قصـــائد ألأميـر محمـــــد هناااا [الأرشيف] - شبكة رهب الأدبية-ريما محمد السديري

رهب

10-06-2007, 08:53AM

شيى بقلبـي يامـلا حايـرن فيـه
شيء تحير ابه العقـول الفهامـى
مخفيـه بفـوادي ولا ودي ابديـه
وادور الخيـرات شرقـن وشامـي
احترت به ماشفـت شـي يحاليـه
واليوم ابنشد عنـه مانـي بكامـي
سيل حدر مع وادي غيـر واديـه
مدري حـلا ل مـاه والا حرامـي
كانه حلا ل جايزن شـرب صافيـه
وش حلله يامفسرين الحـلا مـي
هاتوا تفاصيلـه وهاتـوا معانيـه
نبي الدليل الـي عليـه الكلامـي
نبي دليـل يفهـم الـدرب ماشيـه
يمشي به التايـه بليـل الظلامـي
يمشي به التايه ويقـدي مواطيـه
ويشرب قراح الما ليا صار ضامي
لا شك هجسي يوم خـلا مماشيـه
انـه حـرام ومنـه زود الاثامـي
احرم من الزقـوم مـره وحاليـه
وشربه علي الضامي يزيد الهيامي
الله مـن قلـب همومـه تقزيـه
تدك بـه مثـل الجـراد التهامـي
من ما جري قامت تتله مشاحيـه
تل الرشا من فوق هدف المقامـي
روابـع قامـت تصيبـه وتخطيـه
شاف الهوايل واختـلاف الاسامـي
مايسمع الداعي اليا قـام يدعيـه
يعوم في بحرن من الهـم طامـي
ما يتنبـه للـي بصوتـه يناديـه
يزيـد همـه يـوم كلـن ينامـي
يشوف وقتـن ماعرفنـا تواليـه
وقت يشيب من ابسـن الفطامـي
هـذا زمانـن كاثـرات بـلاويـه
الغيم يقلـب فيـه عـج وكتامـي
يا بعد شرب الما علي كبد راجيـه
ما سيل الغبرا زعـوج الجهامـي
انبيك يا من كلمة الحـق ترضيـه
اعطيك ما ينفعك وافهـم مرامـي
قصـرن يذلـك لاتقابـل مبانيـه
خله عسي شامخ طويلـه هدامـي
خله عسي ما صاب اغادير يفنيـه
يودع منازلـه الطويلـه رجامـي
لو زان مدخاله وطالـت حواميـه
شيد علي الخيبه قليـل الرحامـي
وحـي يوريـك المذلـه وتغليـه
انا اشهد انك ميت القلـب عامـي
مـن لايـودك لا تـوده وترجيـه
ارفع مقامـك ياعزيـز المقامـي
ارفع مقامك عن عـدوك وتوذيـه
ويلحقك من تركت رفيقك ملامـي
حق الرفيـق وواجبـه لا تخليـه
يلزمك مثـل الوالديـن الحشامـي
اختر عزيز الجار والحـق يعطيـه
شبل على هـرج يقولـه يحامـي
مادك به عـرج المذلـه وطاريـه
يسبق على فعل الفضيله شمامـي
ومن قارب الاجرب بالامراض يعديه
عدواه تسطي باللحـم والعضامـي
درب السلامـه بيناتـن مماشيـه
ودرب العطب يرث عليك اللكامـي
ابعد وقلبك نـازح البعـد يشفيـه
وتلقى عن الدار البغيضـه مقامـي
دارن بدار وداعـي الـذل عاصيـه
ولا تقبل الذلـة نفـوس الكرامـي
الـذل مـوت حايماتـن ضواميـه
ادخل على منزل فروض الصيامـي
عن مقعد بالـذل عينـك تراعيـه
الموت عند الذل امـان وسلامـي
يرضى المذله من تـردت هقاويـه
والذل يجفل منه قلـب العصامـي
والعبد له رب عن النـاس يغنيـه
ولولاه ما صاب الهدف كل رامـي

رهب

10-06-2007, 08:55AM

رد الشـاعـر ثـواب بن طنف الجعيد

هيهـات ياقلـبٍ كثيـره طواريـ
هويجيلها بيـن الضلـوع ازدحامـي
اليا بنيت القيـل اصوغـه وعليـه
ولانـي بجالـب سلعـه ماتسامـي
وهيضني الشاعر بقـاف مسويـه
واحكم تفاصيلـه قـوي الحزامـي
لو ما حكم فالسيل ملـزوم نفتيـه
والله عليـم بقدرتـي واهتمـامـي
اللي كرهتـه نكرهـه مانـدا نيـه
لو يجمعونه مـن طـوال النوامـي
قلعـه بوابيـره وقلعـه سواعيـه
تقفي ليـا ذعـذع لهـن الولامـي
بعض الطيور البرق شاقه تمديـره
ورقابه اطوال من رقـاب النعامـي
العلـم الاول فـات مانـي مناحيـه
والمقبلات إلها جـزاء واحترامـي
ولاباس ياقلـب همومـه تصاغيـه
مثل الاصيل اليا صغـاه الخطامـي
من باح سده تفرح قلـوب اعاديـه
وصاعه غدا صاعين حل الصرامـي
وكم واحد شيطان فرعـون مغويـه
ومن الحسد شمسه عليها غمامـي
محضر زنابليه ومحضـر مساحيـه
ويبـا رفيعـات المبانـي هدامـي
وتلقى خدوده كـن هنـه سماريـه
ياطن وطـي مثقـلات الجـلا مـي
خله على اليسـرى وكنـك تعزيـه
من غير قولـة والـدة للرحامـي
والوقت مثل الوقـت حاديـه باديـه
والفرق فاهلـه يالأديـب الشهامـي
احـد كمـا حيـد زنيبـه يـذريـه
يلقى الذرا فـي نايفـات العقامـي
واحدعن الطولات تقصـر مراميـه
ولو صاح في اعلى المرتفع مايلامي
وخل العوى للي همومـه تلاويـه
لي الهبـوب لمشرفـات البشامـي
وعبد البقوم ان ما غبش له يماسيه
وباني عليـه مبرقعـات الخيامـي
وهـمٍ مناحـر لـه وهـم متقفيـه
والعش ضايق من فروخ الحمامـي
والضيف عذر معزبه مـا يعشيـه
يبا مع الترحيـب شـرب وطعامـي
واللي يفوته مركـب العـز ويتيـه
مثل الخليع اللـي حياتـه عدامـي
واحدٍ حباله تلحق المـاء وترويـه
ويمنـاه لاحقـةٍ فـروع السنامـي
ومن لاتنقـى دون جـاره وعانيـه
يلبس لباس مشـوذرات الزمامـي
وردي على ابو زيد ماهـو تحديـه
لكن ملحق خيـر مانـي زعامـي
ومن طابت ايمـه وطابـت لياليـه
يجيـه فـي رد الرسائـل ختامـي
وفرحة عيوني حايزٍ مـن مناشيـه
تسبق سيوله مطلقـات السهامـي
متـى نشوفـه مايـلاتٍ ثمـاريـه
ومتعاقبـات فيـه ريمـي وادامـي

