ليت السحاب [الأرشيف] - شبكة رهب الأدبية-ريما محمد السديري

مشاهدة النسخة كاملة : ليت السحاب

الحوفزان

07-08-2009, 08:42PM

ابدا واتمنى نقد بناء من اخواني الشعراء مصافحه اولى

ليت السحاب الي لفا حزة عصير=يغسل هموم الوقت لامر فوقي
شفني شقي قطع حياته مشاوير=وشفني ترى وسم الزمان فخفوقي
اثر الليالي والحزن عندنا غير=لاصرت في غرب وشمال وشروقي
حاولت اعدي من محابيلها مير=صكت علي ابواب همن سروقي
سرقني الضحكه على غير تبرير=وانا على الضحكه تراني شفوقي
راحت سنينن مابها غير تحقير=بالخوه الي فالزمان الطفوقي
شفني كذا معهم وانا وارد البير=وشفني كذا حضي مضيع حقوقي
لني كذا ياصاحبي من وانا صغير=حضي ردي والهم دم فعروقي
مغير اخايل فالسماء حاسد الطير=واقول روقي يامقادير روقي
تعبت في دنيا تحب المعاسير=وتعبت في دنيا علينا تبوقي
وتعبت من خوه بها من مخاسير=مالا تطيق جبال منه وتشوقي
لاكن قليبي قسمته السواطير=مابين هم ودمع فيهم نفوقي
ولا البقيه ياعذاب المقادير=للهم كلن فيه حب السبوقي
يليت هم الوقت يجلى معاذير=كان انجلى همن عليه يلوقي
ويالله عسا لامن لفينا طوابير=قدام بابك والملك لي يسوقي
تغفر ذنوبي من علو لمحادير=لو كان ذنبي واقفن فالحلوقي

وسلامتكم

عقاب

07-08-2009, 09:12PM

الحوفزان

يامرحبابك اخوي في منتداك

القصيده لايوجد عليها نقد من ناحية الوزن قصيده موزونه مليون بالميه

ربما يوجد بها القليل من الاخطاء الاملائيه ولكنها لاتعيق الشاعر من قرائتها بشكلها

الصحيح وقسم المواهب ليس بمكانها لكي يطرح عليها النقد مكانها بيت القصيد

صح لسانك على هذه القصيده الرائعه

صح لسانك صح لسانك

تحياتي

سر دار

07-08-2009, 09:23PM

ويالله عسا لامـن لفينـا طوابيـر
قدام بابـك والملـك لـي يسوقـي
تغفر ذنوبي مـن علـو لمحاديـر
لو كان ذنبـي واقفـن فالحلوقـي
\
اكثر.اكثر.من رائع.

الحوفزان.بوركت.

لقد.ارقبت.في روس الشم.
من خلال.هذه.الشامخه.
تقبل تحياتي.

الحوفزان

07-08-2009, 09:29PM

صح بدنك اخوي عقاب ومشكور على كلامك الي يثلج الصدر
وسواء هنا او فبيت القصيد

اهم شي توصل للقلوب

وتسعد القارئ وهذي هي

الغايه عند كل شاعر

وصح بدنك الف مليون

اخوي عقاب

الحوفزان

07-08-2009, 09:36PM

صح بدنك اخوي سر دار

ومشكور على مرورك الشامخ
والرائع

ودمت بود وكما تحب

تقبل تحياتي انا ايضا

الحوفزان

07-08-2009, 09:46PM

شكرا لك اخي عقاب على نقل القصيده

والله يقدرني واكون عند حسن الظن

حجاب

07-09-2009, 07:01AM

,

,,

خارج / النص : )

الحوفزان

أتمنى أن تكون في تمام الصحه والعافيه

/

داخل / النص : (

ابدعت ومنطوقك شعر يالحوفزان , وتواضعك هو السر الذي سوف يبرح لك المكان في المستقبل . دمت مبدعاً

,

مودتي / حجاب

,,

الحوفزان

07-09-2009, 11:38AM

مودتي وتقديري لك اخي حجاب

وصح بدنك وابشرك انا في تمام الصحه والعافيه

اثلجت صدري اخي حجاب
بكلامك ومرورك الاكثر من رائع

دمت بود وخير وصحه وسلامه

زايد الدغماني

07-09-2009, 12:39PM

بسم الله الرحمن الرحيم

لني كذا ياصاحبي من وانا صغيـر
............حضـي ردي والهـم دم فعروقـي

الاخ الحوفزان الله يسعد ايامك ولياليك ايها الرائع

قصيده راقيه جدا بمعانيها وصوغها جميله جدا وكما اثنى عليها الاخ عقاااب

اثني انا ايضا عليها لان مشرفنا الغالي عقاب اذا لم يجد عليها ملاحظه

فتعتبر من روائع القصيد فهو لا يجامل في الشعرابدا

اما انت اخي الحوفزان لانك تتطلع للافضل ترى انها ضعيفه

شاعر مبدع ونتطلع للمزيد والجديد منك دائما

صح السانك الى مالا نهايه

ويجب ان يكون اسمك شاعر وليس عضو

الف شكر لك

الحوفزان

07-09-2009, 12:56PM

صح بدنك اخوي زايد الدغماني ابا فارس

وانت والرائع ومرورك الاروع

وبالنسبه للقصيده فاعتبر الشاعر اذا احس ان قصيدته ضعيفه

تكون ضاهره صحيه ولو ماكنت ارا قصائدي ضعيفه لن اطور في نفسي

واخذ الشاعر الكبير ياسر التويجري كمثال لمن اختلف خط قصائده والشاعريه من الحسن للاروع بشكل كبير خلال سبع سنوات

