بدر بن صقر العجالين
08-23-2009, 06:44AM
بسم الله الرحمن الرحيم
السلام عليكم ورحمة الله وبركاته
اولا مبارك عليكم الشهر جميعا وكل عام وانتم بخير..
بصراحه هذي قصيده ولها قصه حزينه وسالفتها أني في يوم من الأيام قبل فتره من الزمن عند الساعه 12 ظهرا او مايقارب ذهبت إلى محطه لغسيل السيارات ولفت انتباهي طفل من احدى الجنسيات العربية عمره لا يتجاوز الـ13 سنه يقوم بغسل السيارات في هذه المغسله ، وعندما نظرت إليه لاحظت ان وجه الطفل حزين ومختلط بالعرق وزيوت السيارات وكان هو الشخص الذي يغسل سيارتي ، المهم ناديته وسألته عن عمره وعن دراسته فأجاب بالنفي عندما سألته عن الدراسه ، وقال أنه مرتبط بوظيفته ويريد ان يعيل أسرته والفقر هو من يمنعه من الدراسه ، فنظرت أليه لمده قبل أن أطلب منه الإنصراف.....وحمدت الله عز وجل على النعمه والعافيه لأنني عندما كنت في عمره كنت اذهب إلى المدرسه وكنت أحظى بالرفاهية وجميع سبل الراحه في حياتي اليوميه على عكس هذا الطفل المسكين الذي اتمنى من الله عز وجل ان يرزقه ويغنيه..
المهم مالكم فالطويله عاد طلعت معي ذا القصيده اللي قلت فيها :
قلبي رهيف وأملك شعور واحساس=وأقدر الموقف إذا كان محسوس
مانيب ميّت والبلا موتة الناس=بعض البشر حي(ن) به الموت ملموس
أمس الضحى والشمس وسطى على الراس=حرن شديد ويطبخ بشدته روس
لو كان عندك بن من دون محماس=حطه بوسط الشمس تاتيه محموس
لقيت لي طفل(ن) مع الفقر محتاس=حده زمانه يشتغل يجمع فلوس
بحر العرق أصبح به اليوم غطاس=والريق ناشف والظما فيه مغروس
والهم راسم له على الوجه بقياس=لوحة ألم تشرح عن الضيق بطقوس
وعيالنا من دون دفتر وكراس=ومدرس(ن) يشرح لهم عدة ادروس
ياليت فيهم واحد اليوم دراس=خلوا جدار المدرس شبه ناموس
تلقى بوسط الدرس مليون هوجاس=في صدر طالبنا مع فكره يحوس
وده يدخن ياعسى يضبط الراس=او ينطل الموتر على الخط ويدوس
او يضرب محمد على راسه بفاس=او يعزم الشله على عيش مكبوس
ومتابع الدوري ومن ياخذ الكاس=او فرشه وشاهي على راس الطعوس
ياليت صرتوا للوطن شبه نبراس=او جبتوا الصاروخ مع ذرة الروس
يلي تعاين عاين الوضع حساس=عينك على ايران لا تقلب الكوس
صار الخليجي وسط الاموال بنعاس=والوضع لا واضح ولاهوب مدروس
الله يكافينا نوايا ذا الأنجاس=والحمد للي نعمته ثوب ملبوس
يلي تغسل موتري قول لاباس=عساك من شر الزمن دوم محروس
المجتمع ماهوب مبني على ساس=صار التفرق يغزي نفوس وانفوس
واللاش تال الوقت اصبح كما الراس=يملك على كيفه واهو بنك الفلوس
فالمجتمع يلعب على كل الاجناس=يلهو ويقرع كاسه اليوم بكؤوس
الرجل تال الوقت يافلان ينداس=والحر وسط الشبك ياهيه محبوس
ودي أساعد مير انا رمز الافلاس=لا لا تهيض داخلي ألف هاجوس
مفلس وطرقي بالطواريق عساس=واغني المسحوب وآجر منكوس
في عيني الأبيات أغلى من الماس=كني رئيس وصافي الشعر مرؤوس
خلها على الله جالي(ن) كل وسواس=والدمع خله وسط الأعيان مدسوس
والبير ناضب والمواريد يباس=لا ترتجي ياهيه فزعات مضروس
وسلامتكم..