رهب

10-06-2007, 08:58AM

هذي مساجله بين الشاعر الامير محمد الاحمد السديري

والشاعر مرشد البذال عندما سمع الثاني خبر وفاة الأول وكان خبر عاري

عن الصحه لأن الشاعر محمد السديري رحمة الله عليه ارسل عليه قصيدة

بعدها بشهر

وقد ألتقوا بعدها في مزارعه ( الحقيات ) بعد عدة سنوات في أول لقاء لهم

أما القصيدة التي يستفسر فيها مرشد البذال عن صحة شاعرنا رحمهم الله جميعا

اليوم في قلبي من الوجد لهّاف // اخطِّف أخبار الطراقي تخاطيف
سمعت علم حط بالقلب رجاف // ومسيت من علم الخطر خارب الكيف
ياسعود لعله خبر كل مذهاف // ما كان ينسب من رجالٍ عواريف
النوم والمطعوم والضحك ينعاف // لين افهم المعنى بكل التواصيف
ياليتني لسراء الأخبار كشاف // إلين اسنع وش خبر مكرم الضيف
إما لقيته مثل حرٍ إبمشراف // ولا صفقت الكف بالكف تصريف

الى قوله:

لي صاحبن يحسد عواريض الأصراف // سمعت علم عنه مكروه ومخيف
ياسعود شفي كان ردت للاشفاف // علم ينظف مخزن الشك تنظيف

يقول مرشد البذالي وبعد شهر وصلني الرد من السديري

يقول من هو ناويٍ يتبع القاف // طارٍ عليه يصرف الشعر تصريف
ما عن في قلبه هوى سمر الاغداف // نجل العيون مخضبات الاطاريف
قلته ونامن بين وديان الاشراف // بالمرتفع بين الجبال المقانيف
جسمي بها كنه على جال ميهاف // وهاجوس قلبي ناحرٍ يمة السيف
تسابقٍ قلبي هواجيس ارداف // والليل طال وحنَّ قلبي على الكيف

الى قوله:

ياحسين شب النار واسرف بها اسراف // حتى يصير الجمر فيها مشانيف
ومن حب خولان الخضر هاته اجزاف // واحمس ونسفها على الجمر تنسيف

الى قوله:

اثر العلوم إضعاف وعلومها إضعاف // وفواههم للشين دايم غواريف
انا بفضل منزل آيات الأحقاف // لاجٍ بظله عن هيوب العواصيف

رهب

10-06-2007, 09:33AM

قصيدة الامير محمد بن أحمد السديري

رثاء للمرحوم باذن الله

الشيخ أورنس بن طراد الشعلان.....

يسقيك يادار شمالي عنازه
,,,,,,,,,,,,,,,,,,,,,,,غرب الولج ياعلي شرق الطريبيل

سقاك نو ممطرا من عيازه
,,,,,,,,,,,,,,,,,,,,,,,,,على رغاب القاع فيض من النيل

عز الله انه راح فيها جنازه
,,,,,,,,,,,,,,,,,,,,,,,,,,صميدع توصف عليه الرجاجيل
له في عازات ولي فيه عازه

,,,,,,,,,,,,,,,,,,,,,,,,بوقت اللزوم اذا حصل بالدهر ميل

مالوم قلبي لو يزيد اهتزازه
,,,,,,,,,,,,,,,,,,,,,,,,وجر الونين وشاف ضيم وغرابيل

عيني كما شن تفتق خرازه
,,,,,,,,,,,,,,,,,,,,,,,,,,,,عليه دمعات المحاجر هماليل

حرا جزع وادما بقلبه حزازه
,,,,,,,,,,,,,,,,,,,,,,,,,,,,, وتفجرت شعبان قلبه مباهيل

تقصر يمين اللي بالايام هازه
,,,,,,,,,,,,,,,,,,,,,,,,,,,,,,,يرجع ذليل فاقد العقل بهليل

اللي لمح ضده ثقيل مرازه
,,,,,,,,,,,,,,,,,,,,,,,,,,اخو محمد صافي الذهن حلحيل

من شبته ياما قطع من مفازه
,,,,,,,,,,,,,,,,,,,,,,,,,,وياما ظهر من غرقة كنها الليل

رقا سنام المجد والطيب حازه
,,,,,,,,,,,,,,,,,,,,,,,,,,وبيته لعصمان الشوارب مداهيل

قلبه من البالود ماهو قزازه
,,,,,,,,,,,,,,,,,,,,,,,,,, والغيض قد فجر قلوب مغاليل

وان داخل الشردان رعب ونزازه
,,,,,,,,,,,,,,,,,,,,,,,,,,,,,,الذل مايلقا عليه المداخيل

هزيم حطوا حفرته بالعزازه
,,,,,,,,,,,,,,,,,,,,,,,براس الطويله وارفع القبر بالحيل

ومن الذهب حطوا لقبره ركازه
,,,,,,,,,,,,,,,,,,,,,,,,ومن صافي الياقوت حطوا قناديل

حتى يجيه اللي بعيد منازه
,,,,,,,,,,,,,,,,,,,,,,,,,ويلقى بقربه شمخ القود والحيل

اعتضتبه ربع لقلبي لهازه
,,,,,,,,,,,,,,,,,,,,,,,,,اعني هل العليا عصاة المشاكيل

علمي لياجاهم سريع نجازه
,,,,,,,,,,,,,,,,,,,,,,,,,وانا لهم دايم على العدل والميل

هم فزعة المضيوم وهم جهازه
,,,,,,,,,,,,,,,,,,,,,,,,وبالفعل للشعلان تشهد هل الخيل

شعلان فيهم بالحرايب فيازه
,,,,,,,,,,,,,,,,,,,,,,,,,بجدع المدرع فوق قب مشاويل

ربع حماهم مايقرب حجازه
,,,,,,,,,,,,,,,,,,,,,,,,,,,وعدوهم أسقوه ويل بأثر ويل

ان حل ضرب مخلص بالبرازه
,,,,,,,,,,,,,,,,,,,,,,,,ارووا حدود سيوف حدب مناحيل
احد يحوش الطيب غصب خزازه
,,,,,,,,,,,,,,,,,,,,,,,,,وناس عن العليا ضعاف مهازيل