ارتفعت عنده الشاعريه بشكل ملاحض وهنا يخلد ذكر الشاعر وقصائده للاجيال القادمه

والله مدري احس اذا شفتك يابو فارس احس تجيني فلسفه غير عاديه

وصح بدنك اخوي زايد وياهلابك

وصح بدنك مليون

زايد الدغماني

07-09-2009, 01:09PM

الحوفزان

انا اقووول مدام ما انت راضي على ها التحفه

الله يستر منك وش تبي تجيب بعد

فيك شاعريه متدفقه صدقني واتوقع ان القادم سوف يكون افضل بكثير

شكرا لك ايها الحوفزان الخطيرررررررهههههههه

الحوفزان

07-09-2009, 01:35PM

ههههههههههههههههه
تراني شرير وخطير ويدلعوني هتلر يومني صغير

خخخخخ

صح بدنك وعلى شانك يابو فارس

زايد الدغماني

07-09-2009, 02:08PM

شاعرنا هتلر

هههههههههههههه

حروفك لا تدل على انك شرير

حروف يفوح منها العبير

استمر فنحن في انتظارك القادم الجميل

قصائدك توحي بقدوم شاعر قدير

خاطره خطافيه لعيونك

الحوفزان

07-09-2009, 02:27PM

ههههههههههههههههه

يسعد صباحك والظهر والعصارى

ابو فارس

زايد الدغماني

07-09-2009, 10:07PM

الحوفزان

الحقيقه مالقيت مكان اسولف فيه معك تسمح لنا ندردش تحت ها القصيده ولا

ماتسمح

ترى اذا فيه احراج والا شي عادي ندور لنا زاويه نسولف فيها

تحياتي

الحوفزان

07-09-2009, 10:21PM

افا عليك نشيل القصيده وندردش بمكانها ولا يهمك

وتحياتي لك

وانت مكسب لاي منتدى تشارك فيه

ودمت بخير وود

زايد الدغماني

07-09-2009, 10:28PM

الله يطول بعمرك يا الحوفزان ويجعلك ذخر يا العزوه

وعلى فكره ابي اسالك انت وشلون قدرت تغير تنسيق القصيده

ماكانت كذا اليوم وانا اللي اعرفه ان الواحد مايقدر يعدل بعد مضي ربع

ساعه انت عندك واسطه

حّول

زايد الدغماني

07-09-2009, 10:45PM

شفني شقي قطع حياتـه مشاويـر
؛؛؛؛؛؛؛؛؛؛؛؛؛؛؛؛؛؛؛؛؛وشفني ترى وسم الزمان فخفوقـي

البيت هذا لحاله ماشاء الله

والله بيت اعجبني جدا من قصيدتك يا الحوفزان

وش رايك اخوي سردار

الحوفزان

07-09-2009, 10:49PM

ارسل ياباء الف وخمسه جيم ماعدلت فيها شي كيف يعني تغير تنسيقها والله قاعد احك راسي

وارجع للصفحه الاولى وانزل واطلع ماني لاقي تغيير

حول

زايد الدغماني

07-09-2009, 10:52PM

يعني هذا تصميمك للقصيده من اول مره مدري كانها اليوم بدون خلفيه

والا انا غلطاااااااااااااان ترا ماعاد اجمع لاتواخذني

زايد الدغماني

07-09-2009, 10:57PM

الحوفزان

وش رايك تتخطى الخمسين مشاركه الليله تحت قصيدتك على شان

نقدر نراسلك ههههههههههههههههههههه

وتراك بطي انت غشيم كتابه

الحوفزان

07-09-2009, 11:01PM

لا ممكن الجهاز حقك فيه ثقل لانها احيانا تصير معي القصايد بدون خلفيات
مع وجود الخلفيه