السلام عليكم ورحمة الله وبركاته
اولا مبارك عليكم الشهر جميعا وكل عام وانتم بخير..
بصراحه هذي قصيده ولها قصه حزينه وسالفتها أني في يوم من الأيام قبل فتره من الزمن عند الساعه 12 ظهرا او مايقارب ذهبت إلى محطه لغسيل السيارات ولفت انتباهي طفل من احدى الجنسيات العربية عمره لا يتجاوز الـ13 سنه يقوم بغسل السيارات في هذه المغسله ، وعندما نظرت إليه لاحظت ان وجه الطفل حزين ومختلط بالعرق وزيوت السيارات وكان هو الشخص الذي يغسل سيارتي ، المهم ناديته وسألته عن عمره وعن دراسته فأجاب بالنفي عندما سألته عن الدراسه ، وقال أنه مرتبط بوظيفته ويريد ان يعيل أسرته والفقر هو من يمنعه من الدراسه ، فنظرت أليه لمده قبل أن أطلب منه الإنصراف.....وحمدت الله عز وجل على النعمه والعافيه لأنني عندما كنت في عمره كنت اذهب إلى المدرسه وكنت أحظى بالرفاهية وجميع سبل الراحه في حياتي اليوميه على عكس هذا الطفل المسكين الذي اتمنى من الله عز وجل ان يرزقه ويغنيه..
المهم مالكم فالطويله عاد طلعت معي ذا القصيده اللي قلت فيها :
قلبي رهيف وأملك شعور واحساس=وأقدر الموقف إذا كان محسوس
مانيب ميّت والبلا موتة الناس=بعض البشر حي(ن) به الموت ملموس
أمس الضحى والشمس وسطى على الراس=حرن شديد ويطبخ بشدته روس
لو كان عندك بن من دون محماس=حطه بوسط الشمس تاتيه محموس
لقيت لي طفل(ن) مع الفقر محتاس=حده زمانه يشتغل يجمع فلوس
بحر العرق أصبح به اليوم غطاس=والريق ناشف والظما فيه مغروس
والهم راسم له على الوجه بقياس=لوحة ألم تشرح عن الضيق بطقوس
وعيالنا من دون دفتر وكراس=ومدرس(ن) يشرح لهم عدة ادروس
ياليت فيهم واحد اليوم دراس=خلوا جدار المدرس شبه ناموس
تلقى بوسط الدرس مليون هوجاس=في صدر طالبنا مع فكره يحوس
وده يدخن ياعسى يضبط الراس=او ينطل الموتر على الخط ويدوس
او يضرب محمد على راسه بفاس=او يعزم الشله على عيش مكبوس
ومتابع الدوري ومن ياخذ الكاس=او فرشه وشاهي على راس الطعوس
ياليت صرتوا للوطن شبه نبراس=او جبتوا الصاروخ مع ذرة الروس
يلي تعاين عاين الوضع حساس=عينك على ايران لا تقلب الكوس
صار الخليجي وسط الاموال بنعاس=والوضع لا واضح ولاهوب مدروس
الله يكافينا نوايا ذا الأنجاس=والحمد للي نعمته ثوب ملبوس
يلي تغسل موتري قول لاباس=عساك من شر الزمن دوم محروس
المجتمع ماهوب مبني على ساس=صار التفرق يغزي نفوس وانفوس
واللاش تال الوقت اصبح كما الراس=يملك على كيفه واهو بنك الفلوس
فالمجتمع يلعب على كل الاجناس=يلهو ويقرع كاسه اليوم بكؤوس
الرجل تال الوقت يافلان ينداس=والحر وسط الشبك ياهيه محبوس
ودي أساعد مير انا رمز الافلاس=لا لا تهيض داخلي ألف هاجوس
مفلس وطرقي بالطواريق عساس=واغني المسحوب وآجر منكوس
في عيني الأبيات أغلى من الماس=كني رئيس وصافي الشعر مرؤوس
خلها على الله جالي(ن) كل وسواس=والدمع خله وسط الأعيان مدسوس
والبير ناضب والمواريد يباس=لا ترتجي ياهيه فزعات مضروس
وسلامتكم..