يبين لك فرق الذهب من بيازه
,,,,,,,,,,,,,,,,,,,,,,,,,فرق بعيد ابعد من الجدي لسهيل

البيض ترضع لين يابس غرازه
,,,,,,,,,,,,,,,,,,,,,,,,,,,وبالالف يظهر واحد به تنافيل

تاخذ رفيعين المباني بزازه
,,,,,,,,,,,,,,,,,,,,,,,,,,,,,ياليتها تقتاض عنهم تباديل

ان قيل قلبك مصخرا بانحيازه
,,,,,,,,,,,,,,,,,,,,,,,, قلت الوفاء له وسط قلبي مناقيل

وانا احمد الله ماحضرني خزازه
,,,,,,,,,,,,,,,,,,,,,,,,,وردون ثوبي ضافيات مضاليل

يسقيك يادار شمالي عنازه
,,,,,,,,,,,,,,,,,,,,,,,,,,مزن من المنشا ركونه مخاييل

رهب

10-06-2007, 09:37AM

(( الأميـــر محمــد بـن أحمـد السـديـري ))

اللـــــــــه مـــن قلبي يــــزيــــــد ارتـهــاجــه

يــلـــعـــــــبـــــه بـــه الهـــــاجــــوس مـــع كـــل فجــي

كنـــــــــه على مـــــوج البحــــــر فـــوق ساجــه

بعــــــــــواصــــــــفــي منهــــــا البحــــــر مستــــــلجـــــي

والدمــــع مـــــن عينـــــي يزيــــد انزعـــــاجــــة

يشــــدي همــــاليـــــــــل السحـــــــــــــــاب المحجـــــــــي

علـــى عشيــــــري صــــــــار للقــــلب حـــــاجة

متولعــــــــــــــي بة عنـــــــــــــة 00عيــــــا يسجـــــــــــي

طفلـــــــي لـــوى قلبــــي على الحــب عاجـــة

وقلب الشقــــا طــــــــــــول عليـــــــــــــة الترجـــــــــــــي

ان قزنــــــــــــي بالعيـــن , واسفــر حجاجـــه

سهـــــوم طرفـــــــه للضمـــــــــــاير تخجــــــــــــــــــــــي

ياصـــاحبــــي رجمــــاك بالوصـــل فاجــــــــه

حيــــــث ان حيـــــــــــــاته عنــــد غيــــــرك تلجـــــــــــــي

يـــانورعينـــــي , وانـت مشعــــل سراجــــــه

ياجنتــــــــــي ماغيــــــــــرك احـــــــــــد يهجــــــــــــــــــي

الحـــــب مابـــه ياعشـيـــري لجاجـــــــــــــــه

وحبـــــــــي مهـــــــــــــو حبـــــــــك..ظـــــــــلام مدجــــــــــي

( اشكـر اخـي الكـريم وعـد الحــر بنقلـها ألـى هنــاا ولأكنـي اعدت تـرتيبها الف شكــر لك ))

رهب

10-06-2007, 09:45AM

((مشـاركـة اخــونـا النـادر قـام مشكــورا بـوضعها هنــا شكري وأمتناني لك ))

هذي مساجلة بين الامير محمد والامير نايف بن عبدالعزيز

يقول الامير محمد...................

انتم حباريكم تخافق بالاقفار
وحنا حبارينا السمك يالسنافي

وبايمانكم شقر سريعات الاطيار
والكل منهن ماضي الفعل وافي

ذكرتني يامير واصبحت محتار
وجاوبت خلج البل حم الشعافي

وذكرت طيب ايامنا سر وجهار
يوم الردي في نومة العصر غافي

مذكور يانايف ذرا الضيف ومجار
ذكراك في قلب براه الولافي

قلب عن الشدّات يا مير صبار
ان صد عن طيب الثنا كل هافي

((رد صاحب السمو الملكي الامير نايف بن عبدالعزيز ))

خال روحتوا لنا ستة اسطار
رفاع المعاني كملتها القوافي

مثايل يختارها كل محتار
مثل الرعاف بجيد ظبي الكشافي

حييت فيها والتحية لها كار
ماغرد القمري بروس اخوافي

ليتك خوي لي الي شبة النار
في مربخ من وقدة الرمث دافي

نبتة جديد ماطلع فيه نوار
سقاه مامور من الوسم ضافي

ممطور امس ولا مشى فيه دوار
فيه الحباري مقبلات مقافي

اشيل فرخ واسهن وقع وطيار
وعلى يسارك اشقر الريش صافي

هذا عود الخرب للريش نثار
وهذا الى طلع على الجو شافي

ماكدر الخاطر طويلات وقصار
هروج هزيلة من رجال ضعافي

من لابة يردون صعبات الاخطار
ما والفوا نوم الصفر والعوافي

نقضي لنا وقت وندفن لنا اسرار
الصبر زين وخير الايام تافي

عاداتنا نقصر طويلات الاشبار
وعدونا نسقيه سم زعافي

الى عطل الواجب من الناس حبار
نارد ولو ان الموارد عيافي

نارد حياض وردها حامي حار
وبايماننا مصقلات رهافي

لعيون تلع سوقهن مابعد بار
حديثهن لمجرح القلب شافي

دنيـا

10-06-2007, 11:42AM

هذي بعض قصائد محمد الاحمد السديري ..رحمة الله عليه

ووقعت عيني لبعض بحوره العميقه وهذ ا بعض اختياري

سلطان شفت الموت

سلطان شفت الموت مره ومره = والثالثه يامير كشربنابه

مابـيه لكـنه بـلا ني بشــره= زود على خيله يجمع ركابه

لوهو ظهري لي في صحاصيح بره= نذرعلي اني لبين صوابه

قالها قبل وفاته بأيام قلائل يخاطب فيها سيدي سمو الأمير سلطان بن عبد العزيز (( رحمه ألله أبا زيـد )))

