يــــاشــاعــره

[عويد كسار العنزي]

قلت اكتبيني ياالغلا قالت اكتبك
قلت اتركي حبر القلم واكتــبيني


حبر القلم ياشاعره ما يحاسبك
مــن دم قلــبك حاولي تنزفيـــني


اني على عهد الوفا شاعر اعجبك
ماني على وجــه الـورق تحرقيني


ماابغاك تتبع خطوتي لين اعــذبك
مارضـــى عليك بدمعتك تعشقيني


قلت اعذب بيوت الشعر قالت اكذبك
قلت اصدق بـيوت الغلا عذبيني


اسأل ظميرك داخلك وش يجاوبك
فرقـى غلا والا الغلا تتــركيــني


والياانسفك دمي معك من يطالبك
اروح ثـــار بدمــعتـــك واقــتليني


قلت اكتبــيني يالغلا قالت اكـــتبك
قلت الحزن ياشاعره واكـــتبيني

[عقاب]

عويد


قصيده تحمل جمال الشعر الحقيقي استمتعت بقرائتها كثيراً


صح لسانك صح لسانك


تحياتي

[عويد كسار العنزي]

اخوي عقاب

صح بدنك وشاكر لك مرورك

لك مني كل تحيه وتقدير

[سفير المعاني]

الغالي
الشاعر
عويد كسار العنزي

الله يسعدك ويوفقك بالخير

اسعدني مروري على متصفحك

والحامل لهذه القصيده الرائعه

بسبكها ومعناها الاجمل والمميز

وصح لسانك وعلا شانك يالغالي



وتقبل تحياتي

[زايد الدغماني]

عويد كسار

وجزالة الاشعار

قصيده رائعه من شاعر لا ياتي الا با الرائع والفريد

امتعك الله با العافيه كما امتعتنا ايها الرااائع


صح السانك ورفع الله قدرك وشانك

[عيون الفجر]

الكسار

سلم بنانك مناجاة عذبة

قرأتها هنا

تقديري لك

[شموخ نجد]

الشاعرالمبدع
عويد كسارالعنزي
صح لسانك وعلى شانك
قصيده رائعه بماتحوي من عذوبة الكلمه
والجمال
لاهنت
دام نبضك وابداع قلمك
وبنتظار المزيد بشوق
وفقك الله ورعاك
ودمت بخيرومحبه

[عويد كسار العنزي]

اخوي سفير المعاني صح بدنك يالغالي والله يسعد ايامك كل تحيه وتقدير لك فأنا من اسعدني مرورك

ودمت بخير

[عويد كسار العنزي]

زايد الدغماني
صح بدنك وماعليك زود يالغالي ردودكم الجميله هي محفز الشاعر لكتابة الابداع

لك مني كل تقدير واعذب تحيه

[عويد كسار العنزي]

الشاعره/ عيون الفجر
صح بدنك وتسلمين على مرورك العذب

[محمد القباني]

صح لسانك وعلا شانك
أخوي الشاعر
عويد كسار العنزي

لك تحياتي

[عويد كسار العنزي]

شموخ نجد

صح بدنك وتسلمين على الأطراء والله لايحرمني من ردك الجميل الذي اتقلده وسام عز وفخر على صدري


لكي مني كل تقدير واعذب تحيه

[عويد كسار العنزي]

محمد القباني صح بدنك تشرفت بمرورك

[عبدالكريم الضبيب]

عويد كسار العنزي

صح لسانك ..
قصيده رائعه بمعنى الكلمه
تحمل سيمفونيه لايتقن إيقاعها ألا الكبار .

أسعدت الجميع بهالحضور اخوي عويد .
يعطيك العافيه ..

[عويد كسار العنزي]

عبدالكريم الضبيب

صح بدنك والله يسعد ايامك وردودكم الجميله هي محفز الشاعر لكتابة الابداع

لك مني كل تقدير واعذب تحيه