك أنا يا مهرتي .. سرج ٍ حرير
وقلادة ذهب ..
وأبا أشتري سيف ٍ رهيف ..
لو ما بقى عندي ثمن .. نصف الرغيف ..
اللي يسد الجوع ..
والجوع .. صدق ..
الجوع .. صدق .. وما سواه ..
يا اخت الطريق ..
كذب .. كذب .. كذب

[يفوق الوصف]

قال مجروح ... جاوبته نعم
قال ماشوف بك ... اثار ...دم
قلت وان كان في ذاتي النزيف
قال ما به نزيف ... من عدم
قلت وان خان بي اغلا حبيب
قال وهم ... بنيته وانهدم
قلت ماعذبك يوم الفراق
قال درب وتمشيه القدم
قلت ما به سوى جلدك شعور
قال غيره فلا احس ... بالم
ياوسيم الناس لو قلبك وسيم
واكرم الناس في غير الكرم
عندك الظلم عدل ٍ في الهوى
واعدل العاشقين ... اللي ظلم
انت لو كان في حبك حياة
كان خلى حياتك له طعم
اتعس الخلق من يرجي ... هواك
ما اضيع النبض في ... قلب الصنم

[يفوق الوصف]

لا والذي سواك ما اريد سلواك
ما أخبر به نفسٍ تمنت قدرها
وكان التفرق يا ادعج العين عناك
أنا الذي روحي عذابه صهرها
والله لو ما اعي .. نفسي برجواك
واجزم وَكاد إنه يهمك خبرها
لأطفي شعاع العمر .. لا غيّب ضياك
عميت عيونٍ ما يطولك نظرها
أغلي حياتي .. من ثواني بها ألقاك
لولاك ما تسوى حياتي كدرها
ودنيا خلت من صافي الود وياك
يا عل تكسف شمسها مع قمرها

[يفوق الوصف]

أكـــــــــــــــــــذب


صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..



لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..



أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

[يفوق الوصف]

http://www.elbader.net/oberaits/allah_albadi/images/1.jpg




الله البادي .. ثم مجد بلادي ..
ديرتي .. غيرتي ..
حبي اللي في العروق ..
جارفٍ .. دافي .. صدوق ..
حالفٍ ما أشرب و أذوق ..
غير حب بلادي..
و غير عز بلادي..

دارنا ماهي في كل الديار ..
شمسها .. تسبق الشمس بنهار ..
و أرضها .. تزهر أمجاد و فخر ..
أهلها اهل الشيم .. عمروها من عدم ..
سطروا فوق العلم .. ( لا إله الا الله )..

الرمل .. عانق السهل الهضاب ..
وحدةٍ .. تجمع قلوب و تراب ..
شرعها .. حكمة الله في الكتاب ..
الله البادي..

[يفوق الوصف]

لي عودة

ويتبع بقيه اشعار البدر

[عبدالرحمن السميري]

.
مبدع البدر
فعلاً مهندس!
.
سلمت يفوق