دنيـا

10-06-2007, 11:48AM

حلو نباه وقلبه اسود من الصاج

الله من هــم بروحي سهجها .......... بخفا فى ضميري في كنين الحشالاج

احـــر من نـار تـوقـد وهجــها .......... منهـا خـطـر روحـي على سلك د يباج

وعين عسى المولي يعجل فرجها ........... يفوح ناظرها كـما عين هـداج

استرسلت للد مع من مار هجها ............... غيظ يكظ عبارها مثل الأ مواج

كـم واحـد لـه غـايـه مـاهـرجها ........... يكنها لوهو للا د نين محتـاج

يخاف من عو جاً طــوال عـوجها ....... هرجت قفاير كض بها كل هراج

يقضب عليك المخيطه من حججها ...... حلو نباه وقلبه اسود من الصاج

الله خــلق د نــياوساع فجـــجـــها ....... وعزما يريب القلب لك كم منهاج

والرجل وان شطت لياليك سجها ......... عسى تواليها تبشر بالا فراح

دنيـا

10-06-2007, 11:49AM

لا خاب ظني بالرفيق الموالي

يقول من عدا على راس عالي.........رجم طويل يدهله كل قرناس

في راس مرجوم عسير النالي..........تلعب به الارياح مع كل نسناس

في مهم قفر من الناس خالي............ يشتاق له من حس بالقلب هوجاس

قعدت في راسه وحيد لحالي............. براس الطويل ملابقه تقل حراس

متذكر في مرقبي وش غدالي............وصفقت بالكفين ياس على ياس

اخذ ت اعـد ايامها والليـالي ............دنياً تقلب ماعرفنا لها اقياس

كم فرقت مابين غالي وغالي..........لو شفت منهاربح ترجع للافلاس

ياما هفا به من رجال مدالي............ماكنهم ركبو على قب الافراس

ولا قلطوهن للكمين الموالي...........ولا صار فوق ظهورهن قطف الانفاس

ولا رددوا صم الرمك للتوالي.........كل يبي من زايد الفعل نوماس

من بينهم سمر القنا والسلالي....... مثل البروق برايح ليله ادماس

يقطعك دنيا مالها اول وتالي........لوا ضحكت للغبن تقرع بالاجراس

المستريح اللي من العقل خالي.....ماهو بلجات الهواجيس غطاس

ماهوب مثلي مشكلاته جلالي...... ازريت اسجلهن بحبر وقرطاس

حملي ثقيل وشايله باحتمالي...... واصبر على مر الليالي والاتعاس

وارسي كما ترسي روس الجبالي.. ولا يشتكي ضلع عليه القدم داس

يابجاد شب النار وادن الدلالي.... واحمس لنا يابجاد مايقعد الراس

ودقه بنجر ياظريف العيالي......يجذب لنا ربع على الااكوار جلاس

زله الى منه رقد كل سالي...... وخله يفوح وقنن الهيل بقياس

وصبه ومده ياكريم السبالي.....يبعد همومي يوم اشمه بالانفاس

فنجال يغدى ماتصور ببالي.....وروابع تضرب بها اخماس واسداس

لا خاب ضني باالرفيق الموالي....مالي مشاريه على نايد الناس

لعل قصر مايجيله اظلالي....ينهد من عالي مبانيه للساس

لاصار ماهو مدهل للرجالي.... وملجا لمن هو يشكي الظيم والباس

بحسناك يامنشي حقوق الخيالي....ياخالق اجناس ويامفني اجناس

تجعل مقره دارس العهد بالي......صحصاح دو دارس مابه اوناس

البوم في تالي هدامه يلالي....جزاك ياقصر الخنا وكر الادناس

متى تربع دارنا والمفالي......وتخضر فياض عقب ماهيب يباس

نشوف فيها الديد حان متوالي.....مثل الرعاف بخضر مدقوق الالعاس

وينتثر على البدا سوات الزوالي.....يشرق حماره شرقة الصبغ بالكاس

وتكبر دفوف معبسات الشمالي...... ويبني عليهن الشحم مثل الاطعاس

وهذي قيلت حين كان في مدينة الطائف

دنيـا

10-06-2007, 11:54AM

سيل حدر مع وادي غير واديه

شئ بقلبي يامـلا حايـر فيه..............شـئ تحيـر بـه العقـول الفهامـي
مخفيـه بفـوادي ولا ودي ابديـه...........وادور الخيـرات شرقـآ وشامـي
احترت به ماشفت شئ يحاليه ...........واليوم ابا انشـد عنـه مانيـب كامـي
سيل حدر مع وادي غير واديه.......................مدري حلال ماه ولا حرامي
كانه حلال وجايز شـرب صافيـه............وش حلله يامفسريـن الحلامـي
هاتوا تفاصيله وهاتـو معانيه.............نبـي الدليـل اللـي عليـه الكلامـي
نبي دليل يفهم الدرب ماشيه................يمشـي بـه التايـه بليـل ظلامـي
يمشي به التايه ويقدي مواطيه...........ويشرب قراح الماء ليا صـار ظامـي
لا شك هجسي يـوم خـلا مماشيه...........انـه حـرام وزود منـه الاثامـي
احرم من الزقوم مرة وحاليه...............وشربه على الظامي يزيـد الهيامـي
الله من قلب همومه تقزيه..................تـدك بـه مثـل الجـراد التهامـي
من ماجرى قامت تتله مشاحيه.............تل الرشا من فـوق هـدف المقامـي
روابع قامت تصيبه وتخطيه..................شاف الهوايل واختلاف الاسامـي
مايسمع الداعي اليا قام يدعيه..............يعوم فـي بحـرآ مـن الهـم طامـي
ماينتبـه للـي بصوتـه يناديه................يزيـد همـه يـوم كـلا ينامـي
يشوف وقتا ماعرفنـا تواليه...............وقتـا يشيـب مـن بسـن الفطامـي
هذا زمـان كاثـرات بلاويه................الغيـم يقلـب فيـه عـج وكتامـي
انبيك يامن كلمه الحـق ترضيه............اعطيـك ماينفعـك وافهـم مرامـي
قصرآ يذلك لاتقابل مبانيه..............خلـه عسـى شامـخ طويلـه هدامـي
خله عسى ماصاب اغادير يفنيه............يـودع منازلـه الطويلـه رجامـي
لو زان مدخاله وطالت حواميه.............شيد علـى الخيبـه قليـل الرحامـي
وحي يوريك المذله وتغليه....................انا اشهد انك ميت القلـب عامـي
مـن لايـودك لاتـوده وترجيه.............ارفـع مقامـك ياعزيـز المقامـي
ارفع مقامك عن عدوك وتوذيه...............ويلحقك من تركت رفيقك ملامـي
حـق الرفيـق واجبـه لاتخليه............يلزمـك مثـل الوالديـن الحشامـي
اختر عزيز الجار والحق يعطيه.............شبل علـى هـرج يقولـه يحامـي
مادك به عرق المذله وطاريه............ويسبق علـى فعـل الفضيلـه شمامـي
ومن قار ب الاجرب باالامراض يعديه.......عداوة تسطـى باللحـم والعظامـي
درب السلامه بينات مماشيه.............ودرب العطب يـرث عليـك اللكامـي
ابعد وقلبك نازح البعد يشفيه..............وتلقى عـن الـدار البغيضـه مقامـي
دارآ بدار وداعي الذل عاصيه................ولا تقبل الذلـه نفـوس الكرامـي
الذل موت حايمات ضواميه...............ادخل على منزل فـروض الصيامـي
عن مقعد بالذل عينك تراعيه.................الموت عند الـذل امـان وسلامـي
يرضى المذله من تردت هقاوويه...............والذل يجفل منه قلب العصامـي
والعبد له رب عن الناس يغنيه.............ولولاه ماصاب الهدف كل رامي

