مشعل بن جريد
08-05-2009, 11:40AM
الفتنه اللي علمت رشفة الكوب
ان الحلا لو قل يطغى حلاها
ياليتها ما درست ميلة الثوب
على الهوا والناس تمشي وراها
كن الخصر تصميمها بالفوتوشوب
ماتشيل همه يوم تلبس رداها
بينه وبين الصدر طالب ومطلوب
كلاً على الرزه يدور رضاها
قسوة كمثرى لا تثنت تحت روب
وانعم من الورده ليا زاد ماها
سحر النفود بخدها حزة غروب
وجمرة غظا مكتظة" في شفاها
ماهي بحاجة صبغ أو خافي عيوب
من حسنها كن المرايا اتباها
لاوقفت قدامها ماش عذروب
لكن تذكر نعمة اللي عطاها
وامن الحيا لاسولفت كنها تذوب
وانا اشوف اسيوفها في حياها
من ذوقها احس ماعندي اسلوب
ما كني الا غيمة" في سماها
قالب ثقافه داخل الثغر مسكوب
في اسمها في شعرها في مداها
وان جيت للهيبه تقل شيخ منصوب
منصوب دوله في ديار اغرماها
بنت الشيوخ معربه مابها شوب
من دونها جفت حلوق اخطباها
كم راس قوم قال والله ما اتوب
لاجلس اعزوبي والعمر من فداها
مشعل بن جريـــَد
ان الحلا لو قل يطغى حلاها
ياليتها ما درست ميلة الثوب
على الهوا والناس تمشي وراها
كن الخصر تصميمها بالفوتوشوب
ماتشيل همه يوم تلبس رداها
بينه وبين الصدر طالب ومطلوب
كلاً على الرزه يدور رضاها
قسوة كمثرى لا تثنت تحت روب
وانعم من الورده ليا زاد ماها
سحر النفود بخدها حزة غروب
وجمرة غظا مكتظة" في شفاها
ماهي بحاجة صبغ أو خافي عيوب
من حسنها كن المرايا اتباها
لاوقفت قدامها ماش عذروب
لكن تذكر نعمة اللي عطاها
وامن الحيا لاسولفت كنها تذوب
وانا اشوف اسيوفها في حياها
من ذوقها احس ماعندي اسلوب
ما كني الا غيمة" في سماها
قالب ثقافه داخل الثغر مسكوب
في اسمها في شعرها في مداها
وان جيت للهيبه تقل شيخ منصوب
منصوب دوله في ديار اغرماها
بنت الشيوخ معربه مابها شوب
من دونها جفت حلوق اخطباها
كم راس قوم قال والله ما اتوب
لاجلس اعزوبي والعمر من فداها
مشعل بن جريـــَد