وبالنسبه للقصيده اخذت اسبوع تقريبا على بيت وشطر

حتى تنازل الهاجس وكملها لنا فسبحان الله

حول

الحوفزان

07-09-2009, 11:02PM

ههههههههههههههههههه تراقاعد اكتب بيد وحده واليد الثانيه على خدي مضريها

زايد الدغماني

07-09-2009, 11:05PM

معليش يعني انا اعرف اني اتطفل احيانا

لكن السوال طال عمرك ماهو الوقت المناسب اللذي

تحب ان تكتب فيه قصيده

يعني الصبح الضحى الظهر العصر والهاجس والله با العاده ماله وقت محدد

ويطب في اي وقت مثل بعض الناس اللي يدخل بدون استاذان

الحوفزان

07-09-2009, 11:16PM

متى ماظقت كتبت او صارلي موقف

يعني كمثال

تضايقت مره من المرارير من واحد من اخوياي
فكتبت

قصيده خاصه مافيها الا بيت واحد ماهو خاص

اصعب الطعنات طعنات الصحيب--لاضحك شف خنجره خلف ظهرك

وكانت فعز الظهاري

واحيانا اكتب قصيده فيها تكلف فاشقق الورق واحيانا

احفر لين تجي القصيده بس ماتجي

فاهجر الشعر شهر حتى يجيني طايع

واحيانا يجي من حاله ويصحيني من عز النوم

وكذا

زايد الدغماني

07-09-2009, 11:19PM

شف الحوفزان انا ابي اعلمك طريقه رهيبه يطلع ردك رهيب

تكتب الرد اللي تبيه اول شي

زين

بعدين تظلل الرد

وتروح تظغط على اول ايقونه فوق القلم المايل اللي حبره سايل شفته اول واحد

يطلع لك المربع زين

تختار اول شي الخطوط تختار الخط اللي يعجبك __حجم الخط 5 لون الخط اختر مثلا ابيض

تروح للي تحته

عرض التنسيق خله لا تجيه

تجيك الخلفيه اختار اللون فقط بدون خلفيه مثال اسود

بعدين

الاطار اختار منه مثل تل والحجم 10واللون ابيض

وحط ارسال ثم اعتمد المشاركه

يطلع عند الرد راااائع

معلومات سريه مكا اعلمها الا للمميزين

الحوفزان

07-09-2009, 11:28PM

ههههههههههههه

ماشالله معلومات سريه وكلن عرفها الحين خخخخخخ

هاه كيف ردي ضبط بعد الحركه ويعطيك العافيه على الحركه الرهيبه

زايد الدغماني

07-09-2009, 11:31PM

اما الهاجس يصحيك من النوم والله هذي

تقنيه جديده من شركة الاتصالات

طيب اذا جاء يصحيك من النوم وش يقووول قم سو قصيده

هي عيت تدخل السالفه براسي بس احاول ادخلها

هههههههههههههههههههههههههههههههههههههه

زايد الدغماني

07-09-2009, 11:35PM

ههههههههههههه

ماشالله معلومات سريه وكلن عرفها الحين خخخخخخ

هاه كيف ردي ضبط بعد الحركه ويعطيك العافيه على الحركه الرهيبه

ممتاز بس عندك الالوان محيوسه

لو اخترت لون الخط ابيض وحجمه 5

والخلفيه ماتختارها خلها بدون حط لونها اسود مكتوب اللون حطااسود

الحوفزان

07-09-2009, 11:41PM

ههههههههههههههههههههههههه

بقولك كيف يصحيني من النوم

احيانا اكون مار بموقف معين وعيت عيوني تهتني في رقدها ونمت الضيقه تصحيني من عز النوم فاكتب هذا قصدي عسا بس دخلت فراسك خخخخخخخخخ

زايد الدغماني

07-09-2009, 11:55PM

والله ياخوك ادخلت من جهه وطلعت من جهه ثانيه هههههههه

اسمع كم باقي حتى تكمل خمسين مشاركه

ريف النشاما

07-10-2009, 12:04AM

الحوفزان

قصيده جزله من شاعر جزل

و لي الشرف بالرد عليها فسمحل لتطفلي

الذي شغف في فهم معانيها و الابحار في انهارها العذبه

التي أمتلأت من الجزالة المعني

كل الود

الحوفزان

07-10-2009, 12:20AM

ريف النشاما انا الي لي الشرف في مرورك

صح بدنك الف مليون

وخذ راحتك وانا اخوك

ودمت في ود

الحوفزان

07-10-2009, 12:21AM

زايد باقي سبعه وعشرون رد حتى تكتمل الخمسين

الحوفزان

07-10-2009, 12:23AM

ههههههههه
ياخي ليش مادخلت براسك اجل انت شكلك ماتكتب الا على ضو الشموع والمفطح قدامك

يازايد صح

زايد الدغماني

07-10-2009, 12:32AM

ههههههههههه

لا لا انا ترى ما اكتب قصيده الا بفصل الربيع

والا اذا جت سحابة صيف يجي الهاجس

سفير المعاني

07-10-2009, 05:51AM

الغالي
الشاعر
الحوفزان

اهلا وهلا بك في منتديات رهب

واسعدني مروري على متصفحك

الحامل لهذه القصيده الجميله والرائعه

واللتي اثنوا عليها شعار متمكنين فانت

شاعر لاغبار عليه وزادت شاعريتك بتواضعك

وصح لسانك وعلا شانك مليون ولا يكفون

وتقبل تحياتي

الحوفزان

07-10-2009, 01:28PM

سفير المعاني اسعدني مرورك ياغالي وصح بدنك

ومليون صح بدنك ولايكفن

دمت بود

الحوفزان

07-10-2009, 01:31PM

يازايد تكتب قصايدك فالربيع ماشالله عليك

اجل انت الحين في سبات وهاجسك تحت المكيف ميت حر خخخخخخخخخخخ

والله انك شاعر عذب يابو فارس
بدون مجامله