دنيـا

10-06-2007, 12:36PM

الامير الشاعر محمد الاحمد السديري
رحمه الله من شعراء عصره البارزين
انقل لكم هذه الرائعه له متمنية ان تحوز
رضاكم

للاستماع صوتي من هنا
http://www.6rb.com/song5/sh/96/alsadr.rm
الصدر ضاق وحاير والدمـع دفـاق
من ناظرٍ من جاير الدمـع مرهـوق
دمعٍ تكبه عيـن عاشـقٍ ومشتـاق
ارعد سماها بالغضب وأمطرالمـوق
إلى سفحٍ من فوق الوجان وانسـاق
تسيق منـه معيلـه مرتـع النـوق
ماحدٍ رحمني يـوم الاقـدام غـراق
من جور عبراتٍ تكسـر بصنـدوق
صدرٍ من الفرقا رمـع فيـه دقـاق
واوجس معاليق الحشا يشعلن فوق
إلى بغيـت ادلـه تذكـرت الافـراق
طفلٍ على شـل المعاليـق مطفـوق
طفلٍ نفل بالزين شخصات الاعنـاق
عز الله أنه طالنـي منـه ملحـوق
فيما مضى دنياي جتلـي بالاوفـاق
وردت عـدٍ قبـل ماهـو مطـروق
جيت الحبيـب دالـه بالكـرى راق
ومجوهرات مبيسمـه ذقتهـن ذوق
يوم أنتبه لي صاحبي عقب مافـاق
دلى يعاتبني علـى الغـدر والبـوق
يقول مامثلـك لـلأ جـواد سـراق
ولا انتب على هذا من الناس مسبوق
قلت اعذرو من زاركم ما له ارفـاق
وروس الافاعي بالقدم حطهن سوق
ماله صديقٍ وبـه يضيعـن الافـاق
وليا جفيتـه مايبـي كـل مخلـوق
واسفر حجاجه وابدل الوجه باشراق
وافتر عن بيض تكاشف بها بـروق
منهن سقاني كأس خمـرٍ بتريـاق
زود على مافات بالغـدر مسـروق
احباب الاحبـاب تعاطـوا بالاريـاق
وارواح تحيا بين عاشق ومعشـوق
هو حط ذرعانه لي فـراش وارواق
وأنا لويت العضـد لمعنقـه طـوق
عليه مـن شقـر العكاريـش دلاق
تزها لجسم فارع الطـول ممشـوق
ثوبه نظيفٍ ولا وطا فيـه عشـاق
وثوب الخنا يجوزبه كـل منطـوق

دنيـا

10-06-2007, 12:55PM

فـي منامي

في منامي زارني طيف الحبيـب قلت له يامرحبا وش هـا لبطـا
الجفايا ياصاحبي منكـم غريـب وانت ماعودتنـي كثـر الخطـا
ليه تنسى الحب يالغض الرطيـب ليه تنسى نومنـا تحـت الغطـا
حبكم وسط الحشا جرحه عطيـب في ضميري يابعد روحـي سطـا
من جميع الخلق ما غيرك قريـب من مشى تحت السما فوق الوطا
ياطبيب الروح ماغيـرك طبيـب بالرضا عودتنـي زيـن العطـا
جض قلبي في الحشا عقب اللهيب من فرقاك مثـل ماجـض القطـا

--------------------------------

لبيك يا سلكا حملـت الفضائـل
أوعز لصاحبك بتحريـر قيـدي
يعني بحكينا .. لبى والله عروقك
متى تعيد في عيوني يا عيـدي

دنيـا

10-06-2007, 01:01PM

يقول من بايات فكــــره تكلـــــــم

يقـول مـن بايـات فكـره تكلـم
ايات مصدرهـا خفـي الضمايـر
ان دك بي داكـوك قمـت اتعـزم
اخفيه لو أنه على الـروح جايـر
اخفيه عن ماكان لو هو ولـد عـم
لاقابـلٍ شـوره ولا هـو بشايـر
اخـاف أبـوح السـر ثـم اتنـدم
ويـدري بسـري السـر بـايـر
الناس بلوى الناس بالحكي تظلـم
وبعض الصغاير يجعلونـه كبايـر
كم قالـةٍ بالحكـي قامـت تعظـم
كبرت ولو هي من صغار الصغاير
تلفح وعنـد ولادهـا ينثـر الـدم
ويلفحك من حامي هواهـا سعايـر
تالد كسوب وبين الأشـرار تتـوم
تتـوم باتلاهـا تجـر الجـرايـر
واليا ندهني واحدٍ قلـت لـه سـم
بالطيـب قلبـي ماتمهـل يخايـر
ياما على الشدات نصبـر ونجـزم
ان ضيعت بعض الرجال البصايـر
ان قامـت الاريـا تفـرق وتلتـم
لاضائـعٍ رائـي ولا نيـب حايـر
وان كان بعض الناس بالضيق تهتم
امشي بدربي بأوسط الضيق ساير
وان شفت من هو من زمانه تهضم
قلـت الهظايـم للعـذاري برايـر
وان شفت ميلات الزمان وتضخـم
بالعزم هو والحزم شفت البشايـر
احدٍ بفعل الطيـب يذكـر ويحشـم
واحدٍ عن الطولات حايـر وخايـر
لعل بيتـه بيـن الأبيـات يهـدم
هذاك حواش الـردى والخسايـر
يابعد فرق النـاس كافـر ومسلـم
تخيـروا يامـدوريـن الذخـايـر

دنيـا

10-06-2007, 01:02PM

الله من هم ٍ بروحي سهجها

الله مـن هـم بروحـي سهجهـا
بخافي ضميري في كنين الحشا لاج
أحـر مـن نـار توقـد وهجهـا
منها خطر روحي على سلك ديباج
وعينٍ عسى المولى يعجل فرجهـا
غيظٍ يكظ عبارها مثـل الأمـواج
كم واحـدٍ لـه غايـةٍ ماهرجهـا
يكنها لـو هـو للادنيـن محتـاج
يخاف من عوجا طـوال عوجهـا
هرجت قفا يركض بها كل هـراج
يقضب عليك المخطية من حججها
حلو نباة وقلبه أسود من الصـاج
الله خلـق دنيـاً وسـاع فججهـا
وعن مايريب القلب لك كم من هاج
والرجل وان شطت لياليك سجهـا
عسى تواليهـا تبشـر بالافـراج

دنيـا

10-06-2007, 01:03PM

أنـا مـن نجد

أنا من نجد يكفيني هواهـا
ويبري لوعتي شربي لماها
وشوفي من نبيه ومن نوده
غزال تابـع قلبـي هواهـا
غزال ضيعت عقلي وروحي
رمت قلبي وقلبي مارماهـا
لها بالروح وفؤادي مـودة
ولاشىء من احوالي خفاها
تعرف أني لها مملوك طايع
أبيع الروح في دورة رضاها
أهيم بحبها واخفي جروحي
وقلبي ماعشق زول سواها
توقد حبها باقصى فـؤادي
ونار الحب يحرقني لظاهـا
ملكني بالهوا عذب السجايا
ولااذكر ساعة قلبي نساهـا
نحيل الخصر وضاح الثنايا
نظيم الـدر منظـوم بفاهـا
فجعني بالهوا ورقا حمامـة
وعيني منه جاهـا ماكفاهـا
ورا دنياي عقبه لوعتنـي
من الفرقا تكر لي صفاهـا

دنيـا

10-06-2007, 01:04PM

غـنيت مـا قصدي طرب في حياتي

غنيت ما قصدي طرب فـي حياتـي
لاشـك فـي دورات الأيـام غنيـت
وجاوب ورق الراعبي عن سكاتـي
غنـا وانـا غنيـت مثلـه وونيـت
نشدتني عـن حالتـي يـا شفاتـي
وأنا مريض القلب لو أنـي اخفيـت
اضحك وونـات الحشـا موجعاتـي
واشرب قراح وكن شربي من الزيت
وبالعين يا خالـد نشـوف الجناتـي
يا عز راسي شفت الاجرام واغضيت
واغيب كنـي محرمـن بالصلاتـي
لو هو ندهني رافع الصوت ما اوحيت
محدن يعـرف جروحـي الخافياتـي
واليا نشدني واحدن عنـه صديـت
اصـد وابغـض ناقليـن الوشاتـي
واناجي اللـي مـا لغيـره ترجيـت
ما اظن بـه حـي يسـوي سواتـي
وحيد بالدنيـا وأصـارع عفاريـت
واذكـر دروب ايامنـا الماضيـاتـي
والحقت مع عبرات صدري تناهيـت
ياكثـر مـا شفنـا مـن العايباتـي
واليا زعلت من الخطا قالوا اخطيـت
وطاحت عن الكتفين مجـة عباتـي
وحلقـت بالأفكـار ثـم استجلـيـت
وفكرت في شىء جـرا لـي وفاتـي
حيفٍ يفتت بسـرة القلـب تفتيـت
من جور هولـه زلـزل الراسياتـي
يميت حي وباللحـد يزعـل الميـت
ويشيب طفـل ويذهـل المرضعاتـي
ينسن رضيع الديد صرعـا مباهيـت
وانـا برجـوى مجـري الكايناتـي
وكبـرت باسمـاه العزيـزه ولبيـت
اللي عصم يوسف عـن الخايناتـي
ورده على يعقوب عقـب التفاخيـت
كلـن يقـول انـه بفعلـه زنـاتـي
والفعل راحوبه هل المجد والصيـت
مـا ريـد دار الـذل دار العصاتـي
دار الخنا والغـدر منهـا استخليـت
متـى عليهـا نسمـع النايحـاتـي
ودار الثنا والجـود فيهـا زغاريـت
يالله يلـلـي تعـلـم الخافـيـاتـي
انـك تمسيهـا علـى مـا تمنيـت

دنيـا

10-06-2007, 01:06PM

لولا ماروضت نفسي

لولا الرجا و أعلل القلب بوعود
بوعود خل صار شوفه شفاقـه
لولاه ماروضت نفسي على الكود
ومن كل خلق الله عشقته عشاقه
اختار قلبي بالهوا ناعـم العـود
ما غيره أحد بالمخاليـق شاقـه
طفل عليه من البها ستر و عقود
زين القوام اشباه وجهه دقاقـة
ان كان شفته فتح القلب بـورود
و ان غاب دايم دمعتي من فراقه
طفل سحرها روت بشفاه منضود
اللي نهب مكنون قلبـي سراقـه
مادام هو ماجود فالحب ماجـود
وسط الضماير مبهمـات حلاقـه
يا ناس أنا أحبه ولا فيه منقـود
وقلبي لغيره ما يعرف الصداقـه
يا ناس حبي له بلا سلم و حدود
و فراق روحي من سبايب فراقه

دنيـا

10-06-2007, 01:06PM

يـنام مـنهو مـايعرف الـهمومي

ينام منهـو مايعـرف الهمومـي
وعيني اليا ناموا حريب لها النوم
الله يلـوم اللـي لحالـي يلومـي
لا ساهرن سهري ولاهو بمهـوم
ماهو بمثلي يزعجـه كـل يومـي
همن يلوج بداخل الصـدر مكتـوم
لامبديـن أسـرار قلبـي لقومـي
واللي بسر الغيب ماهـو بمفهـوم
أخاف أبوح السر تبـدأ الثلومـي
وتاقف على مكنون سري هل اللوم
عاهدت قلبي ما يبـوح العلومـي
ولايويـق بغايتـه كـل مـذمـوم
بالليل أساهر ساريـات النجومـي
والصبح أعدى بالنباكـل مزمـوم
اوجس بقلبي مثل حر السمومـي
ولا صفالي خاين الدهـر لويـوم
يا سيف قم لعـل حظـك يقومـي
ولعل ابوك بساعه الحشر مرحـوم
النـار شبـه ياقـوي العزومـي
وهات الدلال وترك النوم لرخـوم
خابـرك بالطيـب ودودورحرمـي
قم سو مايبعد عنـا كـل شغمـوم
فنجال بـن مايحضـره رخومـي
مبهرن مابيـن الاجـواد مقسـوم
ارواحنـا بافـلاك الايـام تومـي
مهما يطول العمر فالاجل محتـوم
روحي بيد فارض صلاتي وصومي
اللي بحبل اليسر ينجي لمضيـوم
الواحد اللـي نطلبـه كـل يومـي
منجين يوسف وهو قبـل مظلـوم
دنيا الشقايا يا سيف ماهي تدومي
كم واحدن فيها مشيحن ومنجـوم
وافراح اليا قالوا تقافـت غيومـي
على شفا الباطن وهو قبل ماسوم
حيثه مرب لكل وضحـا ردومـي
اللي بها زودن على الطوق برشوم
عسا تعله مرهشـات الوسومـي
يمطر عليها الوبل يومن بعد يـوم
عشبه يغطي نايفـات الحزومـي
فيه الزهر فوق الزماليق منضـوم
مخالف النـوار غـادي سهومـي
والعشب من وبل المراهيش كيهوم
فيه ام سالم من طربهـا تعومـي
تلفح بسمح الريش في كل مرجوم
من الطرب في كل روض تحومـي
وتقضي الدنيا زغاريت وسجـوم
ان شافت النـوار نبتـه يزومـي
ما سايلت عن حال معطي ومحروم

دنيـا

10-06-2007, 01:07PM

طيرك غدا بالصيف شاف التناكير

طيرك غدا بالصيف شاف التناكير
حدنـه العقبـان ليـن اقلعـنـه
والطير وقت القيض شر بلاخيـر
تتعـب وكـل ايديـك مايشبعنـه
عندي عوض طيرك ليال المخاظير
فـرخ قرانيـس الهـوا علمنـه
تحير في وصفه جميع الصقاقيـر
نضمن عيونه سـود بحجورهنـه
اشقر عديم ينثر الريـش تنثيـر
وايديـه شكـاة الغلـب ينثرنـه
وان صرة قدام السلف والمظاهير
بامخافق الاجـوال يعجبـك فنـه
طير يعوضك ياصبـي المخاسيـر
وخل الصياح اونة الصـدر كنـه
قبلك بكينا الطير ويـا iiالغناديـر
قد عذبـن القلـب ثـم اوجعنـه

دنيـا

10-06-2007, 01:08PM

ونات الحشا

كـل مـا جريـت ونـات الحشـا
زادت الونات فـي قلبـي جـروح
من هو اللي ما على الدنيـا مشـا
مثل زوله لا ومنشـي فلـك نـوح
يـوم شفتـه فـز قلبـي وانتشـا
وابدلت روحي بعد شوفـه بـروح
قـال طامـع قلـت لا لا لا حشـا
بس ابي من فاك يالغالـي صبـوح
نـور خـدك مثـل بـراق نشـا
ضاح لي في نور وجهك نور ضوح
يا حبيبـي لا تطـاوع مـن وشـا
من حكـى بفراقنـا قلـه يـروح

دنيـا

10-06-2007, 01:09PM

وراك تـوريـنا الـجفا والـقطيعه

راك تورينـا الجفـا والقطيـعـه
وحنالك اطوع من بنـان اليدينـي
نشري رضواك وكل شـي نبيعـه
وحيـاة ربٍ يبـعـث الميتيـنـي
ونمشي بشف ارضاك وامرك نطيعه
اللي يصيبك عـارف انـه يجينـي
لـو ان نفسـي للمعالـي رفيعـه
بالعين اجلك جاعلك لـي ضنينـي
ايامنـا هـي والليالـي سريـعـه
ومـازان بالدنيـا لـزوم يشينـي
الله كفيل الناس وارضـه وسيعـه
عالـم خفايـا نيـة الجاحديـنـي
لابد مـن يـوم نشـوف الشنيعـه
ونتبع طريـق اجدودنـا الاولينـي
الروح تبقـا ليـن ياصـل وديعـه
والاجل مكتـوبٍ بعالـي الجبينـي
نفسي لها عشريـن عـام وجيعـه
ويشهد علي ماقلت عوج السنينـي
الـى تبهـا نجـد واقبـل ربيعـه
نشـوف شـيٍ فطَـن الغافليـنـي
وبغضت شوف الناس جمعا جميعه
وقمـت اتمنـا منـزل الفرقدينـي
من ربعنا الادنين شفـت الهزيعـه
وقد قالوا النـاس المغطـا يبينـي
وشفنا الحقايق واكتشفنا الخديعـه
لاشك ضـاع الحـق يالفاهمينـي
حقي غدوبـه مبغضيـن الشريعـه
غدوبـه الانــذال يالغانميـنـي
وبنيت رجم وقلـت هـذا مضيعـه
حتى يعرفون الخطا الـلا حقينـي
لو هو بالايدي كان اخذتـه قريعـه
غصبٍ على الحساد والمبغضينـي
وقمت اتذكر فعل راعـي البديعـه
وقتٍ زمانـه شيـب المصغرينـي

دنيـا

10-06-2007, 01:09PM

يقول من عدى على راسي عالي

يقـول مـن عـدا علـى راس عالـي
رجـم طويـل يدهلـه كــل قـرنـاس
فـي راس مرجـوم عسيـر المنـالـي
تلعب بـه الاريـاح مـع كـل نسنـاس
فـي مهمـة قفـر مـن النـاس خالـي
يشتاق له من حـس بالقلـب هوجـاس
قعـدت فـي راسـه وحـيـد لحـالـي
براس الطويـل ملابقـه تقـل حـراس
متذكـر فـي مرقـبـي وش غـدالـي
وضعقت بالكفيـن يـاس علـى يـاس
اخــذت اعــد ايامـهـا والليـالـي
دنيـا تقلـب مـا عرفنـا لهـا قيـاس
كـم فرقـت مـا بيـن غالـي وغالـي
لوشفت منهـا ربـح ترجـع للافـلاس
يقطعـك دنيـا مـا لهـا اول وتـالـي
لو اضحكـت للغبـن تقـرع بالاجـراس
المستريـح اللـي مـن العقـل خـالـي
مـا هـو بلجـات الهواجيـس عطـاس
ماهـوب مثلـي مشكـلاتـه جـلالـي
ازريـت اسجلهـن بحبـر وقـرطـاس
حملـي ثقـيـل وشايـلـة باحتمـالـي
واصبر على مر الليالي والليالي والاتعاس
وارسـي كمـا ترسـي رواس الجبالـي
ولا يشتكـي ضلـع عليـه القـدم داس
يابجـاد شـب الـنـار وادن الـدلالـي
واحمس لنا يابجـاد مـا يقعـد الـراس
ودقـه بنـجـر ياظـريـف العيـالـي
يجذب لنا ربـع علـى اكـوار جـلاس
وزلـه الـى منـه رقـد كـل سـالـي
وخلـه يفـوح وقنـن الهيـل بقيـاس
وصبـه ومــده ياكـريـم السبـالـي
يبعـد همومـي يـوم اشمـه بالانفـاس
فنجـال يغـدي مـا تـصـور ببـالـي
وروابع تضرب بها اخمـاس واسـداس
لاخـاب ظـنـي بالرفـيـق المـوالـي
مالـي مشاريـه علـى نايـد الـنـاس
لعـل قصـر مــا يجيـلـه ظـلالـي
ينهـد مـن عـال مبانـيـه للـسـاس
لاصـار مـا هـو مـدهـل للرجـالـي
وملجا لمن هو يشكـي الضيـم والبـاس
بحسنـاك يامنشـي حقـوق الخيـالـي
ياخالـق اجنـاس ويامغنـي اجـنـاس
تجعـل مقـره دارس العـهـد بـالـي
صحصـاح دوِّ دارس مـابـه اونــاس
البـوم فـي تـالـي هـدامـه يـلالـي
جـزاك ياقصـر الخنـا وكـر الادنـاس
مـتـى تـربـع دارنــا والمغـالـي
وتخضر فياض عقب مـا هيـب يبـاس
نشـوف فيهـا الديـدحـان متـوالـي
مثل الرعاف بخصـر مدقـوق الالعـاس
ونثير علـى البيـدا سـوات الزوالـي
يشرق حماره شرقـة الصبـغ بالكـاس
وتكبـر دفـوف معبسـات الشمـارلـي
ويبني عليهن الشحـم مثـل الاطعـاس

دنيـا

10-06-2007, 01:10PM

يافيصل

اشوف ديّاني وقف لي على البـاب
يبغى الوفا منـي ويبغـى حسابـه
ماينسـى ديـن تقـفـاه طــلاب
والديـن مايوفيـه كثـر الطلابـه
يافيصل اودعك توديع مـن غـاب
لاترتجيه انـه يجـي مـن غيابـه
غيبة دهر ماهوب شهر عد وحساب
فـي مظلـم ينهـد فوقـي ترابـه
اوصيك يافيصل تخيـر بالأنسـاب
كل تعـوض فيـه كـون النسابـه

دنيـا

10-06-2007, 01:11PM

(( لولا الفقر))

لولا الهرم والفقر والثالث المـوت
يالا دمي بالكـون ياعظـم شانـك
سخرت ذرات الهوى تنقل الصوت
وخليتها اطوع من تحـرك بنانـك
جماد تكلمها وهي وسـط تابـوت
تاخذ وتعطي ماصدر مـن بيانـك
وعزمت من فوق القمر تبني بيوت
من يقهرك لو هو طويـل زمانـك
لولا الثلاث وشان من قدر القـوت
نفذت كـل اللـي يقولـه لسانـك

دنيـا

10-06-2007, 01:12PM

ان صار زود المال بيدين الانذال

إن صار زود المال بيدين الانـذال
حنّا مـن المعـروف تنـدا يدينـا
وان كانهم شرهوا على طيب الافعال
حنّـا وردنـا جمامهـا وارتوينـا
وان فكّروا للجود يمشـون رحّـال
حنّا قبـل يمشـون يّمـه خطينـا
يا ما لبسنا للشـرف كـل سربـال
وعلى البسيطـة للفضيلـة مشينـا
في دوحة العربا لنا مجـد وظـلال
وحنّـا علـى در المكـارم غذينـا
لو نجمع اللي فات منا مـن المـال
إن كان شيدنـا القصـور وبنينـا
نعطي ولا نتبـع عطانـا بالاقـوال
ونبذل ونسكـت كننـا مـا عطينـا
وان باعوا الشيمة بدينـار وريـال
حنـا دخلنـا سوقهـا واشتريـنـا
نطلع لها لو هي على روس الاقذال
لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال
إلـي نساهـا غيرنـا مـا نسينـا
أسود سـادات ٍ تسجـل للاشبـال
فضايـل ٍ شمنـا لهـا واهتديـنـا
بيض ٍ نسجلهن جديـدات وسمـال
حفايـظ ٍ لاحفـادنـا اللاحقيـنـا
نصبر على الشّدات لو شيلنا مـال
لو سـال دم دفوفنـا مـا شكينـا
نخـاف يلقـى سدنـا كـل ختّـال
ويبنـي هزيـلات المعانـي علينـا
الليل يا خالد علـى والـدك طـال
وهنّيـت نـاس ٍ بالكـرا نايمينـا
يا عز راسي شفت ما خبث البـال
شـي ٍ يهـوّل شيّـب الجاهليـنـا
شي ٍ من اسبابه يشيـب بالاطفـال
فطّر خشـوم مهجرعـات الحنينـا
أدير قـالات ٍ عريضـات وطـوال
قـالات خلـنّ المخـفـىّ يبيـنـا
منهن رزين العقل بالوقـت يهتـال
بوقت ٍ عبـوس ٍ فطّـن الغافلينـا
وقت ٍ من اسبابه شكى كل ريبـال
نصبـر ونسكـت كننـا غايبيـنـا
النـاس بالأيـام راحـل ونّــزال
وتفجعهـم الدنيـا وهـم دالهينـا
وحيات رب ٍ نـزل آيـات الانفـال
عالـم خفايـا نـيـة الحاقديـنـا
ما اترك طريق العدل في كل الاحوال
لـو يرحـل المريـخ للفرقديـنـا

دنيـا

10-06-2007, 01:19PM

السلام عليكم ورحمة الله

هذه قصيده اعجبتني لشاعر محمد الاحمد السديري
للاستماع
http://www.6rb.com/song5/sh/96/yamtlf.rm

يامتلف روحي تحملت الآثام "=" ماخفت من يوم تدور الدواير

يهب دولاب الهوى لي بالاولام "=" ونقضي الديون المرمسات الكباير

لاتامن الدنيا ودورات الايام "=" اخاف من ناس يقولون باير

راقب ولي العرش ياخشف الاروام "=" يامترفن حكمه على الروح جاير

عانيك جسمه هيكل جلد وعظام "=" تشهد محاني لوعته والجباير

وتشهد عليه دموعه الغزر خرام "=" من فوق عينه خده نثاير

ويشهد عليه اليا وطا دارك العام "=" ياقف على مضراب الاطناب حاير

ياما براس الناب عظيت الابهام "=" وقفت في تالي منازلك خاير

قل لي بحرف القاف والبا مع اللام "=" والف تكمل جلها والصغاير

افتل بحبلي وانت تنقض بالابرام "=" وجرعتني غل يفت المراير

بين شفتيك شفا فؤادي والاوهام "=" واسألك بالله عن خفي الضماير

اما بحبل الوصل تنصف بالاحكام "=" والاتجور وكل ماقلت صاير

وارضى بحكمك ماشين درب الاسلام "=" مملوك والمملوك بالامر ساير

واقول هذا راس مالي والاقسام "=" واليا تردا الحظ تعمي البصاير

ياطاردين العشق باوهام واحلام "=" خوذوا كلام اللي بالاصلاح شاير

العشق مره علقمن رايبن سام "=" وحلوه عصير الكرم بالكاس فاير

لاشك شره ضد خيره اليا قام "=" وكم عاشقن بصباه زار الحفاير

ذا قول منهو ساهر الطرف مانام "=" يعد شئ شاهده بالنظاير

شاهد بعينه من مشاله بالاجرام "=" وعسى على الباغي تدور الدواير